Qızılla bağlı qorxunc proqnoz - 800 dollar...

Tarix: 12.11.2014 / 02:32
Bölmə: İqtisadiyyat

Azərbaycanın da valyuta ehtiyatlarının tərkibinə daxil etdiyi qızılla bağlı yenidən bədbin və artıq təhlükəli görünən proqnozlar verilir. Bu proqnozlar özünü doğruldacağı təqdirdə son illərdə qızıl alan ölkələr külli miqdarda zərərə uğrayacaq. Məsələ burasındadır ki, dolların güclənməsi və zəif fiziki tələblə bağlı olaraq sərmayə bankları qızılın qiyməti barədə proqnozlarını aşağı salır. Onlardan biri olan "ABN Amro" qızılın gələn ilin sonunda 800 dollara düşəcəyini təxmin edir.
"Societe General" da qızılın 1000 dolların altına enə biləcəyi xəbərdarlığını edib. "Goldman Sachs"ın il sonu təxmini isə 1050 dollardır.
Ümumiyyətlə, qiymətli metallardakı təklif çoxluğu və tələb azlığı qiymətlərdə enişi sürətləndirir. Qızılın unsiya qiymətinin son 4,5 ilə yaxın bir müddətin ən aşağı səviyyəsinə geriləməsinə paralel olaraq gümüş qiymətləri də azalıb.
Gümüşün unsiyası 15,17 dollar səviyyəsinə geriləyərək, son 4,5 ilin ən aşağı həddinə çatıb.
Gümüşdəki qiymət enişi qlobal miqyasda bu əmtəədə alışların artmasına səbəb olub. Mütəxəssislər son illərdə gümüşə olan tələbin artdığını, ancaq son bir neçə gündür əmtəənin qiymətinin çox aşağı düşdüyünü bildirir. Lakin əsas narahatlıq qızılla bağlıdır. "İnvestAz" şirkətinin Risq və Aktivlərin İdarə edilməsi üzrə departament rəhbəri Rövşən Dadaşov qızılın ucuzlaşma səbəbi kimi qeyd edir: "Qızılın əsas xüsusiyyəti onun bir çox dövlətlərdə büdcənin əsas ehtiyat aləti kimi istifadə olunmasıdır. Son illərdə qızıla tələbatın artması onun hasilatını kəskin şəkildə artırıb. Statistikaya əsasən, təkcə 2013-cü ildə dünyada qızıl ehtiyatları 160,4 min tona çatıb. Bunun 30 min tonu dövlət mərkəzi bankları və maliyyə qurumlarının, 79 min tonu zərgərlik məmulatlarının, 25 min tonu investisiyaların, yerdə qalan 26,4 min ton isə əhalidə olan qızıl məmulatlarının payına düşür. 2008-ci ildən başlayaraq dünya iqtisadiyyatında yaranmış maliyyə böhranı qızılı ınvestorlar üçün ehtiyat yatırım alətinə çevirib. 2011-ci ildə qızılın qiyməti 1 unsiya üçün 1920 dollara çatıb ki, bu da həmin il üçün ən yüksək hədd hesab olunur. 2014-cü ilin əvvəlindən beynəlxalq birjalarda qızılın kəskin ucuzlaşması müşahidə olunur. Ucuzlaşmaya səbəb kimi bu il ərzində Amerika inflyasiya tempinin aşağı düşməsi və Federal Rezerv sistemi tərəfindən gözlənilən faiz dərəcələrinin aşağı olmasıdır. Həmçinin Amerikada dolların dəyərinin bahalaşması investorlar arasında qızıla olan tələbatın azalmasına gətirib çıxarıb". Ekspert "fins" portalına bildirib ki, hazırda qızılın qiymətinin eniş tendensiyası davam edir və qiymət sonuncu minimum səviyyəni, yəni 1180 dolları da keçib: "Bunun səbəbi oktyabr ayının sonunda ABŞ-da Mərkzəi Bank açıqlamaları və kütləvi dövlət istiqrazlarının alış proqramının dayandırılmasıdır. Bazarlara təsir edən fundamental faktorları nəzərə alsaq, enişin hələ də davam etmə ehtimalının yüksək olduğunu qeyd etmək olar". Onun sözlərinə görə, qızılın ucuzlaşması özünü valyuta birjalarında artıq göstərib. ABŞ dollarının bahalaşması, investorların tələbatlarının artması funt, avro, frank, yapon yenası kimi valyutaların dəyərinin itməsinə səbəb olub.
Qeyd edək ki, qızılın qiymət dəyişikliyinin başqa səbəbi isə son dövrlər avronun məzənnəsinin son 6 ayda azalmasının səngiməsi və son iki həftədə dollara nisbətən müəyyən dəyişikliklərin olması ilə bağlıdır. Bu baxımdan valyuta bazarında ciddi dəyişikliklər baş verir. Ümumilikdə həm valyuta bazarında dəyişikliklərin baş verməsi ilə bağlı çətinliklər, həm də neftin qiymətinin düşməsi qızıla tələbatı dəyişdirir. Xatırladaq ki, qızıl xüsusilə 2008-ci il maliyyə böhranından sonra etibarlı aktiv kimi önə çıxmağa başladı. Lakin 2012-ci ilin payızından başlayaraq qızılın qiymətində ucuzlaşma müşahidə edilir. Dünya Qızıl Şurasının açıqlamasında da göstərilir ki, ötən il qızılın qiymətindəki artım tempi əvvəlki illə müqayisədə aşağı olub. Bunun səbəbi isə son ildə qızıla olan tələbatın azalması olub.
Bir sıra mütəxəssislər də hesab edir ki, qızıla vəsait qoymaq gəlirlilik baxımından daşınmaz əmlaka vəsait yatırmaqdan daha risqli olduğundan, bu da qiymətli metalın dəyərinə təsirsiz ötüşmür. Onların fikrincə, qızıldan fərqli olaraq, daşınmaz əmlakın qiymətində kəskin düşmə və eyni zamanda da yüksəliş baş vermir. Daşınmaz əmlakın qiyməti tədricən dəyişir. Bu da investoru ani zərərdən sığortalayır. Eyni zamanda, qızıldan fərqli olaraq, daşınmaz əmlakı kirayəyə verməklə əlavə qazanc əldə etmək imkanı üstünlük kimi qiymətləndirilir. Bütün bunlar qızılın qiymətinə mütləq formada təsir edir.

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...