Azərbaycanda Tikinti Nazirliyi məsələsi...

Tarix: 07.11.2014 / 07:43
Bölmə: İqtisadiyyat

Ramil Osmanlı: "Nəzəri baxımdan normal təklifdir, amma yeni bir nazirliyin yaradılması dövlət büdcəsindən əlavə xərclərə səbəb olacaq"

"Bəzi dövlət qurumlarında olan tikinti idarələrinin və tikintiyə nəzarət funksiyalarının bir yerdə cəmlənməsi, yəni bir pəncərə sisteminə keçilməsi daha məqbul olar"

Bu günlərdə Azərbaycanda Tikinti Nazirliyinin yaradılması təklifi gündəmə gəlib. Parlamentin ötən iclasında millət vəkilləri ölkədə yeni nazirliyin yaradılması təklifi ilə çıxış edib. Təklifdə qeyd olunub ki, uzun illərdir tender məsələləri normal həyata keçirilmədiyindən, hər nazirlik özünün tikinti qurumunu yaradıb: "Bir məktəbin amortizasiya dövrü 50-60 ilə hesablanmalı olduğu halda, həmin məktəb 3-5 ildən sonra əsaslı təmirə dayanır.
Elə son günlər yağan yağışlar da məktəblərin durumunu ortaya qoydu. Təhsil, Səhiyyə və digər sahəvi nazirliklər tikinti sektorundan uzaqlaşdırılmalıdır. Təhsil Nazirliyinin tikinti ilə məşğul olması onun nəyinə lazımdır? Azərbaycanda tender üzrə xüsusi bir qurum, ya da Tikinti Nazirliyi yaradılmalıdır. Dövlət bunun şərtlərini müəyyən etməlidir. Tikintini özəl qurumlar apararsa, rəqabət də artar".
Ekspertlər də Azərbaycanda Tikinti Nazirliyinin yaradılması təklifini müsbət dəyərləndirir.
Əmlak məsələləri üzrə ekspert Ramil Osmanlının sözlərinə görə, bu nəzəri baxımdan normal təklifdir. İqtisadçının fikrincə, yeni bir nazirliyin, yaxud komitənin yaradılması dövlət büdcəsindən əlavə xərclərə səbəb olacaq: "Bir nazirliyin strukturunun təşkili və saxlanması külli miqdarda vəsait tələb edir. Azərbaycanda Arxitektura və Şəhərsalma Komitəsi var və son illərdə, nədənsə, bu qurumun səlahiyyətləri xeyli azaldılıb. Büdcə vəsaitləri hesabına həyata keçiriləcək tikinti-quraşdırma, təmir-bərpa işləri ilə bağlı tenderləri məhz bu qurumda birləşdirmək olar. Amma burda ən vacib məqam şəffaflığın təmin olunmasıdır. Əgər tenderlərin keçirilməsi və icrası ilə bağlı məlumatlar ictimaiyyət üçün açıq olmayacaqsa, yekun hesabatlar mətbuatda dərc olunmayacaqsa, bunun heç bir mənası olmayacaq".
Həmsöhbətimiz onu da əlavə etdi ki, tikintidə baş verən problemlərin aradan qaldırılması üçün yeni nazirliyə ehtiyac yoxdur. Ondansa, bəzi dövlət qurumlarında olan tikinti idarələrinin və tikintiyə nəzarət funksiyalarının bir yerdə cəmlənməsi, yəni bir pəncərə sisteminə keçilməsi daha məqbul olar: "Hazırda tikinti üçün hər hansı bir icazənin alınmasına görə bir neçə idarə və nazirliyin razılığı olmalıdır. Onlardan hər hansı birinin razılığı olmadıqda, prosesin reallaşması mümkün deyil. Hökumət tikintiyə daha tez və operativ başlamaqda maraqlı olmalıdır. Bunun üçün də icazə məsələsi bir pəncərə sistemində birləşdirilməlidir. İki il öncə də bu ideya səslənmişdi. Tikintidə bir pəncərə sisteminə keçid daha çox effekt verər, nəinki bu istiqamət üzrə ayrıca bir nazirliyin yaradılması. Bu istiqamət üzrə düşünmək lazımdır. Prosesin sürətli və nəzarətin daha ciddi olması üçün idarəetmənin təkmilləşdirilməsi, bir pəncərə sisteminin tətbiqi daha vacibdir".

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...