İlham Əliyev Azərbaycanın xaricdə dövlət biznesinin əsas prinsipini dəqiq ifadə etdi

Tarix: 14.11.2014 / 02:48
Bölmə: İqtisadiyyat

Aydın Hüseynov: "Dünyada investisiya mühitlərinin vəziyyətini öyrənən nüfuzlu təşkilatların da hesabatlarında Azərbaycan önəmli yerə malikdir"

"Bu fikirlərdən də aydın görünür ki, Azərbaycan olduqca həssas investisiya siyasəti həyata keçirir"

Prezident İlham Əliyev Budapeştdə Macarıstan Milli Televiziyasına geniş və məzmunlu müsahibə verib. Prezident son illər ərzində Azərbaycanın əldə etdiyi iqtisadi uğurlardan danışıb. Ölkə başçısı bildirib ki, son on il ərzində Azərbaycan əhəmiyyətli iqtisadi inkişaf dövrünü yaşayıb:
"Bu gün Azərbaycan Cənubi Qafqaz regionunda ən güclü iqtisadiyyata malik ölkədir. Azərbaycan iqtisadiyyatı Cənubi Qafqaz regionunun iqtisadiyyatında 75 faizdən artıq paya malikdir.
Biz çoxsaylı iqtisadi islahatlar həyata keçirmişik və həmçinin dünyanın aparıcı energetika şirkətləri tərəfindən neft və qaz sektoruna investisiyaların yatırılmasına nail olmuşuq. Buna görə də enerji amili, üstəgəl islahatlar və enerji ehtiyatlarının satışından əldə etdiyimiz aktivlərin insan kapitalına investisiya qismində yatırılması bizə iqtisadiyyatımızı şaxələndirmək imkanını verdi".
Daha sonra Prezident ölkəmizim xarici sərmayələrlə bağlı siyasətində olan incə məqamlara toxunub: "Əminəm ki, Macarıstana heç bir məsləhət lazım deyil. Sizin əhalinin böyük dəstəyini qazanmış çox dinamik, effektli hökumətiniz var. Son seçkilər də bir daha Baş nazir Viktor Orbanın yürütdüyü siyasətin milli maraqlara söykəndiyini və əhalinin əksəriyyəti tərəfindən dəstəkləndiyini nümayiş etdirdi. Buna görə də siz doğru yoldasınız və biz də sizin dostunuz kimi, əldə etdiyiniz bu möhtəşəm nailiyyətinizə görə sizi və hökumətinizi yalnız təbrik edə bilərik. Çünki ölkəniz indi müstəqil və milli maraqlara söykənən siyasət yürüdən ölkələrin rəmzidir və bu da həm sizin, həm də bizim hökumətimiz üçün yüksək prioritet təşkil edir. Aramızda bir çox oxşarlıqlar var, ola bilsin ki, bu oxşarlıqlar bizi birləşdirir.
Praktiki cəhətdən Azərbaycanın sərmayə ilə daxil olduğu istənilən ölkədə biz investisiya sahələri üzrə hökumət qurumları ilə məsləhətləşmələr aparırıq. Biz, təbii ki, prioritet olmayan sahələrə investisiya yatıran tərəfdaş olmaq istəmirik. Biz bu layihələrə biznes və əlaqələrimizin gücləndirilməsi nöqteyi-nəzərindən baxırıq. Buna görə də bu sahələr turizm, otel biznesi, infrastruktur, ağır sənaye ola bilər. Biz Macarıstanda, o cümlədən Azərbaycanda birgə investisiya layihələrini təşkil edə bilərik. Beləliklə, çoxlu imkanlar var və biz onları reallaşdırmağa hazırıq. Mənim səfərim və Baş nazirlə apardığım müzakirələr əsasən bu yeni fürsətlərin dəyərləndirilməsinə, üstəgəl Macarıstandan Azərbaycana daha çox şirkətlərin dəvət edilməsinə yönəlib. Bu gün biznes forumda, əlbəttə ki, Azərbaycanda mövcud biznes imkanları ilə bağlı təqdimat keçiriləcək. Növbəti illərdə biz nə etməyi planlaşdırırıq və xarici şirkətlərin bizə qoşulması üçün imkanlar nədir? Əlbəttə, bizim gələcəkdə yeni layihələrimiz və yaxşı nəticələrimiz olacaq".
Yeni Azərbaycan Partiyasi Siyasi Şrasının üzvü, iqtisadçı Aydın Hüseynov "Bakı-Xəbər"ə açıqlamasında bildirdi ki, bir iqtisadçı kimi cənab Prezidentin müsahibəsində toxunulan məqamlarla tam razıdır":Cənab İlham Əliyev Macarıstanın Milli Televiziyasına verdiyi müsahəbədə daha çox ölkəmizin əldə etdiyi iqtisadi uğurlardan, dövlət olaraq müəyyənləşdirdiyimiz investisiya siyasətindən geniş bəhs edib.
Dünyada investisiya mühitlərinin vəziyyətini öyrənən nüfuzlu təşkilatların da hesabatlarında Azərbaycan önəmli yerə malikdir. Həmin hesabatlarda da bizim iqtisadi uğurlarımız aydın şəkildə öz əksini tapır.
Ancaq bu o demək deyil ki, Azərbaycan bir varlı ölkə kimi araşdırmadan xarici dövlətlərə investisiya yatırmalıdır. Bu sahədə Azərbaycan çox düşünülmüş, praqmatik iqtisadi siyasət həyata keçirir. Məhz bunun nəticəsidir ki, dünyada baş verən qlobal iqtisadi böhranlar bizdən yan keçir. Cənab Prezidentin müsahibəsindəki bir məqama diqqət yetirək: "Biz, təbii ki, prioritet olmayan sahələrə investisiya yatıran tərəfdaş olmaq istəmirik". Bu fikirlərdən də aydın görünür ki, Azərbaycan olduqca həssas investisiya siyasəti həyata keçirir. Bununla yanaşı, Azərbaycan investisiya yatırmaq üçün də etibarlı bir ölkəyə çevrilib. Təsadüfi deyil ki, son 10 ildə ölkəyə 140 milyard dollar, bu il isə 12.5 milyard investisiya qoyulub. Bu il yatırılan investisiyalardan 5 milyardı xarici investorların payına düşür".

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...