Prezident sosial sahədə ixtisarların qarşısına sədd çəkdi - ekspert təhlilləri başladı

Tarix: 26.12.2015 / 02:34
Bölmə: İqtisadiyyat

"Sosial sahədəki hər bir proses əvvəlki qaydada həyata keçiriləcək"

Vüqar Bayramov: "Bu o deməkdir ki, əlillərin mənzillə, avtomobillə təmin olunması davam etdiriləcək"

Prezident İlham Əliyev Bakıda gözdən əlillər üçün inşa olunan yaşayış binasının istifadəyə verilməsi mərasimi zamanı bir sıra məqamlara toxunub. Bu sahədə dövlətin öz üzərinə düşən vəzifəni icra etdiyini deyən Prezident bütün cəmiyyətin bu kimi təşəbbüslərə qoşulmasının vacibliyini vurğulayıb:

"Deyə bilərəm ki, son illər ərzində Əmək və Əhalinin Sosial Müdafiəsi Nazirliyində ciddi islahatlar aparılır. Bu islahatların bir məqsədi var ki, ehtiyacı olan insanların problemləri həll edilsin, ədalət tam şəkildə təmin olunsun. Yəqin siz də bilirsiniz, əlil olan insan əvvəlki illərdə arayış, əlillik dərəcəsini almaq üçün bəzi hallarda gərək hər il gəlib sübut edəydi ki, o, əlildir. İndi aparılan islahatlar artıq bu vəziyyəti köklü şəkildə dəyişir".

Dövlət başçısı qeyd edib ki, bəzi çətinliklərə rəğmən, sosial layihələrin heç biri ixtisar olunmayacaq. Onun fikrincə, neftin qiyməti çox aşağı səviyyədə olsa da, gələn il bütün sosial proqramlar icra ediləcək: "Bizim vətəndaşlar əmin ola bilərlər ki, sosial sahədə bir dənə də olsun ixtisar olmayacaq. Sadəcə olaraq dövlət qurumları daha da səmərəli işləməlidirlər, maliyyə-iqtisadi sahədə şəffaflıq tam şəkildə təmin edilməlidir. Belə olan halda, Azərbaycan 2016-cı ildə də yaxşı nəticələr göstərəcək. Bir daha demək istəyirəm ki, gələn il və bundan sonrakı illərdə siyasətimizin mərkəzində Azərbaycan vətəndaşı dayanacaq. Xüsusilə o vətəndaşlar ki, onların dövlət qayğısına böyük ehtiyac var".

Maraqlıdır, sosial sahədə heç bir ixtisar olmayacağını deyən Prezident nəyi nəzərdə tutur?

Sözügedən məsələni dəyərləndirən iqtisadçı-ekspert Vüqar Bayramovun fikrincə, bu o deməkdir ki, aztəminatlı ailələrlə, əlillərlə bağlı proqramlar həyata keçiriləcək: "Bu o deməkdir ki, əlillərin mənzillə, avtomobillə təmin olunması davam etdiriləcək. O cümlədən, ehtiyacı olan ailələrə ünvanlı sosial yardım veriləcək. Həmçinin, digər sosial xidmətlərlə bağlı işlər həyata keçiriləcək. Ümumiyyətlə bundan əvvəl də məlum idi ki, 2016-cı ilin dövlət büdcəsində sosial ayırmaların və ya sosial layihələrin məhdudlaşdırılması nəzərdə tutulmayıb. Büdcə ölkənin əsas maliyyə planıdır və bu sahəyə dövlət tərəfindən göstərilən diqqət göz qabağındadır.

Bu baxımdan 2016-cı il üzrə dövlət büdcəsi həm regiondakı dəyişikliklərə, həm də qlobal faktorlara uyğun olaraq hazırlanıb. Bu büdcənin yalnız daxili iqtisadi prinsiplərə deyil, xarici iqtisadi faktorlara da söykənəcəyi ehtimal olunur. Neftin ucuzlaşmasına rəğmən, sosial ayırmalarda və layihələrdə heç bir ixtisar nəzərdə tutulmayıb. Praktik olaraq sosial ayırmaların və ya sosial layihələrin məhdudlaşdırılması nəzərdə tutulmayıb. Bu sahədəki hər bir proses əvvəlki qaydada həyata keçiriləcək. Müəyyən dərəcədə ixtisarlar infrastruktur sahəsində nəzərə çarpacaq. Sözsüz ki, infrastruktur xərclərinə yenidən baxılması və bu xərclərin mövcud qlobal xərclərə uyğunlaşdırılması prosesi həyata keçiriləcək".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...