Azərbaycanda şəriət qaydaları ilə ipoteka krediti...

Tarix: 18.11.2014 / 01:34
Bölmə: İqtisadiyyat

İslam ipotekası mənzil bazarına böyük dəyişiklik gətirə bilər

Bilindiyi kimi, mövcud ipoteka şərtləri heç də bütün vətəndaşların ondan istifadə edərək mənzil sahibi olmasına imkan vermir. Lakin islam bankçılığı şəraitində bu istiqamətdə tamamilə yeni proseslərə start verilməsi gözlənir. Artıq məlumat verildiyi kimi, Azərbaycan Beynəlxalq Bankının İslam bankçılığı departamenti gələn ildən başlayaraq şəriət qaydaları ilə ipoteka krediti verməyi nəzərdə tutur.

İslam bankçılığı departamentinin rəhbəri Behnam Qurbanzadə bununla bağlı bildirib: "Biz hazırda Beynəlxalq Bankın daxili ipoteka proqramı çərçivəsində 10-15 il müddətinə islam ipotekası təklif edirik. Bu proqram İslam Bankçılığı departamentinin fəaliyyətinə uyğunlaşdırılıb. Gələn il qanunvericiliyə dəyişiklik edildikdən sonra fəaliyyətimiz daha çevik olacaq. Biz bu halda gənc ailələr üçün ipotekanın müddətini 20-25 ilədək artıra bilərik". Behnam Qurbanzadə ipoteka əməliyyatının necə aparıldığını da izah edib: "Mənzillər öncədən bank tərəfindən alınır və sonradan icarə qaydasında müştərilərə satılır". Şəriət qaydaları ilə verilən ipotekada ilkin ödənişin olduğunu deyən Behnam Qurbanzadə onu da bildirib ki, gələcəkdə Beynəlxalq Bankın maliyyələşdirdiyi mənzil tikintisi layihələrində ilkin ödəniş daha aşağı olacaq. Məhz elə bu da islam ipotekasına Azərbaycanda böyük marağın yaranacağını istisna etmir.

Qeyd edək ki, Azərbaycan Beynəlxalq Bankının İslam bankçılığı departamenti islam ipotekasını "İcarə" məhsulu vasitəsilə təklif edir. Ev almaq istəyən müştərilərə mənzil və evlərin müəyyən siyahısı təqdim olunur. Müştəri siyahıdan mənzil və ya evi seçərək, onu dəyərinin 15%-ni ilkin ödəniş etməklə 1 ildən 10 ilədək icarəyə götürə bilər. Məhsul üzrə bank mənfəəti illik 12%, maksimum maliyyələşdirmə məbləği isə 200 min manat təşkil edir. İslam bankçılığının inkişafı fonunda isə bu sahədə daha böyük əməliyyatların həyata keçirilməsi gözlənir. İslam bankçılığının tətbiqi həm də ona gətirib çıxara bilər ki, insanlar kreditləri faizlə yox, səlahiyyət bölgüsü şəklində götürə bilər. Çünki islam bankçılığının əsas fəlsəfəsi istər gəlirlərin, istərsə də xərclərin onun üzvləri tərəfindən bərabər şəkildə bölüşdürülməsindən ibarətdir.

Onu da xatırladaq ki, İslam bankçılığı departamentinin olduğu Beynəlxalq Bank ölkənin kredit verən ən böyük bankıdır. 50,2 faizi Azərbaycan Maliyyə Nazirliyinə məxsus olan ABB islami qaydalara söykənən bank xidmətini ayrıca bir bölümündə həyata keçirir. Beynəlxalq Bank, həmçinin Rusiyada, Gürcüstanda və Qətərdə olan filiallarında fəaliyyətini genişləndirmək üçün Azərbaycanda islam bankçılığı istiqamətində güclü özül yaratmaq istəyir. Bu mənada Azərbaycan regionda mərkəzə çevrilmək istiqamətində irəliləyir. Beynəlxalq Bank şəriət normalarına uyğun investisiyalara tələbin artması ilə əlaqədar investisiyaların ümumi həcmini artırmağı da planlaşdırır. Ümumiyyətlə, Beynəlxalq Bankın islam məhsulları xəttinin genişləndirilməsi ilə bağlı böyük planları var. Bank ipoteka maliyyələşdirməsi ilə yanaşı, orta və kiçik biznesə sərmayələrin yatırılması vasitəsilə real biznesin kreditləşdirilməsi çərçivəsində də yeni məhsullar və xidmətlər hazırlayır. Bank tərəfindən qanunvericiliyin təkmilləşdirilməsi sahəsində fəal iş aparılır. ABB mütəxəssislərinin və bir sıra nazirlik və dövlət təşkilatlarının nümayəndələrinin daxil olduğu işçi qrup Azərbaycanda islam bankçılığının tənzimlənməsi üçün təkliflər paketi hazırlayıb. Məsələnin yaxın tezlikdə parlamentdə müzakirəyə çıxarılması gözlənir.

Bilindiyi kimi, hazırda banklarda kredit faizləri yüksəkdir və bu da narazılığa səbəb olur. İslam bankçılığı isə bu durumu aradan qaldıra bilər. Digər tərəfdən, islam bankçılığı çərçivəsində lizinq xidməti, qiymətli kağızlar məhsulu təklif olunur. Eyni zamanda sığorta sistemi də mövcuddur. Hətta zəkat fondlarının qurulması imkanları var. Faizsiz sosial kreditlərin verilməsi proqramları da var ki, bu olduqca əhəmiyyətlidir. Onu da qeyd edək ki, islam maliyyə sistemi müasir bazar iqtisadiyyatı prinsiplərinə uyğunlaşmış halda fəaliyyət göstərir. Burada məhsulun qiyməti tələb və təklifə uyğun şəkildə formalaşır. İslam maliyyə sisteminin ənənəvi maliyyə sistemindən üstünlüyü ondan ibarətdir ki, o, real sektorla daha çox iş görür. Ona görə İslam bankçılığının dayanıqlığı daha güclüdür. Hər halda, bu bankçılığın ölkədə geniş tətbiqi vacib sayılır.

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...