Vergilər Nazirliyi şou əhlini vergiyə cəlb etməyin daha bir üsulunu tətbiq edir

Tarix: 26.12.2015 / 01:50
Bölmə: İqtisadiyyat

İxtiyar Əlizadə: "Artıq müğənnilər nə zaman, hansı şadlıq evində toy aparmasını gizlədə bilməz"

"Bu kitabçanın əhəmiyyəti şou nümayəndələrinin əldə etdiyi gəlirin uçotuna nəzarəti həyata keçirməkdən ibarətdir"

Şadlıq evləri və restoranlara musiqi və əyləncə xidmətləri göstərən şəxslərin qeydiyyat kitabı təqdim edilib. Bu,Vergilər Nazirliyində ticarət və ictimai iaşə fəaliyyəti ilə məşğul olan vergi ödəyiciləri ilə qanunvericilikdə edilmiş dəyişikliklərlə bağlı görüşdə baş tutub. Görüşdə qurumun Vergi Siyasəti və Strateji Araşdırmalar Baş İdarəsinin rəisi Natiq Şirinov Vergi Məcəlləsinə dəyişikliklər barədə məlumat verib.

Bildirilib ki, 2016-cı il yanvarın 1-dən qüvvəyə minəcək dəyişikliklərə əsasən, ticarət və ictimai iaşə fəaliyyəti ilə məşğul olan şəxslərə, dövriyyəsindən asılı olmayaraq, sadələşdirilmiş vergi ödəyicisi olmaq hüququ veriləcək.

Görüşdə musiqi, əyləncə və digər xidmət fəaliyyəti ilə məşğul olan şəxslərin əldə etdiyi gəlirlərin uçotuna nəzarətin həyata keçirilməsi ilə də bağlı təlimatlar verilib. İctimai iaşə obyektlərinin sahiblərinə musiqi, əyləncə və digər xidmət fəaliyyəti ilə məşğul olan şəxslərin əldə etdiyi gəlirlərin qeydiyyata alınması, onlarla əməkdaşlığı qanunun tələblərinə uyğun formada qurmaqla bağlı tövsiyələr verilib. Şadlıq sarayları, restoranlar və bu kimi digər obyektlərdə musiqi, əyləncə və digər xidmətlər göstərən şəxslər hər dəfə qeydiyyat kitabında özləri barədə tələb olunan məlumatları, o cümlədən vergi ödəyicisinin eyniləşdirmə nömrəsini (VÖEN), çıxış etdiyi tarixi, çıxışa başladığı və çıxışını qurtardığı vaxtı, göstərdiyi xidmət müqabilində aldığı məbləği qeyd etməli və bunlar həm xidmətin göstərildiyi obyektin nümayəndəsi, həm də xidmət göstərən tərəfindən həmin şəxslərin imzaları ilə təsdiqlənməlidir.

Vurğulanıb ki, qeydiyyat kitablarının tətbiqi bu sahədə mövcud olan boşluqların aradan qaldırılması, musiqi, əyləncə və digər bu kimi fəaliyyətlə məşğul olan şəxslərin vergiyə cəlb olunması ilə bağlı problemlərin aradan qaldırılmasına kömək edəcək. Ekspertlərin fikrincə, şou nümayəndələrinin vergidən yayınmaması üçün şadlıq evlərinə xüsusi bir kitabçanın verilməsi təqdirəlayiqdir.

Vergi sahəsi üzrə mütəxəssis İxtiyar Əlizadə bizimlə söhbətində qeyd etdi ki, restoran və şadlıq evlərinə verilən vergi kitabçası olduqca əhəmiyyətlidir: "Həmin kitabçada incəsənət nümayəndələrinin iaşə obyektlərində nə zaman ifa etməyə başlaması və işini yekunlaşdırması qeyd olunacaq. Eyni zamanda, müğənnilərin hansı mahnını ifa etməsi və göstərdiyi xidmət müqabilində aldığı qonorar da qeyd olunacaq. Qeydiyyat aparılandan sonra həm müğənni, həm də restoranın rəsmi nümayəndəsi həmin yazılanlara imza atmalıdır. Bunun müqabilində müğənninin nə qədər vergi ödəyəcəyi bəlli olacaq".

Həmsöhbətimiz hesab edir ki, qeydiyyat kitabçasının tətbiq olunmasının ictimaiyyətə xeyri var: "Bu kitabçanın əhəmiyyəti ondan ibarətdir ki, şou nümayəndələrinin əldə etdiyi gəlirin uçotuna nəzarət həyata keçiriləcək. Artıq bundan sonra şou nümayəndələri yalandan "gəlirimiz yoxdur", "toylara getmirik" ifadəsini işlədə bilməz. Çünki onlar nə zaman və hansı restoranda toyda olmasını artıq gizlədə bilməyəcək. Müğənnilər də, hər kəs kimi, vergilərini ödəməlidir. Əks halda, onlar inzibati qaydada məsuliyyətə cəlb oluna bilər".

Günel CƏLİLOVA

DİGƏR XƏBƏRLƏR

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...