Azərbaycanda 5-ə yaxın sığorta şirkətinin də fəaliyyəti dayandırılacaq

Tarix: 11.12.2014 / 02:59
Bölmə: İqtisadiyyat

Ölkənin sığorta sektorunda son vəziyyətin təhlili burada fəaliyyət göstərən şirkətlərin heç də hamısının durumunun yaxşı olmadığını üzə çıxarır. Proseslərin gedişi fəaliyyətini dayandıracaq sığorta şirkətlərinin sayının artacağıın deməyə əsas verir. Əslində, bunun ilkin anonsları maliyyə naziri Samir Şərifov tərəfindən açıqlanıb. Bakıda "Caspian European Club" çərçivəsində keçirilən biznes-forumda nazir bildirib ki, son 4-5 ildə sığorta sahəsində xeyli müsbət dəyişikliklər müşahidə edilib.
Onun sözlərinə görə, vəziyyətin yaxşılaşmasına dövlət tərəfindən həyata keçirilən siyasət münbit şərait yaradıb. Nazir qeyd edib ki, son illər həm sığorta bazarının həcmi xeyli artıb, həm də sığorta sektorunun konsolidasiyası baş verib. Nəticədə bir çox fəaliyyət göstərməyən və risqli əməliyyatlarla məşğul olan şirkətlər bazardan uzaqlaşdırılıb: "Dövlət Sığorta Nəzarəti Xidməti tərəfindən həmin şirkətlərin lisenziyası ləğv edilib. Nəticədə bu gün, 4-5-i istisna olmaqla, bazarda sağlam şirkətlər fəaliyyət göstərir". Beləliklə, bu açıqlamadan bəlli olur ki, ən azından 4-5 sığorta şirkətinin durumu heç də qənaətbəxş deyil.
Ümumiyyətlə, maliyyə bazarında son dəyişikliklər sığorta şirkətlərinə də ciddi təsir etməkdədir. Hətta belə fikirlər də səslənir ki, Azərbaycanın sığorta bazarında yaxşı günlər keçmişdə qalıb. Sığorta şirkətləri, əvvəlki illərdə olduğu kimi, topladığı sığorta haqlarını artıra bilmir. Orta və kiçik sığorta şirkətlərinin çoxunun vəziyyəti isə daha pisdir. Bütün bunlar fonunda sığorta ödəmələrinin artması şirkətləri maliyyə baxımından daha çətin vəziyyətə salır. Qeyd edək ki, cari ilin ilk üç rübündə Azərbaycanda bütün sığorta sinifləri üzrə toplanmış hər 100 manatın 37 manatı ödənişə yönəldilib. Amma ayrı-ayrı siniflər üzrə ödəniş səviyyəsi fərqlidir. 9 ayın nəticələrinə əsasən, ölkədə ən zərərli sığorta növü avtomobillərin könüllü sığortasıdır. Sığorta şirkətləri bu sahədən topladıqları hər 100 manatın 74 manatını, yəni 74%-ni müştərilərinə geri qaytarıb. Ötən il isə bu nisbət 46% olub. Zərərliliyin artması bu ilin əvvəlindən ölkədə avtomobil satışının və kasko sığortasından daxilolmaların azalması ilə bağlıdır. Ekspertlər də deyir ki, sığorta bazarında yığımların artım tempinin aşağı düşməsinə səbəb bankların istehlak kreditləri verilişini məhdudlaşdırmasıdır. Banklara arxayınlaşıb işləyən sığorta şirkətləri indi çətin vəziyyətə düşüb. Sığorta şirkətləri də etiraf edir ki, bankların avtomobil kreditlərini dayandırması bank sektorundan sonra sığorta bazarına da mənfi təsir etməyə başlayıb. Bazar iştirakçılarının sözlərinə görə, hazırda avtomobillərin könüllü sığorta bazarının böyük hissəsi kreditlə alınan avtomobillərin payına düşür. Orta hesabla, sığortalanan avtomobillərin 70%-dən çoxu kreditlə alınanlardır. Bəzi şirkətlərdə isə kasko sığortanın 90%-ə qədər hissəsi kreditlə alınan avtomobillərin payına düşür. Lakin indi vəziyyət dəyişib. Belə şirkətlər yeni sığorta məhsulları tapa bilməsə, daha böyük maliyyə problemi və beləliklə, bağlanmaq təhlükəsi ilə üzləşməli olacaq.
