Azərbaycan beynəlxalq ticarətdə daha bir əlverişli tranzit məntəqə halına gəlir

Tarix: 12.11.2014 / 02:03
Bölmə: İqtisadiyyat

Polşa məhsullarını Azərbaycan ərazisi ilə İrana ixrac etmək niyyətindədir

Polşa Azərbaycanı təkcə kənd təsərrüfatı sahəsində əməkdaşlıq üzrə potensial tərəfdaşı kimi deyil, həm də İrana kənd təsərrüfatı məhsullarının satışı üçün tranzit ölkə kimi nəzərdən keçirir. Bunu "Trend"ə Bakıda səfərdə olan Polşanın kənd təsərrüfatı naziri Marek Savitski deyib.
Onun sözlərinə görə, regionun lider ölkəsi olan Azəraycanın kənd təsərrüfatı sahəsində əməkdaşlıq baxımından Polşa ilə əlaqələri hələ məhduddur: "Azərbaycanın kənd təsərrüfatı naziri Heydər Əsədov və işgüzar dairələrin nümayəndələri ilə görüşdə məhsulların idxal-ixracını, texniki və konsultativ təklifimizi özündə ehtiva edən ikitərəfli əməkdaşlığımızı təklif etdik. Polşa ət-süd istehsal edən fabriklər üçün avadanlıqların tədarükündə yardımçı ola bilər. Bizim yaxşı meyvə-tərəvəz mübadiləmiz ola bilər".
M.Savitski qeyd edib ki, iki ölkə arasında kənd təsərrüfatı sahəsində əmtəə dövriyyəsi olduqca azdır: "Əmtəə dövriyyəsi təqribən 12 milyon avro təşkil edir. Son bir neçə il ərzində əmtəə dövriyyəsi bir neçə 10 faiz artıb, lakin biz istərdik ki, bu göstərici daha da artıq olsun, çünki potensial yüksəkdir".
Nazir əlavə edib ki, Rusiyaya məhsul ixracına qoyulan embarqo Polşa ixracına güclü təsir etməyib: "Rusiya Polşanın əsas ticarət tərəfdaşı olmayıb. Rusiya kənd təsərrüfatı məhsullarının ixrac strukturunda yeddinci yeri tuturdu. Polşanın 20 milyard avro dəyərində ixracından yalnız 1,3 milyard avro Rusiyanın payına düşürdü. Ümumilikdə isə ötən il Polşa 20 milyard avro dəyərində kənd təsərrüfatı məhsulu ixrac edib, 13 milyard avroluq isə mal idxal edib". Kənd təsərrüfatı nazirinin sözlərinə görə, səfəri qarşıdakı Azərbaycan-Polşa hökumətlərarası komissiyanın iclası çərçivəsində yalnız hazırlıq mərhələsidir, buna görə də indiki səfər zamanı hər hansı sazişin imzalanması nəzərdə tutulmur: "Azərbaycan və Polşa arasında kənd təsərrüfatı əməkdaşlığının inkişafı hələ digər sahələrdən geri qalır. Bu səfər gələcək inkişaf məqsədilə zəmin hazırlamaq üçün təşəbbüsüm olub. Səfərdən sonra polşalı və azərbaycanlı iş adamları arasında bir sıra görüşlər keçiriləcək, dekabrın 15-də isə hökumətlərarası komissiyanın iclası baş tutacaq. İclasda aqrar əməkdaşlıq məsələsinə böyük diqqət ayrılacaq. Biz heyvandarlıq və s. sahələrdə fitosanitar və baytarlıq müfəttişliklərimiz arasında əməkdaşlıq haqqında razılığa gəlmişik".
O vurğulayıb ki, Polşa Azərbaycanın kənd təsərrüfatı sahəsində apardığı islahatlara istənilən dəstəyi göstərməyə hazırdır: "Heydər Əsədov mənə məlumat verdi ki, bu islahatlara daha çox investisiya ayırmağı planlaşdırır və biz islahatların həyata keçirilməsinə istənilən dəstəyi göstərməyə hazırıq".
M.Savitski bildirib ki, Azərbaycana kənd təsərrüfatı məhsullarının ixracında ət məmulatlarının payı daha çoxdur: "Azərbaycan bazarında Polşadan idxal edilmiş quş və mal ətindən xeyli sayda sosiska və kolbasa var. Biz süd məhsullarımızı da ixrac etmək niyyətindəyik. Lakin iş orasındadır ki, azərbaycanlı tərəfdaşlarımız nə almalı olduqlarını özləri həll edirlər. Azərbaycanda bazarı və istehlakçıların ehtiyaclarını bilən yerli tərəfdaş lazımdır. Üstəlik, Azərbaycan regionun qabaqcıl ölkəsidir, niyə də Polşa Azərbaycan ərazisi ilə İrana, sayı 25 milyon olan iranlı azərbaycanlılara quş və mal əti satmasın".
Onun sözlərinə əsasən, təəssüf ki, Polşaya Azərbaycan çayı ixrac edilmir: "Azərbaycan Polşaya əsasən quru meyvələr, qoz-fındıq, nar tədarük edir. Lakin Polşada kişmiş və Azərbaycan çayı yoxdur. Hər iki tərəfdən idxal və ixrac artırılmalıdır. Bunun üçün ölkələrimizin hər cür şəraiti var".

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...