50 milyonu olmayan bəzi banklar ölkənin maliyyə sektorunu xarici təhlükə ilə üzləşdirib

Tarix: 05.12.2014 / 01:28
Bölmə: İqtisadiyyat

Cari ilin sonu yaxınlaşdıqca bank sektorunda cərəyan edən hadisələr daha intensiv xarakter alır. Hələ də nizamnamə kapitalını 50 milyon manata çatdıra bilməyən banklar bu xüsusda fəaliyyətlərini genişləndirməyə çalışır. Artıq xaricdən kredit cəlb edən bankların da sayı artır. Məsələn, Cənub-Şərqi Avropa üçün Avropa Fondu (EFSE) Azərbaycanın "Muğanbank" ASC-nə 5 milyon ABŞ dolları məbləğində kredit ayırıb.

Bildirilir ki, ayrılan vəsait bank tərəfindən bölgələrdə kiçik və orta sahibkarların kredit ehtiyaclarının ödənilməsinə yönəldiləcək. Yayılan məlumatda deyilir: "Vəsait "Muğanbank"a uzunmüddətli maliyyələşdirməni təmin etmək imkanı verəcək". Xatırladaq ki, "Muğanbank" artıq Azərbaycanda mikro, kiçik və orta müəssisələrin maliyyələşdirilməsində güclü mövqe tutur və bu istiqamətin genişləndirilməsi üzrə işlər aparır. "Muğanbank" hazırda 42 filial şəbəkəsi ilə xidmət göstərir.

Bundan əlavə, Azərbaycanda kapital problemi olan daha bir bank Azərbaycan Mərkəzi Bankının tələblərini yerinə yetirib. "Dekabank" məcmu kapitalını Mərkəzi Bankın tələbinə (50 milyon manat) uyğunlaşdırıb. Bankın İdarə Heyətinin sədri Adil Səfərov bildirib ki, kapital artımına səhm emissiyası hesabına nail olunub. Belə ki, banka məxsus 47970 səhmin nominal dəyəri 500 manatdan 1100 manata qədər qədər artırılıb. Nəticədə bankın nizamnamə kapitalı 24 milyon manatdan 52,8 milyon manata qədər, məcmu kapitalı isə 30,8 milyon manatdan 59,6 milyon manat artıb: "Bakı Fond Birjasında (BFB) proses artıq yekunlaşıb. Hazırda Vergilər Nazirliyində lazımi prosedurlar yerinə yetirilir".

Kapitalla bağlı problemi olan banklardan biri isə kapital problemini səhmdarını dəyişməklə həll edəcək. Belə ki, "Eurobank"ın səhmlərinin yarıdan çoxu kənar səhmdara satılacaq. Bu barədə "fins" portalına bankın baş mühasibi Həsən Bayramov məlumat verib. Onun sözlərinə görə, bankın satılmasına səbəb Mərkəzi Bankın məcmu kapitalla bağlı tələbinin yerinə yetirilməsidir. Belə ki, hazırda bank sektorunda fəaliyyəti bir o qədər də hiss olunmayan "Eurobank"ın nizamnamə kapitalı 11 milyon manat, məcmu kapitalı isə 7,5 milyon manatdır. Banka bazarda qalmaq üçün 42,5 milyon manat pul lazımdır. Bankın indiki səhmdarları bu vəsaitin hamısını təmin etmək gücündə olmadığına görə, səhmlərin böyük hissəsini kənar səhmdara satmaq qərara alınıb. Artıq alıcı da məlumdur: "Səhmləri almaq istəyən hüquqi şəxsdir və ölkənin holdinqlərindən biridir. Amma hələ ki, onun adı açıqlanmır". Yeni səhmdar "Eurobank"ın səhmlərinin 85%-nə sahib olacaq. Həsən Bayramovun sözlərinə görə, hazırda "Eurobank"ın səhmdarları 12 fiziki şəxsdir. Yeni səhmdarın gəlişi ilə əlaqədar olaraq indiki səhmdarların 6-sı öz payından imtina edəcək. N.Bayramov bildirib ki, "Eurobank"əsas səhmdarının dəyişəcəyi ilə bağlı Azərbaycan Mərkəzi Bankı da məlumatlandırılıb: "AMB-ni məlumatlandırmışıq, heç bir problem yoxdur". "Eurobank"ın səhmlərinin satılması Qiymətli Kağızlar üzrə Dövlət Komitəsinin müəyyən etdiyi qaydalara uyğun olaraq Bakı Fond Birjasında həyata keçiriləcək. İlin sonuna qədər bu prosesin başa çatdırılması nəzərdə tutulub.

Nizamanmə tələblərini yerinə yetirə bilməyən bankların isə fəaliyyəti dayanacaq. Belə vəziyyətdə müəyyən xarici maliyyə institutları Azərbaycanda bank sektoruna daxil olmağa çalışır. Xarici investorların özlərinin də marağı var ki, kommersiya banklarının borclanması Mərkəzi Bankdan yox, birbaşa onlardan olsun. Bu onların birlikdə işləməsinə əsas verən amildir. Amma yuxarıda qeyd olunduğu kimi, bunun mənfi tərəfləri də var. Çünki xaricdən borclandığı müddətdə bankların aktivləri dünyada böhran yarandıqda təhlükə altına düşür. Lakin xarici maliyyə institutlarından borclanmaq maliyyə-bank sektorumuzun xarici kapitaldan asılılığına gətirən amildir. Həmin maliyyə institutları Azərbaycandakı kommersiya bankları vasitəsilə ölkənin maliyyə sisteminə birbaşa təsir imkanları qazanır. Qeyd edək ki, ölkədə fəaliyyət göstərən kommersiya banklarının məcmu xarici öhdəliklərinin həcmi son bir ildə 1,017 milyard manat və ya 27,8% artaraq 2014-cü il noyabrın 1-nə 4 milyard 680 milyon manat təşkil edib. Mərkəzi Bankın məlumatına görə, bu ilin əvvəlindən xarici öhdəliklərin həcmi 540 milyon manat və

ya 13% artıb. Bank sisteminin maliyyəşləməsinin xaricdən getdikcə daha çox asılı olması və bunun yaratdığı təhdidə gəlincə, ekspertlər ilk növbədə diqqəti ona çəkir ki, xarici maliyyə sistemlərində baş verə biləcək və baş verən hər hansı sarsıntılar yerli banklara da təsir edir.

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...