Azərbaycanın bank və maliyyə sektoruna Rusiyanın ehtiyacı böyüyür

Tarix: 02.12.2014 / 01:37
Bölmə: İqtisadiyyat

Şimal qonşumuzun bütün cəhdlərinə baxmayaraq, investorların Rusiyadan qaçması, ölkənin milli valyutası olan rublun ucuzlaşması davam edir. Bu şəraitdə Rusiyanın bank və digər maliyyə sektoru getdikcə daha çətin duruma düşür. Son məlumatlara görə, Moskva birjasında 1 dollar 52,05 rubl, 1 avro isə 64,52 rubla yüksəlib. Halbuki, ötən həftənin sonu 1 dollar 50 rubl idi.
Rublun dollar və avro qarşısında sürətlə ucuzlaşmasına OPEK-in hasilatı azaltmamaqla bağlı qərarı təsir edib. Beləliklə, gəlirinin təxminən yarısını neft və təbii qazdan qarşılayan Rusiya öz büdcəsini yenidən nəzərdən keçirməyə hazırlaşır. Energetika naziri Aleksandr Novakın açıqlamasına görə, 2015-ci ilin büdcəsində neftin qiymətinə düzəliş ediləcək. Məlumat üçün deyək ki, OPEK üzvü olmayan Rusiya gündəlik təxminən 10.5 milyon barrel neft istehsal edir. 11 faiz payla dünyanın ən böyük neft istehsalçısı mövqeyindədir. İndi isə Ukrayna böhranından sonra Qərbin sanksiyalarına məruz qalan Rusiya neftin qiymətinin düşməsindən ciddi gəlir itkisi yaşayır. Ölkənin pul vahidi rubl dollar qarşısında ilin əvvəlindən 28 faiz nisbətində dəyərdən düşüb.
Artıq Ukraynadakı hadisələrə görə Moskvaya tətbiq edilən sanksiyaların mənfi nəticələri Rusiya iqtisadiyyatının getdikcə daha çox sahəsində özünü göstərməkdədir. Rublun ucuzlaşması Rusiya banklarını böyük zərərə salıb. Rus bankları vaxtilə xaricdən valyuta ilə aldıqları kreditləri qaytarmağa çətinlik çəkir. Sanksiyalar nəticəsində Rusiya banklarının xaricdən kredit götürməsinə qoyulan qadağa isə bütün özəl sektoru pulsuz qoyub. Nəticədə planlaşdırılan layihələrin bir hissəsi indidən təxirə salınmağa başlayıb. Rusiya bankları alternativ mənbə axtarışındadır və Azərbaycana da belə mənbə kimi yanaşılır. Xatırladaq ki, bu günlərdə Rusiyanın ən böyük banklarından biri olan VTB-nin rəhbəri Andrey Kostin Çin, Sinqapur və digər aparıcı Asiya bazarları ilə yanaşı, Rusiya banklarının Azərbaycan və Qazaxıstandan maliyyə vəsaitləri cəlb edə biləcəyini deyib. Onun sözlərinə görə, Rusiya maliyyə strukturları Şərqlə bir qədər gec işləməyə başlayıb: "Burda tərəfdaşlıq münasibətlərini inkişaf etdirmək və bunun üçün müəyyən baza yaratmaq lazımdır. Maliyyə resursları olan Azərbaycan, Qazaxıstan kimi ölkələrdə işləmək olar. Rusiya banklarında, o cümlədən VTB-də Şərq və Asiya bazarlarından vəsait cəlb etmək təcrübəsi var". Məlumatlara görə, Azərbaycandan pul alınması məsələsində Rusiya bankları fəaliyyətlərini genişləndirməyi düşünür. Lakin ekspertlər hesab edir ki, bu məsələdə Azərbaycan tərəfi diqqətli olmalıdır. Məsələ bundadır ki, Rusiyanın Mikroiqtisadi Analizlər və Qısamüddətli Proqnozlar Mərkəzinin ekspertləri bildirir ki, sanksiyalar davam edərsə, 2015-ci ildə iqtisadiyyatdakı böhran daha da dərinləşəcək, ölkədə inflyasiya artacaq. Artıq indi Rusiyada infyasiya 8%-ə çatıb. Beynəlxalq Valyuta Fondu hesab edir ki, gələn il qiymət artımı 10%-dən çox olacaq. Bu isə artıq sosial problemlərin yaranacağı deməkdir. Yaranmış vəziyyət ən böyük təsirini Rusiyanın bank və sığorta şirkətlərinə göstərib. Xarici müştərilərin Rusiya maliyyə şirkətlərinə inamı azalır. Ekspertlərin fikrincə, sanksiyaların zərbə vurduğu növbəti sahə sığorta sektoru ola bilər. Şimal qonşumuzun sığorta bazarında baş verənlər isə özünü Azərbaycanın sığorta sektorunda da göstərəcək. Artıq Azərbaycan şirkətlərindən bəziləri bu risqlərə hazırlaşır. Məsələ ondadır ki, Azərbaycanın sığorta şirkətlərinin bir hissəsi təkrar sığorta risqlərini Rusiyada yerləşdirir.
Amma bəzi şirkətlər Rusiyadakı proseslərdən narahat olmağa başlayıb. İndiyədək risqlərini aktiv surətdə Rusiyada yerləşdirən şirkətlərdən biri olan "Buta Sığorta" sanksiyalardan sonra qonşu ölkə ilə əlaqələrinə yenidən baxıb. Doğrudur, "Buta Sığorta" şirkətinin İdarə Heyətinin üzvü Kamran Babayev "fins" portalına deyir ki, hələ ki, Rusiya təkrarsığortaçıları sanksiyaların gücünü hiss etmir və tərəfdaşlarına ödəniş edə bilirlər. Bununla belə, ödənişdən imtina ehtimalları da var: "İstənilən vaxt Rusiya şirkətlərinin Avropadakı tərəfdaşları ilə münasibətləri pozula və baş verəcək sığorta hadisələrindən sonra onların maliyyə vəziyyəti ağırlaşa bilər". Onun sözlərinə görə, "Buta Sığorta" işini ehtiyatlı tutaraq bir neçə ay bundan əvvəl Rusiya şirkətləri ilə əməkdaşlığı məhdudlaşdırıb və minimum həddə endirib: "2 ay bundan əvvələ qədər bizim təkrarsığorta portfelimizdə ruslar 30-40% paya malik idi. Amma biz hər ehtimala qarşı əməkdaşlığı azaltdıq. Hazırda yalnız Rusiya şirkətləri ilə nadir hallarda, özü də qısamüddətli müqavilələr bağlayırıq, sadəcə yük sığortası edirik. Çünki uzunmüddətli, 1 illik müqavilə bağlamaq risqlidir. Yük isə göndərilir və təyinat məntəqəsinə çatan kimi müqavilə bitir". Hər halda, proseslərin gedişi Rusiyada baş verənlərin Azərbaycana da ciddi surətdə təsir göstərməkdə olduğunu göstərir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...