84 fabrikin mövcud olduğu Azərbaycanda xarici mebel hegemonluq edir

Tarix: 21.11.2014 / 01:51
Bölmə: İqtisadiyyat

Eyyub Hüseynov: "Ustaların istehlakçıları aldatması, xarici material adı ilə saxta..."

"Hökumət və firmalar yerli istehsalın həcmini və keyfiyyətini artırmaq üçün mühüm addımlar atmalıdır"

Dövlət Statistika Komitəsinin məlumatına görə, Azərbaycanda mebel istehsalı üzrə ötən il fəaliyyət göstərən 84 müəssisənin 3-ü dövlət, 81-i özəl sektora aid olub. Sənaye fəaliyyəti ilə məşğul olmaq üçün qeydə alınmış fərdi sahibkarların sayı 812 nəfərə çatıb. Hazırda Bakıda İtaliya, Rumıniya, Türkiyə, Polşa, Çexiya və İran istehsalı olan mebellər satılır. Az miqdarda yerli mebel də istehsal olunur.

Azərbaycana bu ilin yanvar-sentyabr aylarında ümumi məbləği 52 milyol 39 min manat olan 483366 dəst oturacaq, ofis, mətbəx, yataq və digər mebellər idxal olunub. Cəmi 622,9 min dollarlıq (4496 ədəd) mebel ixrac edilib.

Ancaq müşahidələr göstərir ki, ölkəyə idxal edilən və istehsal olunan yerli məhsulların keyfiyyəti o qədər də arzuolunan səviyyədə deyil. Bir çox hallarda gətirilən mebellərin keyfiyyəti reklam olunduğu səviyyədən qat-qat aşağıdır. Hətta saxta materiallardan istifadə edilir.

Sözügedən məsələni şərh edən Azad İstehlakçılar Birliyinin sədri Eyyub Hüseynovun sözlərinə görə, bu sahədə ciddi problemlər var: "Şikayətlər əsasən mebellərin keyfiyyəti, satışı zamanı istehlakçıların aldadılması ilə bağlıdır. Azərbaycanda yığılan mebel dəstləri əksər hallarda Türkiyə, Malayziya və digər xarici ölkənin mebel brendləri adı altında satılır. Bu, qanun pozuntrusudur, istehlakçıların aldadılmasıdır. Bu ay daxil olan şikayətlərdən də göründüyü kimi, alınan mebel dəstini təyinatı üzrə işlədəndə onun nə qədər keyfiyyətsiz olduğu üzə çıxır. Yəni mebellər istehlakçının reklama uyğun etimadını doğrultmur. Ona görə də istehlakçılar mebel alan zaman mebellərə yapışdırılmış kağızlara, məhsulun kodunun istehsal edən firma ilə uyğun olub-olmamasına fikir verməlidir. Vətəndaşlar, həmçinin, aldıqları malın sertifikatını, qiymət sənədlərini də tələb etməlidirlər". E.Hüseynovun fikrincə, hazırda ən çox problem mətbəx mebellərinin yığılması ilə bağlıdır: "Ustaların istehlakçıları aldatması, xarici material adı ilə saxta, keyfiyyətsiz mallardan istifadə olunma halları var. Bütün hallarda istehlakçıların hüquqlarını qorumaq mümkündür. Mebel dəyişdirilən və qaytarılan mallar siyahısında olduğundan, istehlakçıların belə problemi yaranarsa, onların hüquqlarını təmənnasız qoruya bilərik. Şikayət daxil olan şirkətlər barəsində aidiyyəti təşkilatlara dəfələrlə müraciət olunub. Hələlik istehlakçıların hüquqlarının pozulmasının qarşısının alınması üçün ciddi tədbirlər görülmür. Digər tərəfdən, təbii ki, tələb təklifi üstələyəndə keyfiyyətsiz malın sayı artacaq. Ona görə də bu sahəyə nəzarətin artırılması, yerli mebel sənayesinin inkişafı zəruridir. Hökumət və firmalar yerli istehsalın həcmini və keyfiyyətini artırmaq üçün mühüm addımlar atmalıdır. Bir məqamı da qeyd edim ki, ölkə ərazisinin yalnız 11,2 faizini meşə örtüyü təşkil edir. Ona görə də, yerli istehsalçılar tələb olunan xammalı xarici ölkədən, Çindən gətirməyə məcburdur. Çində mebel ixracı üçün xüsusi sənaye zonaları yaradılıb ki, bu zonalarda müəssisələr kompleks şəkildə fəaliyyət göstərir. Ümumiyyətlə, beynəlxalq rəqabət qabiliyyətli mebel istehsal etmək üçün əsas şərt təkcə xammal yox, ölkədə müasir texnoloji avadanlığın mövcudluğu və düzgün marketinq strategiyasıdır".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...