Azərbaycanın rublsuz Valyuta Fondu...

Tarix: 13.11.2014 / 02:02
Bölmə: İqtisadiyyat

Azər Mehtiyev: "Azərbaycan öz valyuta ehtiyatlarını bu cür kəskin dəyər düşməsindən sığortalamaq, hətta ümumiyyətlə bunun qarşısını almaq üçün rublu əvəzləməlidir"

Samir Əliyev: "Artıq Dövlət Neft Fondunun 2014-cü ilin doqquz aylıq hesabatında mənfi siqnallar eşidilir"

Rusiyada milli valyutanın dəyərsizləşməsi prosesini nəzərə alan iqtisadçı-ekspert Qubad İbadoğlu Azərbaycan Dövlət Neft Fondunda rus rublu ilə saxlanan 400 milyon dollar valyutanın sıfırlanmasını təklif edib.
Bununla bağlı şəxsi "facebook" səhifəsində status paylaşan iqtisadçı bildirib ki, rus rublunun dəyərdən düşməsi birbaşa Dövlət Neft Fondunun aktivlərinin dəyərsizləşməsinə təsir göstərir.
Q.İbadoğlunun sözlərinə görə, dünya bazarında neftin qiymətinin düşməsi də diqqətə alınmalıdır: "Dünya bazarında neftin qiymətinin ucuzlaşdığı indiki həssas zamanda Fondun bilərəkdən itkilərə getməsi ziyanı biz az da artıracaq".
Maraqlıdır, Rusiya rublundan imtina ilə bağlı digər iqtisadçılar nə düşünür?
İqtisadi Təşəbbüslərə Yardım Mərkəzinin rəhbəri Azər Mehdiyev açıqlamasında bildirdi ki, rus rublunun dəyəri həm avroya, həm də dollara nisbətən xeyli aşağı düşüb: "Rusiyanı gözləyən iqtisadi sanksiyalar bu prosesin davam edəcəyini və rublun yaxın günlərdə daha sürətlə dəyərdən düşəcəyini göstərir. Bu baxımdan Azərbaycan öz valyuta ehtiyatlarını bu cür kəskin dəyər düşməsindən sığortalamaq, hətta ümumiyyətlə bunun qarşısını almaq üçün rublu əvəzləməlidir. Yəni məqsədəuyğun olanı budur. Amma söhbət təkcə rus rublundan getmir. Məlumdur ki, Rusiyanın müəyyən maliyyə dairələri Dövlət Neft Fondunun səhmlərini alıb. Onların saxlanmasının nə dərəcədə məqsədəuyğun olduğunu yoxlamaq üçün də həmin təşkilatların səhmlərinə yenidən baxılmalıdır".
A.Mehtiyev deyib ki, dünya bazarında neftin qiymət ucuzlaşması da rublun dəyərdən düşməsini sürətləndirən prosesdir: "Rusiyanı bir tərəfdən sanksiyalar zəiflədirsə, digər tərəfdən neftin qiymətinin aşağı düşməsi gəlirlərin əsas mənbəyi olan neft dollarlarından ölkəni məhrum edir. Nəzərə alsaq ki, Azərbaycan üçün də neftin qiyməti çox önəmlidir və qiymətin aşağı düşməsi ölkəyə valyuta gəlirlərinin azalmasına gətirib çıxara bilər, onda Azərbaycan rus rublundan imtina etmək haqqında ciddi düşünməlidir. Ən azından, beynəlxalq valyuta ehtiyatlarında rus rubluna yenidən baxmalıdır".

Digər iqtisadçı Samir Əliyev isə hesab edir ki, rus rublundan imtina ilin əvvəlindən səslənən təklifdir: "İlin əvvəlindən Neft Fondunu rubl aktivlərindən imtinaya çağırmışıq. Çünki Rusiya iqtisadiyyatında qeyri-sabitlik hökm sürür. Bir tərəfdən neftin ucuzlaşması, digər tərəfdən sanksiyalar rublu güclü təzyiq altında saxlayır. 2014-cü ildə rubl dollara münasibətdə 36 faiz ucuzlaşıb. Əhalinin rublda olan əmanətləri dollar ifadəsində 115 milyard dollar dəyərsizləşib. Ölkənin beynəlxalq ehtiyatları 2014-cü ildə 15,9 faiz azalaraq 509,6 milyarddan 428,6 milyard dollara düşüb. MB-nin proqnozuna görə, ölkədən kapital axını bu il 128 milyard, gələn il 100 milyard dollar təşkil edəcək.
İndi də rublun məzənnəsi sərbəst buraxılıb. Bu o deməkdir ki, ucuzlaşma davam edəcək. Proqnozlar rublun ilin sonuna kimi dollara münasibətdə 60-a qədər düşəcəyini göstərir. Bu ucuzlaşma, təbii ki, Neft Fondunun aktivlərinə təsir göstərir.
Artıq Dövlət Neft Fondunun 2014-cü ilin doqquz aylıq hesabatında mənfi siqnallar eşidilir. Fondun aktivlərinin 317,1 milyon dollar azalması, valyutaların məzənnələrinin dəyişməsindən yaranan 966,4 milyon manata çatması valyuta ehtiyatlarımızın taleyi ilə bağlı narahatlıqlar yaradıb".
Qeyd edək ki, Rusiyanın Mərkəzi Bankı noyabrın 10-dan rublun məzənnəsini tənzimləmək kursundan imtina edib. Ekspertlərin fikrincə, əslində rubl bir aydan çoxdur ki, qeyri-rəsmi üzən məzənnəyə keçib. Bank bir ay ərzində 30 dəfədən çox dəhlizin yuxarı sərhədini artırmağa məcbur olub. Bazara əvvəl ciddi müdaxilə etsə də, sonrakı dövrlərdə gündəlik 350 milyon dollar həcmində intervensiya ilə kifayətlənib.

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...