Azərbaycanın qış turizmində növbəti bahalaşma...

Tarix: 04.12.2014 / 07:32
Bölmə: İqtisadiyyat

Ölkədə turizm qiymətlərinin yüksək olması hələ də insanların bir çoxunun istirahət üçün xaricə üz tutmasını şərtləndirir. Azərbaycanda qış turizminin təzəlikcə fəaliyyətə başladığı bir dönəmdə yenidən analoji situasiyanın müşahidə olunacağı gözlənilir. Qeyd edək ki, hazırda ölkədə qış turizmi xidməti təklif edən obyektlərin sayı azdır. Bu isə belə obyektlərə hələlik istədikləri qiymətləri diqtə etməyə, onları artırmağa imkan verir.
Məsələn, artıq yayılan məlumata görə, Azərbaycanın ən məşhur turizm məkanı olan "Şahdağ" qış-yay turizm kompleksi yeni mövsüm üçün qiymətləri qaldırıb. Kompleksdən "fins" portalına verilən məlumata görə, xizək mövsümü dekabrın 15-dən başlanır. Amma artıq indidən kompleksdəki xidmətlərin qiymətləri məlumdur. Əhalinin böyük hissəsini maraqlandıran kompleksdə xizəksürmə və kanatla gəzinti qiymətləri artıb. Belə ki, bu il "Şahdağ"da xizəksürmə qonaqlara 20-30 manata başa gələcək. Qeyd edək ki, ötən il kompleksdəki qiymətlər adi günlər və həftə sonu üçün fərqlənirdi. Yəni adi günlərdə qiymətlər həftəsonuna nisbətən ucuz idi. Məsələn, yeni başlayanlar adi günlərdə xizək sürmək üçün 12 manat xərclədikləri halda həftə sonu bu məbləğ 20 manata qalxırdı və s. Amma bu il adi günlər üçün qiymətlər ləğv edilib. Bütün günlər həftə sonu tarifləri ilə aparılacaq. Nəticədə böyüklər üçün qiymətlər 12 manatdan 20 manata, uşaqlar üçün isə 12 manatdan 18 manata qaldırılıb. Şahdağda kanat gəzintisinin də qiyməti artıb. Uşaqlar üçün bir günlük kanat gəzintisinin qiyməti 10 manatdan 16 manata qaldırılıb, böyüklər üçün isə 25 manat olub. Təbii ki, bu hal yenə xaricə üz tutan turistlərin sayında artım olacağını deməyə əsas verir.
Əslində, qiymət artımları rəsmi dairələri də narahat edir. Mədəniyyət və turizm naziri Əbülfəs Qarayev bu xüsusda bildirir: "Keçən il "Şahdağ" və "Tufan" qış-turizm obyektlərində adam əlindən tərpənmək mümkün deyildi. Hansı sahibkar bu halda öz qiymətlərini aşağı salar?". Onun sözlərinə görə, nazirlik mehmanxana və qida təşkili ilə məşğul olan təşkilatlara tövsiyə verir: "Sizi yüz faiz əmin edirəm ki, qış turizmi ilə bağlı bu il "Tufan" və "Şahdağ" daxilində qiymət artımı olmayacaq. Əksinə, insanlara daha çeşidli və keyfiyyətli xidmət təqdim olunacaq". Nazir əlavə edib ki, Azərbaycanda qış turizm mövsümü dekabrın 20-25-də açılacaq.
Ekspertlər isə bildirir ki, turizm obyektlərində qiymət artımı fonunda bu qışda da istirahətlərini qonşu Gürcüstan, Türkiyədə keçirənlərin sayı artacaq. Həmçinin, Rusiya və Avropa ölkələrinə üz tutanların da sayında artım olacağı istisna edilmir. Halbuki, ölkədə ucuz qiymətə qış turizmi inkişaf etdirilərsə, ciddi uğurlara nail olmaq mümkündür. Bunun üçün isə qış turizminin inkişaf etdiyi bölgələrin sayı artırılmalıdır. Hazırda Qəbələdə və Qusarda bu məsələ xüsusi diqqət mərkəzindədir. Ekspertlər hesab edir ki, qış turizminin inkişaf etdirilməsi üçün digər bölgələrə də üstünlük verilməlidir. Hesab olunur ki, bu rayonlarla yanaşı, ölkəmizin digər bölgələrində də turizm potensialını inkişaf etdirmək üçün kifayət qədər imkan var. Ümumiyyətlə, turizm siyasətinin əsas məqsədi o olmalıdır ki, yay bitdikdə turizm mövsümü bitməsin. Hər mövsümə görə ölkədə bütün il boyu turizm inkişaf etdirilsin. Şahdağ, Xaçmaz, Quba, Şamaxı, Qəbələ, İsmayıllı, Yardımlı, Lerik və Naxçıvanda bunun üçün potensial var.
Təhlillər göstərir ki, indilikdə qış turizminin hələ də inkişaf etməməsinin səbəbi iş adamlarının qış turizm mərkəzlərini yaratmaqda maraqlı olmamasıdır. Ölkədə qış turizminin hələ də istənilən səviyyədə olmadığını deyən ekspertlər xarici təcrübənin tətbiqinin vacibliyini önə çəkir. Bunun üçün ölkədə ucuz otellər şəbəkəsi yaratmaq lazımdır. Ekspertlər Azərbaycanda ucuz xidmət göstərən obyektlərin tikilməsi üçün xüsusi dövlət siyasətinin vacibliyini vurğulayır. Hesab olunur ki, hökumət turizm üzrə xüsusi proqram işləməli və ucuz xidmət göstərəcək otellərin tikintisini subsidiyalaşdırmalıdır. Turizm bölgələrinə axını təmin etmək üçün nəqliyyat və xidmət sektorlarına da subsidiyalar tətbiq edilə bilər. Araşdırmalar onu da göstərir ki, yerli turizm bölgələrində qiymətlərin yüksək olması iş adamlarının peşəkarlığının aşağı olması ilə də bağlıdır. Bu mənada o da vurğulanır ki, iş adamlarının xüsusi biznes biliklərinə yiyələnməsinə ehtiyac var. Ölkəmizdə müvafiq infrastruktur və xidmət səviyyəsi olarsa, aydındır ki, xaricə gedən turistlərin böyük qismini ölkədə saxlamaq mümkün olar və bu da yerli turizm sektorunun inkişafına təkan verə bilər. Bu həm də regionlarda əhalinin məşğulluğunun təmin edilməsi sarıdan müstəsna rol oynaya bilər. Çünki turizm sektorunda iş yeri yaratmaq çox asandır. Beynəlxalq Turizm Təşkilatının hesablamasına görə, turizm sektorunda 1 iş yerinin yaradılması sənaye ilə müqayisədə 20 dəfə ucuz başa gəlir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...