Azərbaycanda məcburi sığorta qeydiyyatına düşən əcnəbilərin sayı artır

Tarix: 13.11.2014 / 07:14
Bölmə: İqtisadiyyat

Aydın Hüseynov: "Qeydiyyatda olan əcnəbilərin sayının artması ölkənin iqtisadi nüfuzunun artmasının göstəricisidir"

"Əcnəbilərin sosial təminatı üçün dövlət tərəfindən hər bir şərait yaradıldığına görə onlar Azərbaycana gəlir"

2014-cü il noyabrın 1-nə olan statistikaya əsasən, ilin əvvəli ilə müqayisədə Dövlət Sosial Müdafiə Fondunun (DSMF) fərdi uçot sistemində qeydiyyatda olan əcnəbilərin sayı 27,2 faiz artıb.
DSMF-nin İctimaiyyətlə əlaqələr sektorunun yaydığı məlumata görə, 2014-cü il noyabrın 1-nə olan statistikaya əsasən, DSMF tərəfindən əlavə olaraq 4658 nəfər əcnəbi vətəndaşa fərdi şəxsi hesab açılıb və nəticədə sistemdəki əcnəbilərin sayı 21 758 nəfərə yüksəlib. Dövlət sosial sığorta sistemində fərdi şəxsi hesabı olan əcnəbilərin 89,2 faizini (19419 nəfər) kişilər, 10,8 faizini (2 339 nəfər) isə qadınlar təşkil edir. Ümumilikdə 104 ölkənin vətəndaşlarını əhatə edən əcnəbilər arasında ən yüksək say göstəricisi Türkiyə vətəndaşları (11 606 nəfər) üzrə müşahidə olunur. Fərdi uçot sistemində qeydiyyata alınan əcnəbilərin sayına görə ikinci yerdə qərarlaşan Gürcüstan vətəndaşlarının sayı 2 459 nəfərə, üçüncü yerdə gələn Rusiya Federasiyasının vətəndaşlarının sayı isə 1 249 nəfərə çatıb. Sonrakı yerlərdə İran İslam Respublikası (851), Çin Xalq Respublikası (730), Hindistan (592), Pakistan İslam Respublikası (462), Böyük Britaniya və Şimali İrlandiya Krallığı (328), Ukrayna (236), Özbəkistan (235), Banqladeş Xalq Respublikası (201), Filippin (188), Almaniya (181), Türkmənistan (180), ABŞ (157), Qazaxıstan (152), İtaliya (140), Cənubi Koreya Respublikası (134), Bosniya və Hersoqovina (132), Malayziya (103) və s. ölkələr gəlir.
Ölkəmizdə 2006-cı ildən etibarən fəaliyyət göstərən sığorta-pensiya sistemində Azərbaycan Respublikası mənbələrindən əmək ödənişi və məcburi dövlət sosial sığorta haqlarına cəlb olunan digər gəlirləri əldə edən əcnəbilərin ödədikləri məcburi dövlət sosial sığorta haqlarının fərdi uçotu həyata keçirilir.
Azərbaycanda çalışan əcnəbilərin sayının artması o deməkdir ki, artıq əcnəbi ölkənin vətəndaşlarının rahat yaşayışı üçün ölkədə hər bir şərait yaradılıb.
YAP Siyasi Şurasının üzvü, iqtisadçı Aydın Hüseynov "Bakı-Xəbər"ə açıqlamasında qeyd etdi ki, əcnəbilərin Azərbaycana gəlməsinin başlıca səbəbi işlə təmin olunmasıdır: "Digər səbəb isə odur ki, əcnəbilər də Azərbaycan vətəndaşlarının yararlandığı hüquqlardan rahat şəkildə istifadə edə bilir. Qanunda əcnəbilərin yaşayışı və işlə təmin olunması istiqamətində nələr qeyd olunursa, o da tətbiq olunur".
A.Hüseynovun sözlərinə görə, qeydiyyatda olan əcnəbilərin sayının artması ölkənin iqtisadi nüfuzunun artmasının göstəricisidir: "Bu o deməkdir ki, ölkəmizdə demoqrafik prinsiplərə, tolerantlığa və dövlət səviyyəsində dünyəvi dəyərlərə hörmətlə yanaşılır. Və əcnəbilərin sosial təminatı üçün dövlət tərəfindən hər bir şərait yaradılır".

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...