Azərbaycanın ipoteka bazarında alman modeli...

Tarix: 20.11.2014 / 07:47
Bölmə: İqtisadiyyat

Samir Əliyev: "İpoteka proqramı sadələşdirilməlidir"

"Ən böyük problem ilkin ödəniş məsələsidir"

Məlum olduğu kimi, Azərbaycan Mərkəzi Bankının sədri Elman Rüstəmov yeni ipoteka strategiyasının bəzi detallarını açıqlayıb. Belə ki, Milli Məclisdə Azərbaycanın 2015-ci il üçün büdcə zərfinin plenar müzakirəsində Azərbaycan Mərkəzi Bankının İdarə heyətinin sədri Elman Rüstəmov deyib ki, yeni ipoteka strategiyasında üç prinsip əsas götürülüb:
"Bunlardan birincisi güzəştli ipotekanın dövlətin himayəsində qalması və bu vəsaitin gələcəkdə optimallaşdırılmasıdır. İkinci əsas prinsip kommersiya kreditləşməsinin daha da liberallaşdırılması və bu işin bankların üzərinə qoyulması, banklar üçün yeni təklif kanalları, yeni uzunmüddətli vəsait kanallarının yaradılmasıdır. Bu isə maliyyə bazarlarının digər seqmentlərinin, xüsusilə də pensiya fondlarının, sığorta fondlarının vasitəsilə baş verir. Digər tərəfdən isə, alman modeli deyilən ipotekanı irəli sürürük. Bu ipoteka əhalinin öz yığımları hesabına baş verir. Bu modelə görə, xüsusi bir təsisat yaradılır. Əhali burada müəyyən məbləğə qədər vəsait toplayır. Nəzərdə tutulan məbləğ formalaşandan sonra əhali həmin bankdan ipoteka krediti əldə edə bilir. Hesab edirəm ki, bu model Azərbaycanda çox yararlı ola bilər".
Burada diqqətçəkən əsas məsələ ipoteka kreditləşməsində alman modelinə keçidlə bağlıdır. Bu yeni model ölkə əhalisinin mənzil tələbatının ödənilməsində irəliləyişə imkan verəcəkmi?
Sözügedən məsələni dəyərləndirən iqtisadçı-ekspert Samir Əliyev hesab edir ki, bütün hallarda ipoteka kreditinə ölkədə tələbat böyükdür: "Bu gün Azərbaycanda ipoteka proqramı olsa da, faktiki olaraq ondan yararlananları sayı çox aşağıdır. Yəni ipotekaya ehtiyac çox böyükdür. İl ərzində 80 min nikah bağlanır. 10 min nikahın pozulduğu nəzərə alsaq, 70 min nikah 70 min mənzil ehtiyacı deməkdir. Yeni qurulan ailənin, istər-istəməz, mənzilə ehtiyacı olur. Bu, sovet dövrü deyil ki, ata-ana ilə bir yerdə qalsınlar. Hətta 70 minin yarısını götürəndə, ən azı hər il 30 min mənzilə ehtiyac yaranır. Bunun qarşılığında 2000 nəfərə ipoteka krediti verilir. Onun da şərtləri olduqca ağırdır. Bu səbəbdən yaxşı olardı ki, xarici ölkələrdə istifadə olunan proqramlar Azərbaycanda da tətbiq edilsin. İpoteka proqramı sadələşdirilməlidir. Ən böyük problem ilkin ödəniş məsələsidir. Vətəndaş 20 faiz ilkin ödəniş verməlidir. 50 min manatlıq evin ilkin ödənişi 10 min manat edir. Bu böyük bir problem yaradır".
S.Əliyevin sözlərinə görə, ölkə başçısının ipoteka kreditləşməsinin təkmilləşdirilməsi ilə bağlı sərəncamı icra olunarsa, bu istiqamətdə problemlərin bir çoxu aradan qalxar: "Prezident İlham Əliyevin 2007-ci il tarixli ipoteka kreditləşməsinin təkmilləşdirilməsi ilə bağlı sərəncamı var. Orada nəzərdə tutulur ki, MB-nin nəzdində ipoteka kreditlərinə zəmanət fondu yaradılsın. Bu müddət ərzində həmin fond yaradılmayıb. Fondun əsas məqsədi ilkin ödəniş probleminin aradan qaldırılmasıdır. Mənzil Məcəlləsində qeyd olunub ki, bələdiyyələr və dövlət sosial evlər tikə bilər. Məlum məsələdir ki, bələdiyyələrin imkanı yoxdur. Bu, dünyada geniş yayılmış bir proqramdır. Mahiyyəti ondan ibarətdir ki, dövlət ucuz sosial evlər tikir, vətəndaşın ev tələbatı ödənilir. Həmin evlər vətəndaşlara bazar qiymətindən aşağı kirayə verilir. Artıq ödəmək şərtilə vətəndaş həmin evi ala da bilir".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...