"Məşğulluq Haqqında" Qanuna "sahibkarlara cərimə" əlavəsi...

Tarix: 04.12.2014 / 06:57
Bölmə: İqtisadiyyat

Sahib Məmmədov: "Sahibkar işçini işdən çıxarmazdan öncə müvafiq məşğulluq orqanlarına məlumat verməlidir"

"Məşğulluq Haqqında" Qanunda işsizlik statusunun müəyyən olunması və işsizlik müavinətinin verilməsinə qədər olan məsələlər tam şəkildə tənzimlənmir"

Məlumata görə, Azərbaycanda sahibkarlardan toplanan cərimələrin 25 faizi Əmək Müfəttişliyinə və Məşğulluq Xidmətinə çatacaq. Bu tələb "Məşğulluq Haqqında" Qanuna edilən dəyişikliklərdə nəzərdə tutulur. Belə ki, adıçəkilən qanunun 17.2-ci, 17.3-cü, 17.4-cü və 17.8-ci maddələrinin pozulmasına görə tətbiq edilən cərimələrdən toplanan vəsaitin 25 faizi müvafiq icra hakimiyyəti orqanının (Əmək Müfəttişliyi və Məşğulluq Xidmətinin) işçilərinin sosial müdafiəsinin gücləndirilməsinə yönələcək.
Cərimə ödəyəcək tərəfin ölkə sahibkarları olduğunu nəzərə alsaq, qanunun həmin maddələrinin tələblərini iş adamlarının diqqətinə çatdırmaq yerinə düşər. Belə ki, "Məşğulluq Haqqında" Qanunun 17.2-ci maddəsinə əsasən, işçilərini ixtisar etməyi planlaşdıran sahibkarlar bu barədə 2 ay əvvəlcədən Məşğulluq Xidmətinə məlumat verməlidir. Bu məlumatda işdən çıxarılacaq işçilərin peşəsi, sənəti, ixtisası və əməkhaqqının məbləği göstərilməlidir.
Qanunun 17.3-cü maddəsinə əsasən, sahibkarlar boş iş yeri (vakansiya) yarandığı gündən ən geci 5 gün müddətində müvafiq icra hakimiyyəti orqanı tərəfindən müəyyən olunmuş qaydada müvafiq icra hakimiyyəti orqanına məlumat verməlidir.
Qanunun 17.4-cü maddəsinə əsasən, işəgötürənlər müvafiq icra hakimiyyəti orqanına həmin orqanın göndərişi ilə işə qəbul edilənlər, kvota üzrə işə qəbul edilənlər və işdən çıxarılanlar haqqında aylıq hesabatlar təqdim etməlidir.
Qanunda ən mühüm tələblərdən biri 17.8-ci maddədə nəzərdə tutulub. Həmin maddəyə əsasən, sahibkarlar dövlət qurumları tərəfindən göndərişlə göndərilən əlilləri, sağlamlıq imkanları məhdud 18 yaşınadək şəxsləri və sosial müdafiəyə xüsusi ehtiyacı olan digər şəxsləri işə qəbul etməlidir. Bunu etməyən sahibkarlar həmin şəxsləri işlə təmin etmədikləri aylar üzrə hər iş yeri üçün dövlət büdcəsinə respublika üzrə orta aylıq əməkhaqqının üç misli məbləğində vəsait köçürməlidir. Son məlumatlara görə, Azərbaycanda orta aylıq əməkhaqqı 441 manat təşkil edir. Başqa sözlə, yuxarıda sadalanan xüsusi imtiyazlı işçiləri işə qəbul etməyən sahibkarlar hər ay 1323 manat cərimə ödəyəcək.
Qeyd edək ki, "Məşğulluq Haqqında" Qanun 2001-ci ildən qüvvədə olsa da, indiyədək onun bu tələblərinə ciddi surətdə əməl olunmayıb. İndi isə qanuna edilən son dəyişikliklər - yəni toplanan cərimələrin 25 faizinin Məşğulluq Xidməti və Əmək Müfəttişliyinə çatması barədə yenilik vəziyyəti dəyişdirəcək. Adıçəkilən qurumlar bu tələblərə daha ciddi yanaşacaq və qanunu pozan sahibkarların cərimələnməsi ehtimalı artacaq.
"Məşğulluq Haqqında" Qanuna edilən dəyişikliklər barədə fikir bildirən Əməkçilərin Hüquqlarının Müdafiə Liqasının sədri Sahib Məmmədov "Bakı-Xəbər"ə açıqlamasında qeyd etdi ki, sahibkar işçini işdən çıxarmazdən öncə müvafiq məşğulluq orqanlarına məlumat verməlidir: "Mən deyərdim ki, "Məşğulluq Haqqında" Qanunda işsizlik statusunun müəyyən olunması və işsizlik müavinətinin verilməsinə qədər olan məsələlər tam şəkildə tənzimlənmir.
Əvvəllər Əmək Məcəlləsində qeyd olunurdu ki, kütləvi ixtisar zamanı sahibkar müvafiq icra hakimiyyəti orqanına məlumat verməlidir. İcra Hakimiyyəti orqanı isə Məşğulluq Xidmətinə məlumat verməlidir. Əks halda, sahibkar qanun çərçivəsində cəzalandırılmalıdır".
Ekspertin sözlərinə görə, qanunun 17.3-cü maddəsinə edilən dəyişikliyə əsasən, sahibkarlar boş iş yeri yarandığı gündən etibarən 5 gün müddətində məşğulluq orqanı tərəfindən müəyyən olunmuş qaydada müvafiq icra hakimiyyəti orqanına məlumat verməlidir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...