Müxtəlif adlarla qablaşdırılmış tumlarla bağlı dövlət orqanlarına müraciət edildi

Tarix: 13.11.2014 / 02:43
Bölmə: İqtisadiyyat

Ramiz Həsənov və Şahin Mustafayevə oxucu çağırışı...

Redaksiyamıza bir qrup oxucunun İqtisadiyyat və sənaye naziri cənab Şahin Mustafayevə və Standartlaşma, Metrologiya və Patent üzrə Dövlət Komitəsinin sədri cənab Ramiz Həsənova ünvanladığı müraciətin surəti daxil olub. Müraciətdə müxtəlif adlarla qablaşdırılmış tumların törətdiyi fəsadlardan, çaşdırıcı reklamlarından bəhs olunur. Xüsusilə müraciətdə tumların azyaşlılara yaratdığı problem, yalançı uduş kampaniyaları yer alır.
Aktuallığını nəzərə alıb, müraciəti olduğu kimi dərc edirik.
"Ölkəmizdə əsası ümummilli lider Heydər Əliyev tərəfindən qoyulan və cənab Prezident İlham Əliyev tərəfindən uğurla davam etdirilən inkişaf, digər sahələrdə olduğu kimi, iqtisadiyyatda da uğurla davam etməkdədir. Dövlət başçısının sahibkarlığa və sahibkarlara diqqət və qayğısını isə xüsusilə qeyd etmək lazımdır. Bunun nəticəsidir ki, son illər yeni istehsal və kommersiya obyektlərinin açılışı artıq ənənə halını alıb. İşsizliyin aradan qaldırılmasında və iqtisadi inkişafda bu faktor çox vacib sayılır.
Hörmətli Şahin müəllim, təəssüf ki, bəzi işbazlar ölkəmizdə sahibkarlığın inkişafı üçün yaradılmış bu şəraitdən sui-istifadı hallarına cəhd edirlər. Sağlam rəqabəti yaddan çıxarırlar. Şəxsi maraqları naminə nəinki məlum qanun və qaydaları saymazdan gəlir, hətta genofondumuza, gələcək nəsillərimizin sağlamalığına zərbə vurmaqdan da çəkinmirlər. Qida sektorunda özünə yer edən bəzi işbazların özbaşınalıqları son həddə çatıb. Bizi daha çox narahat edən məsələ müxtəlif markalarla - "Patron", "Beloçka", "Mister tum", "Şirin tum", "Mənim ailəm", "Çiko" və sair qablaşdırılmış tumların törətdiyi və törədə biləcəyi fəsadlardır. Bu məhsulların xəstəlik mənbəyi olduğunu bilməkdən ötrü mütəxəssis olmağa ehtiyac da yoxdur.
Məlum olduğu kimi, bu məhsulları daha çox azyaşlılar alır. Biz dəfələrlə bu tumlardan zəhərlənmələrin şahidi olmuşuq. Bu işbazlar uşaqları həvəsləndirməkdən ötrü bütün vasitələrdən istifadə edirlər. Müxtəlif adlarla guya uduş kampaniyası aparırlar. Bunun yalan olduğunu elementar hesablama ilə də bilmək olar. Bundan əlavə, bəzi tum qablarında "kitayski", kimyəvi tərkibi məlum olmayan "hədiyyələr"ə də rast gəlinir. Tumla birlikdə bu "ximikatlar"ın qablaşdırılması nə dərəcədə düzgündür?
"Patron" tumları ilə bağlı bir vəziyyəti xüsusi qeyd edirik. Bu paketlərin üstündəki şəkillər uşaqların psixologiyasına ziyan vurur. Azyaşlılarda ölüm saçan silahlara arzuolunmaz maraq yaradır... Elə bil ki, uşaqlar əllərinə tum yox, silah almış olurlar.
Daha bir problem bu tumların reklamı ilə bağlıdır. Bəzi televiziya və mətbuat orqanlarında heç bir standarta uyğun olmayan, başdan-ayağa yalan reklamlar yerləşdirirlər. Yalanları ilə ictimaiyyət çaşdırmağa çalışırlar.
Kimlərsə pul-para sahibi olacaq deyə, bu millətin genofondu korlanır, gələcəyimiz zərbə altına düşür.
Sizdən artıq dərəcədə xahiş edirik ki, qanunla müəyyən olunmuş səlahiyyət və imkanlarınızdan istifadə edərək bu özbaşınalıqlara, faciə vəd edən məhsulların bazarda satışına son qoyasınız. Beləliklə də genofondumuz böyük bir bəladan xilas olmuş olar.
Qabaqcadan minnətdarlığımızı bildiririk".
Qeyd edək ki, redaksiyamızın elektron poçtuna daxil olmuş bu müraciətdəki fikirlər hələlik birtərəfli olduğu üçün adı çəkilən istehsal subyektlərinin hər hansı cavabına, təkzibinə, sağlam gigiyenik, ekspertiza rəyinə də qəzetimizdə yer ayıra bilərik. Nəzərə alaq ki, tumların ziyanı barədə çoxdan söz-söhbətlər dolaşsa da, hələlik onlara istehsalçılar tərəfindən əsaslı bir izah və ya təkzib verilməyib.
Bəlkə müxtəlif adlı tum qablaşdırıcıları üçün bu əla bir fürsətdir?!

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...