Gələn ildən evlər daha da ucuzlaşmağa üz tutub

Tarix: 10.12.2014 / 02:58
Bölmə: İqtisadiyyat

Gələn il ərzində Azərbaycanda daşınmaz əmlak bazarında qiymətlərin əhəmiyyətli dərəcədə aşağı düşməsi gözlənir. Bu vəziyyətdə mənzil bazarındakı mövcud durğunluğa son qoyulması da istisna edilmir. Qeyd edək ki, hazırda mənzil bazarında aktiv alış-veriş yoxdur.
Təkrar mənzil bazarı istisna olmaqla, digər sahələrdə bazar hazırda passivdir. Təkrar mənzil bazarının digərlərindən fərqi ondadır ki, bu istiqamətdə aktivliyi ipoteka kreditləri hesabına müəyyən qədər bərpa etmək mümkündür. Ona görə də bu sahədə alqı-satqı prosesləri gedir. İlkin mənzil bazarına gəlincə, burada tikintisi aparılan və ya tikintisi başa çatmış mənzillərdəki qiymətlər həddən artıq yüksəkdir. Qiymətlərin yüksəkliyi alıcıların bura olan marağını azaldır, bütövlükdə alıcılıq qabiliyyətinin aşağı düşməsinə təsir göstərir. Qiyməti 1000 manata qədər olan tikilib başa çatmış yaşayış binalarında isə mənzillər demək olar satılıb qurtarıb. Faktiki müşahidələr də göstərir ki, tələbat məhz qiyməti bu civarda dəyişən mənzillərədir.
Hələlik isə mənzil bazarında bir neçə aydır başlayan süstlük davam edir. Bakıdakı alqı-satqı firmaları da bildirir ki, evlər satılmasa da, qiymətlər aşağı düşmür. Lakin gələn ildən vəziyyət dəyişə bilər. Buna əsas səbəb isə dünya bazarlarında neftin ucuzlaşmasıdır. Ekspertlər xatırladır ki, əmlak bazarındakı son 2 ildəki qiymət artımları heç də iqtisadi səbəblərlə əlaqələndirilmir. Əksinə, ötənilki qiymət artımlarında iqtisadi faktorlardan daha çox süni və eləcə də psixoloji amillər rol oynayırdı. İndi bu amillər aradan qalxır. Digər tərəfdən hesab olunur ki, neftin dünya bazar qiymətində azalmalar davam edərsə, bu, əmlak bazarında tələbatın azalmasına və qiymətlərin aşağı düşməsinə səbəb olacaq. Çünki Azərbaycanda dövriyyədə olan pulun həcmi eyni zamanda "qara qızıl"ın dünya bazar qiyməti ilə sıx bağlıdır. İxracın 94 faizinin neft və neft məhsullrından ibarət olduğunu nəzərə alsaq, bu zaman enerji sektorunun digər sferalarla əlaqəsini müəyyənləşdirmək çətin olmaz. Başqa bir tərəfdən, psixoloji olaraq strateji məhsulların dünya bazar qiyməti aşağı düşən zaman əmlaka tələbatın azalması müşahidə edilir.
Daha bir nüans isə şimal qonşumuzla bağlıdır. Rusiya iqtisadiyyatında müşahidə edilən durğunluq şimal qonşumuzda yaşayan azərbaycanlıların da maliyyə vəziyyətinə mənfi təsir göstərir. 2014-cü ildə Rusiyada yaşayan azərbaycanlıların ölkəmizə göndərdiyi pulların məbləğinin ən azı 30 faizə yaxın azalacağı gözlənir. Rusiyada biznesi zəifləyən həmyerlilərimiz artıq paytaxtın mənzil bazarında ciddi tələb formalaşdıra bilmir. O da qeyd olunur ki, Bakının mənzil bazarındakı qiymətlər artıq tavana dirəndiyinə görə yeni qiymət yüksəlişləri üçün real zəmin yoxdur. Eləcə də, paytaxtda infrastrukturun genişləndirilməsi ilə bağlı aparılan söküntülər mənzil bazarına böyük həcmdə vəsaitin daxil olmasına gətirib çıxarmır. Kompensasiyaların böyük qismi Bakıətrafı qəsəbələrində evlərin və ya torpaqların alınmasına yönəldilir. Digər tərəfdən, bu pullar daha çox təkrar mənzil bazarında tələbə təsir göstərir. Beləliklə, Rusiyadakı durğunluq və neftin dünya bazar qiymətindəki kəskin azalmalar davam edərsə, Bakının mənzil bazarında qiymət azalmalarının olacağını proqnozlaşdırmaq çətin olmaz. Gələn il ərzində hadisələrin məhz bu ssenari əsasında inkişaf edəcəyi gözlənir.
Qeyd edək ki, 2014-cü ilin 9 ayı ərzində baş verən qiymət dəyişməsini göstərən rəqəmlərə əsasən söyləmək olar ki, bazarda 20 faizdən çox qiymət artımı olub. Ekspertlər bildirir ki, sentyabra qədər alıcılıq qabiliyyəti normal olub. Burada "Sovetski" söküntülərinin də rolu olub. Sadəcə, sentyabrdan sonra neftin qiymətinin düşməsi nəticəsində proseslər fərqli məcrada inkişaf edir. Xüsusən də söküntü işlərinə ayrılan vəsaitlərin həcmi bir qədər azaldıldı. Bu proses bazara olan pul axınının qarşısını müəyyən qədər aldı. Nəticədə əmlak bazarında stabil bir vəziyyət yaranıb. Ekspertlər hesab edir ki, ilin yekunu ilə əlaqədar olaraq bazara pul axınlarının həcmində müəyyən azalmalar var. Bu da ucuzlaşmaya yol açır.
Onu da nəzərə almaq lazımdır ki, mənzil bazarında tələb aşağı qalsa da, yeni tikilən və hər gün bazara daxil olan onlarla, yüzlərlə mənzilin hesabına təklif çox sürətlə artır. Onu da qeyd edək ki, mənzil tikintisinin sürətlənməsi torpaq bazarında torpaq alqı-satqısına da təsir göstərir. Şəhərin mərkəzində torpaqlara olan tələbat tikinti investorlarının hesabına artır, tikinti materiallarının alqı-satqısında da xeyli irəliləyiş müşahidə olunur.

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...