Azərbaycana köhnə avtomobillərin gətirilməsini zəiflədən iki səbəb...

Tarix: 21.11.2014 / 01:53
Bölmə: İqtisadiyyat

İlqar Hüseynli: "İstənilən halda, bu kimi tədbirlərin görülməsi ili köhnə avtomobillərin sayının azalmasına təsir göstərəcək"

"Ucuz avtomobil kreditləri artıq geridə qalıb"

Xaricdən ölkəyə minik maşınlarının idxalı kəskin azalıb. Belə ki, bu ilin 10 ayında xaricdən 47 min 379 ədəd minik maşını gətirilib ki, bu, ötən ilin eyni dövrü ilə müqayisədə 38,4% azdır. Halbuki, bundan əvvəlki 2 ildə avtomobil idxalı yalnız artan xətlə gedirdi.

Azalmaya hökumətin "Avro-4" standartını tətbiq edərək ölkəyə köhnə maşınların gətirilməsini qadağan etməsi, eyni zamanda avtomobil kreditlərinin verilmə şərtlərini sərtləşdirməsi səbəb olub. Hadisələri qabaqlayaraq azalmanın davam edəcəyini demək olar. Çünki Mərkəzi Bank avtokreditlərlə bağlı qərarını dəyişmək fikrində deyil.

Mərkəzi Bankın baş direktoru Rəşad Orucov mətbuata açıqlamasında hazırda bu tələblərin dəyişdirilməsi ilə əlaqədar hansısa bir məsələni nəzərdən keçirmədiklərini deyib. Onun sözlərinə görə, bazar yeni tələblərə uyğunlaşaraq öz fəaliyyətini davam etdirir.

Bütövlükdə, avtomobil kreditləri ilə bağlı şərtlərin yumşaldılmaması idxalın azalması ilə yanaşı, bazara daha hansı təsirlər göstərə bilər?

Ekspert İlqar Hüseynlinin fikrincə, bu, köhnə avtomobillərin azalmasına təsir göstərə bilər: "Hazırda ölkədə fəaliyyət göstərən 43 bankın yalnız 15-nin portfelində avtomobil krediti var. Bu istiqamətdə bəzi banklar üzrə faiz dərəcələri, komisyon haqları ötən ilə nisbətən 1-2 faiz bahalaşıb, ilkin ödənişlər isə artıb. Ucuz avtomobil kreditləri artıq geridə qalıb. İstehsal müddəti bir il keçməmiş avtomobilər üçün ilkin ödəniş 40-50 faiz, yerdə qalanlar üçün isə 80 faiz nəzərdə tutulub. 80 faiz ilkin ödəniş edən vətəndaş 20 faiz üçün banka müraciət etməyə lüzum görmür. Banklar alternativ variant kimi lizinqdən istifadə edir, amma lizinqin faiz dərəcələri nisbətən yüksək olur. Birmənalı demək olmaz ki, şərtlərin yumşaldılmaması idxalın kəskin azalmasını davam etdirəcək. Şəxsən mən belə düşünmürəm. Ona görə ki, avtomobil almaq istəyən onsuz da borca-xərcə girib maşın alacaq. Ancaq, istənilən halda, bu kimi tədbirlərin görülməsi ili köhnə avtomobillərin sayının azalmasına təsir göstərəcək. Bununla yanaşı, təzə avtomobillərin də idxalında azalma olacaq.

Ancaq bu, köhnə avtomobillərlə müqayisədə elə də çox olmayacaq".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...