Yeni evlərin ucuzlaşması neftin ümidinə qaldı

Tarix: 13.11.2014 / 08:10
Bölmə: İqtisadiyyat

Ölkədə daşınmaz əmlak bazarında qiymətlərin yüksək olması hələ də bu sahədə durğunluğun davam etməsi ilə nəticələnməkdədir. Lakin məsələnin maraqlı tərəfi, yaşanan durğunluğa rəğmən, qiymətlərin artmasıdır.
Xüsusən də yeni inşa olunan mənzillərlə bağlı qiymətlər artır. MBA Konsaltinq və Qiymətləndirmə Şirkətinin rəhbəri Nüsrət İbrahimov da etiraf edir ki, yeni tikilən mənzillərin qiymətində dinamik artım var. Məsələn, elə ötən ay paytaxtda tikilən yeni mənzillərin qiymətində kəskin artım baş verib. N.İbrahimovun sözlərinə görə, bir ay ərzində qiymətlər az qala 5% yüksəlib. Nəticədə paytaxtda yeni tikilən mənzillərin orta qiyməti 1 kvadratmetr üçün 1 360 dollar təşkil edir. Ümumiyyətlə, ilin əvvəlindən indiyədək yeni mənzillər 18,7% bahalaşıb. Son bir ildə isə "novostroyka"ların qiyməti 21% yüksəlib. N.İbrahimovun sözlərinə görə, yeni tikililərin belə sürətli bahalaşmasının səbəbi ucuz qiymətə olan mənzillərin satılıb qurtarmasıdır: "Nəticədə indi satışda olan mənzillərin əksəriyyəti bahalı binalarda qalanlardır, bu da qiymətlərin artması ilə nəticələnib". Ekspert bildirir ki, qiymətlərin baha olmasına görə, əksər binalarla satışlar aşağıdır, amma buna baxmayaraq bina sahibləri qiymətləri aşağı salmaq niyyətində deyil. Ekspertlər, bazara hansısa müdaxilə olmayacağı təqdirdə, bu vəziyyətin davam edəcəyini proqnozlaşdırır.
Hələlik isə yeganə gözlənti odur ki, neft qiymətində dəyişikliklər əmlak bazarına təsir göstərsin. Mütəxəssislər belə hesab edir ki, dünya bazarında neftin ucuzlaşması mənzil bazarına təsir edəcək. Bildirilir ki, qlobal iqtisadiyyatda kəskin dəyişiklik baş verəndə daşınmaz əmlakın da qiyməti düşür. Bu fonda qeyd olunur ki, neftin qiymətinin aşağı düşməsi daşınmaz əmlak bazarına da təsirsiz ötüşməyəcək.
Bunun baş verməsi üçün isə dünya bazarında neftin qiymətinin hələ bir müddət də bu şəkildə ucuz qalması lazımdır. Məhz belə bir vaxtda Neft İxrac edən Ölkələr Birliyinin (OPEK) istehsalın azaldılmasına getməyəcəyinə dair verdiyi açıqlamalar fonunda neft 81,2 dollar kimi ucuzlaşıb. İraqın ən böyük neftayırma zavodunun olduğu Bəyçi mahalının terror təşkilatı IŞİD-in əlindən alındığı və ingilis neft şirkəti olan "Cairn Energy"nin Seneqal sahillərində təxminən 150 milyon barellik neft yatağı tapdığı xəbərləri də neftin qiymətinin düşməsinə səbəb olub. Bütün bunlar, qeyd olunduğu kimi, daşınmaz əmlak bazarına da təsirsiz ötüşmür. Aparılan araşdırmalar göstərir ki, neft birjalarında qiymətlərin davamlı dəyişməsi 5-7 ay gecikmə ilə daşınmaz əmlakın qiymətlərində özünü əks etdirir. Azərbaycana da daxil olan neft pulları ilə Bakıda mənzillərin qiyməti arasında birbaşa əlaqə var. Belə ki, neft gəlirləri azaldıqca paytaxtda bahalı mənzillərə tələbat da azalır. Məsələ bundadır ki, neftdən gələn pulların bir hissəsi dolayı yolla bu bazara axır. Nəticədə bazarda qiymətlərin qalxması baş verir. Digər səbəb isə odur ki, neftin qiyməti artanda ölkədə bir sıra investisiya layihələri həyata keçirilir. Bu pulların da bir hissəsi daşınmaz əmlak bazarında qiymət təzyiqini artırır. Neftin qiyməti düşdükdə isə əks proses baş verir.
Neftin hələ bundan sonra ucuzlaşması fonunda mənzil bazarında qiymətlərin enməsi isə qaçılmaz sayılır. Hazırda ucuzlaşma daha çox köhnə evlərin qiymətində özünü göstərir. Qeyd edək ki, köhnə mənzillərin qiyməti artıq bir neçə aydır ucuzlaşmaqdadır. Ekspertin sözlərinə görə, bunun səbəbi alıcı qıtlığıdır. Hazırda ev alqı-satqısı ilə məşğul olan ofislərə müraciət edən alıcıların sayı kəskin azalıb. N.İbrahimovun sözlərinə görə də, alıcıların sayının kəskin azalmasının bir neçə səbəbi var. Bunlar ipoteka kreditlərinin dayandırılması, Rusiyadan pul göndərişlərinin azalması və evlərin qiymətinin əsassız olaraq artmasıdır: "Şəhərdə 1 otaqlı evi 60 min manata satırlar. Bu pulu bir otaqlı evə verməkdənsə, torpaq alıb fərdi ev tikmək daha sərfəlidir. Ona görə də alıcıların mənzillərə marağı azalıb". Ekspertlər hesab edir ki, qiymətlərin ucuzlaşması ilə yanaşı, əmlak bazarında aktivliyin artması baş verə bilər. İndiyə qədər isə əmlak bazarında müşahidə edilən psixoloji və eləcə də süni qiymət artımlarından sonra bazarda aktivliyin azalması müşahidə edilib. Maraqlıdır ki, mənzillərə tələbatın artması müşahidə edilsə də, sonradan bu tendensiya durğunluqla əvəz edilib. Belə ki, Bakıda aparılan söküntülər fonunda paytaxtın mənzil bazarına nağd pulların daxil olacağı gözlənilsə də, əmlak bazarında daha çox psixoloji təzyiq müşahidə edilib. Nəticədə qiymətlərin artması bazara pulun daxil olması ilə müşahidə edilməyib, qiymət artımları isə azalma ilə əvəzlənib. İndi isə neftə görə bu azalmanın daha böyük miqyas alması gözlənir. Lakin neftin qiymətində ucuzlaşma baş verməyincə, daşınmaz əmlak bazarında da qiymətlərin enməsi gözlənilmir.

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...