Azərbaycan-İran dəmir yoluna tələbat getdikcə artır

Tarix: 27.11.2014 / 02:52
Bölmə: İqtisadiyyat

Əli Əlirzayev: "Sovetlər dönəmində iki ölkənin Culfa vasitəsilə dəmir yolu əlaqəsi vardı"

"Bu vasitə ilə Azərbaycanın Fars körfəzinə, İranın isə Avropaya çıxışı təmin edilə bilər"

İranın Xoy şəhərinin meri Hüseyn Sinavi Qərbi Azərbaycan vilayətində səfərdə olan bir qrup azərbaycanlı jurnalistə açıqlamasında bir sıra maraqlı məqamlara toxunub.

Onun sözlərinə görə, İranla Azərbaycan arasında əlaqələrin daha da inkişafı üçün Şimal-Cənub dəhlizində infrastruktur yaxşılaşdırılmalıdır: "Əlaqələrin inkişafı üçün dəmir yolunun olması müstəsna rol oynaya bilər. İki ölkə arasında dəmir yolu xəttinin olmaması münasibətlərin daha da inkişaf etməsinə maneə yaradır. Ölkələr arasında dəmir yolu xətlərinin bir-birinə birləşdirilməsi ilə İran Azərbaycan vasitəsilə Avropaya, Azərbaycan isə İran vasitəsilə Fars körfəzinə çıxış əldə edə bilər". Şəhər rəhbərinin sözlərinə görə, iki ölkənin bir-biri ilə qonşu olması, mənəvi, dini və dil cəhətdən bağlılığı ikitərəfli əlaqələrin daha da inkişaf etməsinə imkan yaradır: "Azərbaycan da inkişaf etməkdə olan ölkədir və inkişaf üçün potensial var. Münasibətlərin inkişafı üçün daha bir imkan hər iki ölkə vasitəsilə yük maşınlarının və yüklərin tranzitinin həyata keçirilməsidir. Yaxın Şərq və region ölkələri arasında mühüm yer tutan İran Azərbaycan vasitəsilə Qafqaz ölkələri ilə ticarət əlaqələri həyata keçirir". Qeyd edək ki, Xoy şəhəri Qərbi Azərbaycan vilayətinin ən böyük şəhərlərindən biridir. Şəhərdə və şəhərətrafı qəsəbələrdə ümumilikdə 450 mindən artıq əhali yaşayır. Xoy şəhərinin əhalisinin sayı isə 230 min nəfərdir. Bu şəhər 3 ölkə ilə - Türkiyə, Azərbaycan və İraqla həmsərhəddir. İqtisadçı Əli Əlirzayev qəzetimizə açıqlamasında bildirdi ki, İranla Azərbaycan arasındakı ticarət münasibətlərinin inkişafı hər iki dövlət üçün əlverişlidir: "Xoy şəhərinin meri çox vacib bir məqama toxunub. Çünki dövlətlərarası ən böyük yük daşınmaları dəmir yolu ilə həyata keçirilir. Bu həm də iqtisadi cəhətdən sərfəlidir. Hazırda bizimlə İran arasında dəmir yolu nəqliyyatı yoxdur. Ancaq bir faktı da deyim ki, bunun üçün hazır infrastruktur da olub. Sadəcə, erməni işğalı bu məsələyə də imkan verməyib. Sovetlər dönəmində iki ölkənin Culfa vasitəsilə dəmir yolu əlaqəsi vardı. İndi nə Azərbaycan, nə də İran həmin dəmir yolundan istifadə edə bilmir. Bizim ölkələrin coğrafi yerləşməsi dəmir yolunun çəkilməsindən sonra əlavə imkanlar da yaradır. Bu vasitə ilə Azərbaycanın Fars körfəzinə, İranın isə Avropaya çıxışı təmin edilə bilər. Azərbaycan üçün belə sərfəli infrastruktur layihələrinə vəsait ayırmaq problem deyil. İranın da bir qədər təşəbbüs göstərməsi lazımdır".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...