Rusiyada rublun ucuzlaşması Azərbaycan fermerlərinin ixracat yolunu bağlayır

Tarix: 04.12.2014 / 07:44
Bölmə: İqtisadiyyat

Son günlərə qədər Azərbaycandan Rusiyaya kənd təsərrüfatı məhsullarının icracı intensiv xarakter daşısa da, artıq fərqli proses müşahidə olunur. Azərbaycandan Rusiyaya aqrar məhsulların daşınması artıq fermerlərə, iş adamlarına əvvəlki kimi sərfəli sayılmır. Buna əsas səbəb Rusiya rublunun getdikcə daha sürətlə dəyərdən düşməsidir. Son məlumatlara görə, Rusiya pul vahidi olan rubl dollar qarşısında sürətlə ucuzlaşmaqda davam edir.
2015-ci ildə ölkədə durğunluğun baş verə biləcəyinə dair açıqlama rubla daha böyük zərbə vurub. Nəticədə rubl ABŞ dolları qarşısında rekord səviyyədə aşağı enib. Dollar rublla müqayisədə daha 5% yüksəlib. Hazırda 1 dollar almaq üçün 55 rubl ödəmək lazım gəlir.
Yuxarıda qeyd olunduğu kimi, Rusiya ilk dəfə rəsmi olaraq iqtisadiyyatının gələn il durğunluğa girəcəyini açıqlayıb. RF maliyyə nazirinin müavini Aleksey Vedev Rusiya iqtisadiyyatının 2015-də, yəqin ki, 0,8 faiz geriləyə biləcəyini deyib. İqtisadiyyatdakı mənfi gedişatı Qərb ölkələrinin tətbiq etdiyi sanksiyalar və neftin qiymətinin aşağı düşməsi ilə əlaqələndirən Vedev gələn il üçün büdcədə neft qiyməti proqnozunun 100 dollardan 80 dollara endirildiyini bildirib. Rusiya iqtisadiyyatının 10 faizini neft və qazdan gələn gəlir təşkil edir, bu gəlir hökumət büdcəsinin 50%-ni yaradır. Hazırda baş verənlər rublu sıradan çıxardığı üçün bu, Rusiyaya məhsul ixrac edən ölkələr, o cümlədən Azərbaycana əlavə problemlər yaradır. Məsələ burasındadır ki, Rusiya bazarına aparılan məhsul rublla satılır. Satışdan əldə olunan gəlir Azərbaycan manatına çevrildikdə fermerin əlində artıq qazanc qalmır.
Beləliklə, rublun dollar və avroya nisbətən dəyərdən düşməsi ixracla məşğul olan sahibkarlara müəyyən problemlər yaradır. Bu da onunla bağlıdır ki, həmin sahibkarlar Rusiya bazarında rublla satdıqları məhsulun pulunu dollar və ya avroya çevirir. Nəticədə də itki ilə üzləşirlər. Hazırda Rusiyada xarici valyuta qıtlığı yarandığını deyən ekspertlər iş adamlarının hətta kursdan baha qiymətə valyuta aldıqlarını bildirir. Ekspertlərin fikrincə, indiki halda rublun ucuzlaşmasının qarşısının alınmasından söhbət gedə bilməz. Əksinə, ABŞ və Avropa Rusiyaya qarşı sanksiyaları daha da sərtləşdirməyi planlaşdırır. Sanksiyaların sərtləşdirilməsi, neftin qiymətinin düşməsi isə Rusiyanın əleyhinə işləyən proseslərdir. Onu da xatırladaq ki, Rusiya Mərkəzi Bankı rublun məzənnəsini sərbəst buraxıb, deməli, rus valyutasının məzənnəsini bazar tənzimləyir. Ona görə də rublun ucuzlaşması prosesi davam edəcək. Xatırladaq ki, Mərkəzi Bank noyabrın 10-dan rublun məzənnəsini tənzimləmək kursundan imtina edib. Çünki Mərkəzi Bank bir ay ərzində 30 dəfədən çox dəhlizin yuxarı sərhədini artırmağa məcbur olub. Bazara isə əvvəlcə ciddi müdaxilə etsə də, sonrakı dövrlərdə gündəlik 350 milyon dollar həcmində müdaxilə ilə kifayətlənib. Bu gedişlə ilin sonuna rublla bağlı məzənnənin daha da ucuzlaşması 1 dolların 60 rubla çatacağına dair proqnozlarda özünü doğruldacaq. 2014-cü ildə rubl dollara münasibətdə 37 faiz ucuzlaşıb. Əhalinin rublda olan əmanətləri 115 milyard dollar dəyərsizləşib. Bu isə Rusiyanın ticarət tərəfdaşlarına da təsirsiz ötüşmür. Xatırladaq ki, Rusiya Azərbaycanın ən böyük ticarət tərəfdaşlarından biridir. Şimal qonşumuz Azərbaycanın idxalında böyük çəkiyə malikdir. Ona görə, bu dövlətin iqtisadiyyatında baş verən hər hansı dəyişiklik avtomatik Azərbaycana təsir edir. Rublun dəyərdən düşməsi orada işləyən həmyerlilərimizin gəlirlərinə zərbə vurur, həmçinin, Azərbaycan regionlarından Rusiyaya ixracı artıq sərfəli etmir.
Bu fonda Rusiya hökumətinin son hərəkəti iqtisadi vəziyyəti düzəltmək əvəzinə daha da geri salır. Rusiyalı maliyyə analitikləri etiraf edir ki, rublun məzənnəsinin düşməsi ölkədə yaxın zaman ərzində daha böyük qiymət artımına gətirib çıxaracaq. Qiymətlərin artması isə həm də Rusiya pərakəndə ticarət bazarında 40 faiz mal ehtiyatının idxal nəticəsində formalaşması ilə bağlıdır. Bu, faktiki olaraq, qiymətlərin qalxmasına təkan verir. O da aydındır ki, rublun ucuzlaşması Rusiyanın ixracına təsirsiz ötüşmür. Yuxarıda qeyd olunduğu kimi, Rusiya ölkəmizin əsas ticarət partnyorlarındandır. Rublun ucuzlaşması şimal qonşularımızdan gələn idxalın həcminin artmasına səbəb olur. Çünki manatın bahalaşması hesabına bu ölkədən gətirilən malların həcmi avtomatik çoxalır. Rublunun ucuzlaşması Rusiyadan göndərilən pul kütləsinə də təsir göstərir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...