Şadlıq evləri manat devalvasiyasından sonra...

Tarix: 26.12.2015 / 01:55
Bölmə: İqtisadiyyat

"Monte Karlo" - Rüzgar Mənsumlu: "Devalvasiyadan sonra şadlıq evində menyunun qiyməti 25-30 faiz qalxacaq"

"İmperator" - Nizami Nəbiyev: "Ərzaq məhsulları bahalaşıbsa, bu yəqin ki, bizə də təsir edəcək"

"Ay işığı": "Qiymət dəyişikliyi müzakirə olunur"

Zahid Məmmədov: "Şübhəsiz, şadlıq evləri qiymətləri qaldıracaq, amma bununla sadə vətəndaş ayaqlaşa bilməyəcək"

Dekabrın 21-də Azərbaycanın milli valyutasının "üzən məzənnə"yə keçməsi ölkənin əksər sektorlarına təsir edib. Devalvasiyadan sonra şadlıq evləri və restoranlarda da vəziyyət mürəkkəbləşib. Restoran sahibləri iddia edir ki, manatın "üzən məzənnə"yə keçməsi onların fəaliyyətinə təsirsiz qalmayıb.

Qeyd edək ki, devalvasiyaya qədər şadlıq evlərində müştərilərə təqdim edilən ən ucuz menyunun qiyməti 25, bahalı isə 80 manat idi. Ekspertlər bildirir ki, dolların kəskin artması nəticəsində şadlıq evlərində masanın qiyməti 30 faiz artacaq.

Devalvasiyanın şadlıq evlərinə necə təsir etdiyini öyrənmək məqsədilə paytaxtda fəaliyyət göstərən bir neçə restoranla əlaqə saxladıq.

"Monte Karlo" şadlıq evinin inzibatçısı Rüzgar Mənsumlu "Bakı-Xəbər"ə açıqlamasında qeyd etdi ki, 21 dekabr tarixində baş verən məlum devalvasiyadan sonra qiymət artımı qaçılmazdır: "Çünki menyuda olan təamların hər biri keyfiyyətlidir. Məsələn, bazarda 5 növdə alma satılar. Amma almaların ən yaxşısını alırıq. Devalvasiyadan sonra isə bazarda satılan məhsullar 4 dəfə bahalaşıb. Süfrənin bəzədilməsi üçün lazım olan ərzaqların qiyməti yüksək olduğu üçün məcburuq qiymətləri qaldıraq".

R.Mənsumlunun sözlərinə görə, devalvasiyadan sonra çalışdığı şadlıq evinin qiyməti 25-30 faiz qalxacaq. 55 manatlıq menyunun qiyməti 70 manat olacaq. Menyularda hər hansı bir dəyişiklik olmayacaq.

Həmsöhbətimiz onu da bildirdi ki, devalvasiyadan öncə toy üçün danışılan qiymətlər olduğu kimi qalacaq: "Bir ay əvvəl biz müştəri ilə hansı qiymətə razılaşmışıqsa, danışığımız da o cür qalacaq. Düzdür, biz bu məsələdə uduzacağıq. Amma neynəyək, müştəri ilə razılığımız var".

"İmperator" şadlıq evinin inzibatçısı Nizami Nəbiyev bizimlə söhbətində qeyd etdi ki, hələlik köhnə qiymətlərdir, amma təzə qiymətlər müzakirə olunur: "Ərzaq məhsulları bahalaşıbsa, bu yəqin ki, bizə də təsir edəcək. Baha alsaq - baha olacaq, ucuz alsaq - ucuz".

N.Nəbiyevin fikrincə, 2016-cı ildən etibarən "İmperator" şadlıq evində toy etmək istəyənlər üçün qiymətin qaldırılması ehtimal olunur: "Toy üçün əvvəlcədən yer bron edən şəxslər narahat olmasınlar, çünki onlarla müəyyən razılığa gəlinib. Bundan sonra yer tutanlar üçün qiymətlərin necə olacağını isə rəhbərlik bir qərara gəldikdən sonra deyə bilərik".

"Ay işığı" restoranının əməkdaşı bildirdi ki, qiymətlər hələ ki, əvvəlkidir: "Amma qiymət dəyişikliyi müzakirə olunur. Ərzaq məhsullarının satış qiymətinin bahalaşması təbii ki, bizə də təsir edəcək".

İqtisadçı Zahid Məmmədov ümumiyyətlə ölkədə israfçılığa səbəb olan toy mərasimlərinin dəbdəbəli keçirilməməsinin tərəfdarıdır. Onun sözlərinə görə, insanlar artıq dərk etməlidir ki, 500-600 nəfəri bir zala yığıb toy etmək israfçılıqdan başqa bir şey deyil: "Dünyanın heç bir ölkəsində belə bir qayda-qanun yoxdur. Mən təklif edirəm ki, ümumiyyətlə hazırkı durumda 20-30 nəfərdən ibarət bir məclis təşkil olunsun. Bu yolla həm də büdcəyə də kifayət qədər qənaət etmiş olarıq. Bunun üçün insanların yanaşması da dəyişməlidir. Hər kəs büdcəsini dünyadakı proseslərə uyğun tənzimləməlidir. Heç şübhəsiz, şadlıq evləri qiymətləri qaldıracaq, amma bununla sadə vətəndaş ayaqlaşa bilməyəcək. Ona görə də toy təşkilatçıları şadlıq saraylarındakı menyularının ilk olaraq qiymətinə dəyişikliklər etməlidir".

Günel CƏLİLOVA

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...