Zərərliliyin səviyyəsinə görə sonrakı yerdə tibbi sığorta qərarlaşıb. Bu sığorta növü üzrə toplanan hər 100 manat sığorta haqqının 66 manatı ödəniş edilib. Elə ötən il də bu nisbət 66% olub.
Şirkətlər avtonəqliyyat vasitəsi sahiblərinin mülki məsuliyyətinin könüllü sığortasına görə də çox ödəniş ediblər. Hesabat dövrünə bu sığorta növündən əldə olunan hər 100 manatın 61 manatı ödənişə gedib. Ötən il isə bu nisbət 19% olub. Həyatın yaşam sığortası ilə bağlı bağlanmış müqavilələrin müddətinin bu ilin avqust ayında bitməsi bu sığorta növü üzrə zərərliliyi ötən illə müqayisədə 6-7 dəfə artırıb. Belə ki, 2013-cü ilin 9 ayında həyatın yaşam sığortasında ödəniş-yığım nisbəti 8% civarında idisə, bu il bu nisbət 52% olub.
Avtomobillərin icbari sığortasında da ödəniş səviyyəsi artıb. İlk 9 ayın nəticəsinə görə, bu sığorta növü üzrə toplanan hər 100 manatın 41 manatı ödəniş edilib, ötən il isə bu rəqəm 38 manat idi.
Bu il əmlakın yanğından və digər risqlərdən könüllü sığortası üzrə də ödənişlər artıb. Yanvar-sentyabrda bu sığorta növü üzrə hər 100 manat sığorta haqqının 26,6 manatı ödəniş edilib, ötən il bu göstərici 6,6 manat olub. Buna həm yığımların 36% azalması, həm də ödənişlərin kəskin artması səbəb olub. Belə vəziyyət isə sığorta şirkətlərinin maliyyə durumuna təsirsiz ötüşmür. Bəzi sığorta şirktələri nizamnamə kapitalını yetərli həddə toplaya bilmir. Qeyd edək ki, Maliyyə Nazirliyi "Başak-İnam Sığorta Şirkəti" ASC-nin kapitalını yetərsiz hesab edərək onun lisenziyasının qüvvəsini dayandırmışdı. Nazirlik şirkətə kapital yetərsizliyini aradan qaldırmaq üçün 6 ay vaxt vermişdi. Lakin az sonra şirkət üzləşdiyi problemi həll etdi və onun lisenziyasının qüvvəsi bərpa olundu. Maliyyə Nazirliyi də bildirdi ki, lisenziyasının qüvvəsinin dayandırılmasına əsas verən halın aradan qaldırılmasını, yəni məcmu kapitalını qanunvericiliklə müəyyən olunmuş sığortaçının tələb olunan kapitalının minimum məbləği səviyyəsinə uyğunlaşdırılmasını təmin etməsi ilə əlaqədar "Başak-İnam Sığorta Şirkəti" Açıq Səhmdar Cəmiyyətinə sığorta fəaliyyətinə verilmiş lisenziyanın qüvvəsi Maliyyə Nazirliyinin müvafiq əmri ilə bərpa edilib. Lakin heç də bütün sığorta şirkətləri "Başak-İnam Sığorta Şirkəti"nin bu uğurunu təkrarlamaq qüdrətində deyil. Bu səbəbdən fəaliyyətini dayandıracaq şirkətlərin olacağı qaçılmaz sayılır.

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...