Qubad İbadoğlu ilə Fikrət Yusifovun rəqəm mübahisəsinə başqa iqtisadçı alimlər də qoşulur

Tarix: 12.12.2014 / 02:44
Bölmə: İqtisadiyyat

Əli Əlirzayev: "Elə məhsulların alınması və idxal edilməsi baş tutur ki, onlar barədə dövlət məlumat verməyi lazım bilmir"

"Bura silah-sursatın və ordunun digər təminatları üçün nəzərdə tutulan məhsulların alınaraq idxalı aiddir"

Məlum olduğu kimi, tanınmış iqtisadçı Qubad İbadoğlu 2008-2013-cü illər ərzində Azərbaycanın rəsmi orqanları tərəfindən 21,5 mlrd. dollarlıq idxalın hesaba alınmadığını iddia edən açıqlama ilə çıxış edib. Onun bu açıqlamasına başqa bir iqtisadçı tərəfindən sərt reaksiya verilib.
"Ekonomiks" Beynəlxalq İqtisadi Araşdırmalar Birliyinin sədri, iqtisad elmləri doktoru, professor Fikrət Yusifov İqtisadi Tədqiqatlar Mərkəzinin rəhbəri Qubad İbadoğlunun "korrupsiya faktları" kimi təqdim etdiyi araşdırmaya münasibətində bildirib ki, öz siyasi ambisiyaları naminə iqtisadi məlumatları hər vəchlə təhrif edənlər unutmasınlar ki, onların yazdıqlarını təkcə aldatmaq istədikləri sadə insanlar deyil, eyni zamanda bu sahəni peşəkar səviyyədə bilənlər da oxuyur: "Qubad İbadoğlunun mətbuatda dərc etdiyi "sensasiyalı təhlili" insanları çaşdırmağa hesablanıb. Bu həm də Qərbdəki bəzi dairələrə ünvanlanmış "Mən Azərbaycandakı korrupsiya faktlarını görün necə açıqlayıb ictimaiyyətə çatdırıram" mesajıdır. Bu təhlildə məlumatların haradan götürülməsi barədə heç nə deyilmir. Müəllif abstrakt "ticarət tərəfdaşına" istinad edir... Kimdir bu ticarət tərəfdaşı? Hansı təşkilat və ya müəssisədir bu funksiyanı yerinə yetirən "tərəf"? Bir həqiqət var: informasiya mənbəyi göstərilmədən aparılan hər hansı təhlil və ya araşdırma əslində plagiatlıqla bir səviyyədə dayanan bir işdir. Siz cəmiyyətə bu qədər ciddi mesaj verməyin məsuliyyətini dərk etməlisiniz. Ona görə də öz təhlilinizdə "ticarət tərəfdaşları" adlı mənbənin dəqiq göstərilməsinə borclu idiniz. Əgər dedikləriniz həqiqətdirsə, siz bunu nə üçün etməmisiniz? Nə üçün təhlilinizi guya cəmi 15 ölkənin məlumatları əsasında aparmısınız? Nə üçün bu təhlil 2013-cü ildə Azərbaycanın ticari əlaqələrdə olduğu 150-yə qədər ölkəni əhatə etməyib? Axı Azərbaycan Dövlət Statistika Komitəsinin internet saytında bütün bu məlumatlar var. Siz Azərbaycanın rəsmi statistik məlumatlarına istinadən 15 ölkə üzrə 6 ildə idxalın həcmini 37,4 milyard dollar göstərirsiniz. Halbuki, rəsmi statistika ilə cəmi 10 ən böyük mal ixracatçısı 6 il ərzində Azərbaycana bundan daha çox - 40 milyarda yaxın mal ixrac edib. Sual olunur: kimi aldatmaq istəyirsiniz? Nə üçün mövcud rəsmi rəqəmləri belə təhrif edirsiniz? Deməli, sizə təhlil deyil, sadəcə, cəmiyyətə və Qərbdəki dostlarınıza mümkün qədər daha böyük hay-küyə səbəb ola biləcək informasiya çatdırmaq lazımdır. Bu məqsədlə öz "təhlilinizdə" son 6 ildə 15 ölkə üzrə "qarşı tərəfin" verdiyi məlumatlarla bizim rəsmi statistika məlumatları arasında 21,58 milyard dollarlıq bir "fərq" çıxarıb bunu əlinizdə bayraq edirsiniz".
İqtisadçı Əli Əlirzayev qəzetimizə açıqlamasında bildirdi ki, 21 milyardın gizlədilməsilə bağlı iddia irəli sürmək asan məsələ deyil: "Hesab edirəm ki, bu iddianı irəli sürən adam konkret dəlillərə əsaslanmalıdır. Bunun hesablanması üçün də rəsmi qurumların məlumatlarına istinad edilməlidir. Əgər Qubad İbadoğlu deyirsə, yəqin ki, məsuliyyətini də daşımalıdır. İdxalın hesaba alınmaması ilə bağlı bəzən hesablamalarda yanlışlığa yol verilir. Məsələn, bu yaxınlarda mənim də iştirak etdiyim debatlardan birində bu mözvu qoyulmuşdu. "Azadlıq" radiosunun efirində mən bu məsələyə aydınlıq gətirdim. Sizə də izah edirəm ki, biz bir qədər fərqli şəraitdə yaşayan ölkəyik. Müharibə şəraitində yaşayırıq.
Görürsünüz ki, büdcəmizdə böyük pay orduya ayrılır. Bu baxımdan da elə məhsulların alınması və idxal edilməsi baş tutur ki, onlar barədə dövlət məlumat verməyi lazım bilmir. Bura silah-sursatın və ordunun digər təminatları üçün nəzərdə tutulan məhsulların alınaraq idxalı aiddir.
Həmin debatda da iddia irəli sürülürdü ki, Rusiyanın təqdim etdiyi rəqəmlərlə, bizim Gömrük Komitəsinin təqdim etdiyi rəqəmlar arasında böyük təzad var. İzah etdim ki, olar bilər biz Rusiyadan çoxlu silah alırıq və bunu rəsmi rəqəmlər sırasına daxil etmirik. Hər halda, Qubad İbadoğlu hesablamalarında bu amili də xüsusi olaraq nəzərə almalı idi.
Digər bir tərəfdən isə, bu hesablamalar yalnız bəzi ölkələrlə bağlı deyil, Azərbaycanın ticarət münasibətləri olan bütün dövlətlərlə müqayisədə aparılmalıdır. Rəsmi statistik rəqəmlərə istinad edilməyibsə, bu cür hesabatları o qədər də ciddi saymaq olmaz".

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...