Azərbaycanlıların Türkiyədə ən çox mənzil aldıqları üç şəhər...

Tarix: 01.12.2014 / 01:35
Bölmə: İqtisadiyyat

Azərbaycanda daşınmaz əmlak bazarında aparılan son araşdırmalar burada qiymətlərin hələ də yüksək olduğunu göstərir. Bu vəziyyətdə müşahidə olunan hallardan biri də odur ki, Azərbaycandan xarici daşınmaz əmlak bazarına getdikcə daha çox vəsait yatırılır. Əvvəlki kimi, soydaşlarımız Türkiyədə ev və digər daşınmaz əmlak obyektləri alır. Yeri gəlmişkən qeyd edək ki, cari ilin yanvar-sentyabr aylarında Türkiyədə əcnəbilərə daşınmaz əmlakın satışı ötən ilin analoji dövrü ilə müqayisədə 66% artıb.
Xaricilərə satılan obyektlərin ümumi sayı 15 min 417 olub. Türkiyə Statistika İnstitutunun məlumatına görə, xaricilərə satılan daşınmaz əmlakın böyük hissəsi Antalya vilayətində yerləşir. Göstərilən dövr ərzində Antalyada 5 min 486 obyekt əcnəbilərə satılıb ki, ötən ilin analoji dövrü ilə müqayisədə bu, 25% çoxdur. Əsas müştərilər sırasında, əvvəlki kimi, azərbaycanlıların yer aldığı da bildirilir. Bu arada bir məsələni də qeyd edək ki, qardaş ölkədə artıq satış və ipoteka kimi əməliyyatları Türkiyəyə gəlmədən də etmək mümkün olacaq. Bununla bağlı müvafiq layihə hazırlanıb və layihənin nümunə tətbiqinə Almaniyanın paytaxtı Berlində başlanıb. Yeni qayda ilə Türkiyəyə xaricdən sərmayə axını daha da artacaq. Xarici banklar elektron sənəd xidməti vasitəsilə Türkiyədən ipoteka qəbul edə biləcək. Ekspertlərə görə, bu hal Azərbaycandan da daha çox adamın Türkiyədə daşınmaz əmlak almasına səbəb olacaq. İndinin özündə də Türkiyədə daşınmaz əmlak alanlar arasında azərbaycanlılar liderlər sırasındadır. Onlar ən çox İstanbul, Antalya və Bodrum şəhərlərində əmlak alır. Qeyd edək ki, mənzillərin alınması kredit yolu ilə də mümkündür. Rieltorun sözlərinə görə, ilkin olaraq 25 faiz ödəniş etməklə mənzillərə sahib olmaq olar. Qalan məbləği isə 88 ay müddətində ödəmək olar. İlkin ödəniş edildikdən sonra kupça ev sahibinə təqdim edilir. Bütün bunlar fonunda cari il ərzində Türkiyədən daha çox azərbaycanlının ev alması proqnozlaşdırılır. Xatırladaq ki, ötən il də azərbaycanlılar Türkiyədə daşınmaz əmlak alışına görə ilk sıralarda qərarlaşıb. Belə ki, Azərbaycan vətəndaşları 2013-cü ildə Türkiyədə 1000-ə yaxın daşınmaz əmlak satın alıb. Azərbaycanlılar bu sayla xaricilər arasında beşinci yeri tutur. Ekspertlərin fikrincə, ölkə vətəndaşlarının qonşu Türkiyəyə daşınmaz əmlak üçün üz tutmasının əsas səbəblərindən biri onun daha yaxın olması və bu ölkədə, Azərbaycan da daxil olmaqla, bir neçə dövlətə qarşı qoyulmuş qadağanın aradan qaldırılmasıdır. Iqtisadçı ekspertlər azərbaycanlıların Türkiyədə ev almasını bu ölkədə xüsusi mülkiyyətə verilən zəmanətlə də əlaqələndirir. Digər tərəfdən, ölkəmizdə xeyli şirkət var ki, Türkiyədə şəbəkələri, tərəfdaşları var. Bu da daşınmaz əmlak alışına təsirsiz ötüşmür. Türkiyə ilə yanaşı, digər ölkələrdə də Azərbaycandan olan şəxslərin daşınmaz əmlaka fəal sərmayə yatırdığı məlumdur. Ümumiyyətlə, son 10 ildə Azərbaycan vətəndaşları xaricdə daşınmaz əmlak, xüsusən də yaşayış təyinatlı daşınmaz əmlak almağa daha meyllidir. Azərbaycan vətəndaşları tərəfindən daşınmaz əmlak hazırda Dubayda, İngiltərədə, Avropanın müxtəlif ölkələrində, yuxarıda qeyd olunduğu kimi, Türkiyədə alınır. Amma daşınmaz əmlaka yatırılan investisiya perspektivdə nə qədər yüksək gəlir vəd edirsə, bir o qədər də risq ehtimalını artırır. Ekspertlər də xaricdə daşınmaz əmlak risqlərinin mövcudluğunu istisna etmir. Bu əsas etibarı ilə qiymətlərin enməsində özünü göstərir. Bununla belə, daşınmaz əmlak bazarı üzrə ekspertlər ölkə vətəndaşlarının xaricdə mülk alışına marağının artdığını bildirir. Xüsusən də yerli vətəndaşlar üçün maraq doğuran ölkələr içində Türkiyə ilk yerdədir. Bu ölkənin daşınmaz əmlak bazarını azərbaycanlılar üçün cəlbedici edən isə onun artan turizm potensialıdır. Onu da qeyd edək ki, Azərbaycanın da daşınmaz əmlak bazarı xarici vətəndaşlar üçün maraqlıdır. Belə ki, aparılan araşdırmalar xarici ölkə vətəndaşlarının Azərbaycanda ən çox mənzil və fərdi yaşayış evləri almağa üstünlük verdiyini göstərir. Xaricilər ən çox Bakıdakı əmlaka maraq göstərir. Əcnəbilərin sahib olduğu əmlakın böyük hissəsi məhz paytaxtda qeydə alınır.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...