Ünvanlı sosial yardımların verilməsi mexanizminin dəyişdirilməsi təklif olunur

Tarix: 17.11.2014 / 15:20
Bölmə: İqtisadiyyat

Qabil Toğrul: "Verilən məbləğ 3-5 min manata qədər artırılsın, yardımdan əlavə qrant və ucuz kreditlər nəzərdə tutulsun"

Məlum olduğu kimi, 2006-cı ildən aztəminatlı ailələrə ünvanlı sosial yardım verilir. Belə ki, ünvanlı sosial yardım alması üçün heç bir sənəd problemi qalmayan ailənin evinə xüsusi komissiya gedir və real vəziyyətlə tanış olur.

7 nəfərdən ibarət komissiya müsbət rəy verdikdən sonra ailəyə ünvanlı sosial yardım ayrılır. Bu məsələdə qonşuların da rəyi rol oynayır.

Ümumilikdə Azərbaycanda ünvanlı sosial yardım alan ailələrin sayı elə də çox deyil. Əmək və Əhalinin Sosial Müdafiəsi Nazirliyinin məlumatına görə, 2014-cü ilin 1 sentyabr tarixinə respublika üzrə ünvanlı dövlət sosial yardımı təyin olunan ailələrin sayı 119 min 502 ailə təşkil edib. Statistikaya görə, Azərbaycanda 2 milyon 10 mindən çox ailə təsərrüfatı var. Yəni ölkə üzrə ailələrin cəmi 6 faizi ünvanlı sosial yardımdan yararlanır. Bu ailələrə verilən pul elə də yüksək məbləğdə deyil. Orta hesabla bir ailəyə 136 manat verilir ki, ölkə üzrə bu, ayda təxminən 16 milyon manata bərabər olur.

Ancaq ünvanlı sosial yardımların mövcud qaydada verilməsi birmənalı qarşılanmır. Hətta ən yüksək səviyyədə belə, mövcud mexanizimlərin tələblərə cavab vermədiyi təsdiqlənir. Bu onunla əsaslandırılır ki, ünvanlı sosial yardımlar üçün son qərarın 7 nəfərlik komissiyanın ixtiyarına buraxılması bu sektorda korrupsiya hallarına zəmin yaradır. Digər tərəfdən, bəzi hallarda ünvanlı sosial yardım doğrudan da bu yardıma ehtiyacı olan adamların adına rəsmiləşdirilir, amma kiçik məmurlar buna şərik olur. Bütün bunlara rəğmən, ünvanlı sosial yardımların verilməsi mexanizmində heç bir yenilik yoxdur. Hər şey əvvəlki kimi qalıb.

Sözügedən məsələni dəyərləndirən ekspert Qalib Toğrul hesab edir ki, ölkədə ünvanlı sosial yardımların verilməsi mexanizmi dəyişdirilməlidir: "Bu mexanizm Azərbaycanda yoxsulluğun aradan qaldırılmasına yox, dərinləşməsinə xidmət edir. Yoxsul ailələr dövlətdən zəhmətsiz pul almağa alışırlar, bu isə onların vəziyyətini bir az da dərinləşdirir. Bu cür problemlərdən qaçmaq üçün ünvanlı sosial yardımların verilmə mexanizmi təcili dəyişdirilməlidir. Əslində, ünvanlı sosial yardımların verilməsi aralıq dövr üçün nəzərdə tutulmuşdu. 2012-ci ildən "ünvanlı sosial dəstək" layihəsinə keçilməli idi. Bu layihə yoxsul ailələr üçün iş yerlərinin yaradılmasını nəzərdə tutur. Əvvəl ünvanlı sosial yardım alanlara birillik vəsaiti bir dəfəyə verirdilər və deyirdilər ki, getsin inək alsın, yaxud özünə bərbərxana və s. açsın. O vaxt biz də nazirliyə öz tövsiyələrimizi vermişdik. Təklif edirdik ki, verilən məbləğ 3-5 min manata qədər artırılsın, yardımdan əlavə qrant və ucuz kreditlər nəzərdə tutulsun. İndi, nədənsə, bu işlər dayandırılıb və sadəcə ünvanlı sosial yardım verilir. Ancaq əhalinin köklü şəkildə yoxsulluqdan xilası üçün "ünvanlı sosial dəstək" layihəsinin böyük önəmi var və nazirlik bunu nəzərə almalıdır".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...