Rublun sürətlə ucuzlaşması və soydaşlarımızın Rusiyadan qayıdışı...

Tarix: 24.11.2014 / 07:23
Bölmə: İqtisadiyyat

Əli Məsimli: "Bu, azərbaycanlıların kütləvi şəkildə Rusiyanı tərk etməsinə səbəb ola bilməz"

"Rubl qiymətdən düşür, bəzi məhsulların qıtlaşdığı görünür, inflyasiya artır, iş yerləri..."

Ukraynada baş verən hadisələrlə bağlı Rusiyaya Qərbin tətbiq etdiyi sanksiyalar bu ölkənin iqtisadiyyatına mənfi təsirini göstərməkdədir. Nəticədə rus rublu hər keçən gün dəyərdən düşür. Bütün bunlar Rusiyada məskunlaşmış miqrantlara da problemlər yaradır.
Artıq Rusiyada baş qaldırmaqda olan böhranla əlaqədar azərbaycanlıların da kütləvi şəkildə bu ölkədən Azərbaycana qayıdacağı barədə söz-söhbətlər yayılır. Nəinki azərbaycanlıların, o cümlədən digər millətlərdən olan miqrantların öz ölkələrinə dönəcəkləri barədə fikirlər səslənir.
Düzdür, ümumilikdə bütün miqrantların geri qayıtması mümkün görünmür. Bu çox zəif bir ehtimaldır. Nəzərə almaq lazımdır ki, təqribən 700 minə yaxın azərbaycanlının artıq Rusiya vətəndaşlığı var. Bir çoxları təkcə bazarlarda deyil, müxtəlif biznes sahələrində çalışır. Ona görə də aşağı maaşlı işlərdə çalışan, qeydiyyatı olmayan azərbaycanlılar geri qayıda bilər. O da ola bilər ki, onlar daha çox Rusiyada qalaraq digər şəhərlərə və ya Belarus, Qazaxıstan kimi ölkələrə miqrasiya etsinlər. İstənilən halda, rublun dəyərdən düşməsi üzündən Azərbaycan üçün daha çox Rusiyadan gələn pul axınının azalması problemi var. Çünki onların əksəriyyəti öz ölkəsinə, ailəsinə pul göndərir. Rəsmi məlumata görə, burada söhbət ildə 1,8 milyard dollara yaxın vəsaitdən gedir. Qeyri-rəsmi məlumata görə, bu məbləğ daha çoxdur.
Bütün hallarda, rublun dəyərdən düşməsi miqrantlar üçün nə vəd edir? Rusiya iqtisadiyyatının sanksiyalar üzündən zəifləməsi miqrantların kütləvi geri dönməsinə gətirib çıxara bilərmi?
Məsələyə münasibət bildirən iqtisadçı, millət vəkili Əli Məsimlinin sözlərinə görə, baş verən proseslər fonunda Rusiyada yaşayan azərbaycanlıların kütləvi şəkildə geri qayıdacağı gözlənmir: "Qərb ölkələrinin Rusiyaya tətbiq etdiyi embarqo ölkə iqtisadiyyatına müxtəlif dərəcələrdə təsir göstərir. Rubl qiymətdən düşür, bəzi məhsulların qıtlaşdığı görünür, inflyasiya artır, iş yerləri azalır və digər problemlər müşahidə edilir. Bu problemlər Rusiyada təkcə azərbaycanlılara yox, hər kəsə mənfi təsir göstərir, gəlirlərin azalmasına, iş yerlərinin itirilməsinə gətirib çıxara bilir. Ancaq bu, azərbaycanlıların kütləvi şəkildə Rusiyanı tərk etməsinə səbəb ola bilməz. Azərbaycanlıların bir qisminin gəliri azala bilər ki, bu da onların Azərbaycana, öz ailələrinə göndərdikləri pulun məbləğinə təsir göstərə bilər. Azərbaycanlıların digər qismi isə Rusiyada ərzaq sahəsində yaranan problemdən faydalanaraq oraya mal daşıya və əlavə qazanc əldə edə bilər".

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...