Banklar borclu müştəriləri "kollektorlar" vasitəsilə təqib etməyə başlayır

Tarix: 04.12.2014 / 02:44
Bölmə: İqtisadiyyat

Samir Əliyev: "Sözügedən şirkətlərin əsas hədəfi borcu geri qaytarmaqdır, nəinki vətəndaşa əziyyət verib onu qorxu altında saxlamaq"

"Kollektor şirkətlərin hazırkı vəziyyətdə fəaliyyəti qanuna ziddir"

Ölkə əhalisinin bir çoxu öz ehtiyaclarını ödəmək üçün banklardan kredit götürür. Ancaq kredit götürənlərin heç də hamısı sonrakı mərhələdə onu vaxtlı-vaxtında qaytara bilmir. Bu isə, öz növbəsində, problemli kreditlərin miqdarının sürətlə artmasına təsirsiz ötüşmür. Təsadüfi deyil ki, ölkədə problemli kreditlərin həcmi 1 milyard manata yaxınlaşıb.
Görülən müəyyən tədbirlərə baxmayaraq, problemli kreditlərin həcmi azalmır. Digər tərəfdən, 2014-cü il oktyabrın 1-dək ölkənin hüquqi və fiziki şəxslərinə 17.6 milyard manat kredit verilib. Kredit alan vətəndaşların sayı 2,5 milyon nəfərdir və ölkədə hər dörd nəfərdən birinin kredit borcu var.
Problemli kreditlərin yığılmasında müxtəlif vasitələrdən istifadə edilir. Bu sıraya problemli borcların yığılması üzrə xidmət göstərən şirkətlərin xidmətindən istifadə də daxildir. Müşahidələr göstərir ki, son dövrlərdə Azərbaycanda belə kollektor şirkətlərin sayı artır. Sözügedən şirkətlər kreditlərin qaytarılması ilə bağlı məhkəməyə qədər müxtəlif vasitələrdən istifadə edirlər. İlk mərhələdə SMS, e-poçt və zənglər vasitəsilə müştərilərin borcları gecikdirməsinin qarşısının alınması tədbirləri həyata keçirilir. Müştəri borclarını vaxtında geri ödəməzsə, o zaman uzaq məsafədən onun təqibinin aparılmasına başlanır. Sonuncu mərhələdə borclu olanın yaxın ətrafı ilə görüşlər keçirilir və vəziyyət onlara izah olunur. Bütün bunlarla bir növ borclu üzərində güclü psixoloji basqı yaradılır və borcu ödəməkdən başqa yolunun olmadığı ona təlqin edilir. Bunlar da nəticə vermirsə, sonda məhkəməyə müraciət edilir. Gəzən söz-söhbətlərə görə, bu işlə məşğul olan şirkətlər digər xoşagəlməz psixoloji təzyiq vasitələrindən də istifadə edirlər ki, bu da cəmiyyətdə birmənalı qarşılanmır. Ümumilikdə kollektor şirkətlər vasitəsilə sözügedən problemin həlli nə dərəcədə realdır?
Sözügedən məsələni dəyərləndirən iqtisadçı-ekspert Samir Əliyevin sözlərinə görə, bank borcları ilə bağlı fəaliyyət göstərən kollektor şirkətlərinin fəaliyyəti qanunvericiliklə hər hansı bir formada tənzimlənmir: "İlk öncə bu məsələ qanunda nəzər alınmalıdır. Belə ki, kollektor şirkətlərin fəaliyyəti ilə bağlı ya qanun olmalıdır, ya da ki, onların fəaliyyəti hər hansı bir formada tənzimlənməlidir. Burada onların fəaliyyət istiqamətlərinin tənzimlənməsi də mühüm amillərdəndir. Fəaliyyətləri insanların istehlak hüquqlarının pozulmaması istiqamətində qurulmalıdır. Kollektor şirkətlərindən şikayətlər dünyanın bir çox ölkələrində mövcuddur. Hətta kollektor şirkətlər tərəfindən bəzi insanlar qorxudularaq müəyyən təzyiqlərə məruz qalır. Bir növ kollektorlar qoçuluq fəaliyyəti həyata keçirirlər. Əslində o vaxt bu cür neqativ hallar meydana gəlir ki, kollektor şirkətləri özlərinin fəaliyyət hədəflərini unutmuş olsunlar. Sözügedən şirkətlərin əsas hədəfi borcu geri qaytarmaqdır, nəinki vətəndaşa əziyyət verib onu qorxu altında saxlamaq. Əksər vaxtlar insanların savadsızlığından sui-istifadə edilir. Hesab edirəm ki, bank kollektorluğu ilə bağlı fəaliyyət üçün xüsusi lisenziyalar verilməlidir. Ölkədə fəaliyyət göstərən kollektor şirkətlərin fəaliyyəti lombardların fəaliyyəti kimi qanunvericiliklə hər hansı bir formada tənzimlənmir. Ona görə də kollektorlar şirkətlərin hazırkı vəziyyətdə fəaliyyəti qanuna ziddir".

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...