Tarix: 12.12.2014 / 02:23
Bölmə: İqtisadiyyat

Məlum olduğu kimi, Azərbaycanda cari il ərzində yaşanan quraqlıq səbəbindən taxıl istehsalı ötən illə müqayisədə daha az olub. Ümumiyyətlə, bu il ölkədə 2,7 milyon ton taxıl istehsal olunub. Bu məhsulun təxminən 1.8 milyon tonu buğdadır. Ölkədə mövcud ehtiyacı təmin edəcək qədər buğda istehsal olunsa da, bu məhsulun yalnız 30 faizi çörək istehsalında istifadə olunur, qalan 70 faizi isə çörək istehsalına yaramır.
Ölkədə istehsal olunan taxıl məhsulları beynəlxalq standartlara cavab vermədiyi üçün Azərbaycan Rusiya və digər ölkələrdən taxıl məhsulları idxal etməyə məcbur olur.
Son dövrlərdə isə şimal qonşumuzda un və taxılın qiymətində artım ola biləcəyinə dair fikirlər səsləndirilir. Təbii ki, belə vəziyyət Azərbaycana da təsirsiz ötüşməyəcək. Ümumiyyətlə, son illərin təhlili göstərir ki, ölkəmizdə taxıl məhsullarının qiymətinin qalxma səbəbi daha çox xarici bazarlarla bağlı olub. Bu daha çox Rusiya, Qazaxıstan və İranın daxili bazarlarında qiymətlərin tənzimlənməsilə əlaqədar proses sayılır. Bu ölkələrdə taxılın qiymətində artım baş verirsə, o zaman Azərbaycana idxal olunan taxılın qiymətində də artım yaşanır. Yuxarıda qeyd olunduğu kimi isə, artıq Rusiyada qiymət artımı olacağına dair məlumatlar dolaşır. "Kommersant" qəzeti yazır ki, Rusiyanın "Lenta", "Okey", "X5 reatil Group" və "Diski" adlı nəhəng reteylerləri yaxınlarda qiymətlərin sürətli artımı ilə bağlı məlumatlar əldə ediblər. Sürətli artım, xüsusilə un, taxıl, qənd və eyni zamanda məhsulları daşıyan nəqliyyat və bu istiqamətdə fəaliyyət göstərən strukturları əhatə edəcək. Rusiyada un və taxılın qiymət artımı, qeyd olunduğu kimi, Azərbaycana da təsir göstərəcək. Əslində, mediada yayılan son məlumatlara görə, yerli bazarda unun qiymətində artım müşahidə edilir. Belə ki, satıcıların bildirdiyinə görə, bir kisə 50 kq-lıq unun qiyməti 17,4 manatdan 18,8 manata qalxıb. Lakin müvafiq rəsmi qurumlar məlumatı təkzib edir. İqtisadiyyat və Sənaye Nazirliyinin mətbuat xidmətinin rəhbəri Abbas Əliyev deyib ki, aparılan monitorinqlər zamanı unun qiymətində artım müşahidə olunmayıb. O qeyd edib ki, nazirlik tərəfindən monitorinqlər həyata keçirilib, rəsmi şəkildə qiymət artımı qeydə alınmayıb. Nazirlik rəsmisi bazarda süni qiymət artımının qarşısını almaq üçün lazımı tədbirlərin görüləcəyini qeyd edib: "İqtisadiyyat və Sənaye Nazirliyi Antiinhisar Siyasəti və Istehlakçıların Hüquqlarının Müdafiəsi Dövlət Xidməti mütəmadi olaraq monitorinqlərini davam etdirəcək. Yeni ilin yaxınlaşması ilə əlaqədar olaraq dekabrın ikinci ongünlüyündən başlayaraq bir sıra ərzaq məhsulları üzrə istehlak bazarında nəzarət tədbirləri daha intensiv aparılacaq. Nəticədə əhali həm keyfiyyətli ərzaq məhsulları ilə təmin olunacaq, həm də süni qiymət artımının qarşısı alınacaq".
Lakin yuxarıda qeyd olunduğu kimi, Rusiyada un və taxılın bahalaşması buradan ölkəmizə gətirilən həmin məhsulların qiymətinə təsir göstərmək iqtidarındadır. Digər tərəfdən, dünya bazarlarında satılan taxılın həcmində də azalma var. Bu şəraitdə Azərbaycan Qazaxıstandan istədiyi həcmdə taxıl almasa, ölkəmizdə bu məhsulun qiymətində artım olması qaçılmaz sayılır. Ötən il Azərbaycan Qazaxıstandan 850 min ton taxıl idxal edib. Rusiyadan isə 550 min ton taxıl alınıb. Rusiyada məhsul bahalaşarsa, Azərbaycan bunu Qazaxıstanla kompensasiya etməyə çalışacaq. Bu baş verməsə, bazarlarda qiymət baxımından gərgin vəziyyətin yaranması istisna edilmir. Ekspertlər deyir ki, taxılın və unun qiymətində artım olarsa, avtomatik olaraq əhaliyə satılan çörəyin də qiyməti qalxacaq. Rəsmi qurumlar isə bəyan edir ki, taxılla bağlı ölkədə problem yaşanmayacaq. Onu da bildirək ki, hökumət tərəfindən fermer və sahibkarlardan standartlara uyğun olaraq taxılın qəbul olunması haqqında müraciət olunub. Müraciətə əsasən, 1 tonun qiyməti 340 manat olmaqla taxıl alınır. Lakin bu qiymətə taxıl satan fermerlərin sayı elə də çox deyil. Səbəb yenə keyfiyyət amilidir, ölkədə istehsal olunan taxıl tələb olunan keyfiyyət göstəricilərinə tam cavab vermir. Bu səbəbdən idxal zəruri sayılır.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...