"Başak-İnam"ın taleyi sığorta bazarında başlanan gərginlikdən xəbər verdi

Tarix: 07.11.2014 / 04:52
Bölmə: İqtisadiyyat

Ölkənin sığorta bazarında son vəziyyətin təhlili burada hələ də gərgin bir mərhələnin yaşandığını göstərir. Artıq sığorta şirkətlərinin gəlirləri əvvəlki kimi yüksək sayılmır. Bu isə onlar qarşısında qoyulan nizamnamə ilə bağlı tələblərin də yerinə yetirilməsinə təsirsiz ötüşmür. Artıq Maliyyə Nazirliyi bu xüsusda Azərbaycanda fəaliyyət göstərən "Başak-İnam" sığorta şirkətinin lisenziyasını dayandırıb. Buna səbəb şirkətin lisenziya almaq üçün tələb olunan minimum kapitala sahib olmamasıdır.
Nazirliyin məsələ bağlı yaydığı məlumatda qeyd olunur: "Kapitalının minimum məbləği məcmu kapitalın qanunvericiliklə müəyyən olunmuş səviyyəsinə uyğun olmadığı üçün "Başak-İnam Sığorta Şirkəti" Açıq Səhmdar Cəmiyyətinə sığorta fəaliyyətinə verilmiş lisenziyanın qüvvəsi Azərbaycan Respublikası Maliyyə Nazirliyinin müvafiq əmri ilə 04 noyabr 2014-cü il tarixdən dayandırılıb". Beləliklə, 1996-cı ildən fəaliyyət göstərən şirkət maliyyə məsələsinə görə fəaliyyətini dayandırmalı olub. Lakin lisenziyası dayandırılan bu sığorta şirkəti indiyədək bağladığı sığorta müqavilələri əsasında müştərilərinə xidmət göstərməkdə davam edəcək. Şirkətin biznesin inkişafı departamentinin rəisi Hikmət Allahverdi "fins" portalına bildirib ki, lisenziyanın dayandırılması ilə əlaqədar olaraq şirkətin məhsullarının satışı dayandırılıb, amma bu, indiyədək bağlanmış sığorta müqavilələrinə təsir etməyəcək: "Lisenziyanın fəaliyyətinin dayandırılması ilə əlaqədar olaraq sığorta məhsullarının satışı dayandırılıb. Amma şirkətin bütün öhdəlikləri davam edir. Hələlik isə "Başak -İnam" indiyədək bağlanan müqavilələrinə uyğun olaraq müştərilərinə xidmətə davam edəcək".
Hikmət Allahverdi bildirib ki, şirkətin nizamnamə kapitalı 6 milyon manat, məcmu kapitalı isə 5 milyon manatdan bir qədər azdır. Maliyyə Nazirliyinin tələblərinə görə isə, məcmu kapital 5 milyon manatdan artıq olmalıdır. Qeyd edək ki, nazirlik kapital tələbini yerinə yetirmək üçün şirkətə 6 ay müddət verib. Şirkət bu müddət ərzində kapital tələbini yerinə yetirə biləcəyini bəyan edir. Hər halda, bunu qarşıdakı dövr göstərəcək. Lakin yuxarıda qeyd olunduğu kimi, sığorta bazarında hazırda çətin bir dövr yaşanır. Sığorta şirkətləri, əvvəlki illərdə olduğu kimi, topladıqları sığorta haqlarını artıra bilmir. Söhbət ondan gedir ki, ötən illərdə 15-20 faiz böyüyən sığorta bazarı bu ilin 9 ayı ərzində cəmi 3,5% böyüyüb. Xüsusən də avtomobil satışı ilə bağlı tətbiq olunan qaydalar burada öz sözünü deyir. Belə ki, avtomobil sığortası üzrə yığımlar azalır, ödənişlər isə kəskin artır. Belə vəziyyət sığorta şirkətlərini daha çox zərərə salır. Ekspertlər də deyir ki, sığorta bazarında yığımların artım tempinin aşağı düşməsi bankların istehlak kreditlərinin verilməsinin məhdudlaşdırılmasıdır. Banklara arxayınlaşıb işləyən sığorta şirkətləri indi çətin vəziyyətə düşüb. Sığorta şirkətləri də etiraf edir ki, bankların avtomobil kreditlərini dayandırması bank sektorundan sonra sığorta bazarına da mənfi təsir etməyə başlayıb. Bazar iştirakçılarının sözlərinə görə, hazırda avtomobillərin könüllü sığorta bazarının böyük hissəsi kreditlə alınan avtomobillərin payına düşür. Orta hesabla, sığortalanan avtomobillərin 70%-dən çoxu kreditlə alınanlardır. Bəzi şirkətlərdə isə kasko sığortanın 90%-ə qədər hissəsi kreditlə alınan avtomobillərin payına düşür. Lakin indi vəziyyət dəyişib. Belə şirkətlər yeni sığorta məhsulları tapa bilməsə, daha böyük maliyyə problemi və beləliklə, bağlanmaq təhlükəsi ilə üzləşməli olacaq.
Əslində, kreditlərlə bağlı edilən bir sıra yeniliklər banklara da sərf etmir. Bilindiyi kimi, artıq tətbiq olunmasına hazırlıq görülən yeniliyə əsasən, bankdan kredit götürənlərə sığorta lazım olarsa, onlar bankın təklif etdiyi sığorta şirkətini deyil, istədikləri sığortaçını seçə biləcək. Bu məqsədlə Mərkəzi Bank əlaqəli satışı məhdudlaşdırmaq niyyətindədir. Bunun üçün həm qanunvericiliyə dəyişiklik olunacaq, həm də ayrıca metodoloji sənədlər hazırlanaraq ilin sonuna qədər banklara göndəriləcək. Azərbaycan təcrübəsində banklar adətən öz müştərilərini əməkdaşlıq etdikləri və yaxud eyni holdinqdə təmsil olunduqları sığorta şirkətlərinə yönəldir. Mərkəzi Bankın məlum qərarından sonra isə banklar yalnız müştərilərə sığortaçı ilə bağlı tövsiyə verə biləcək. Bu addımın əsas məqsədi istehlakçı hüquqlarının qorunmasıdır. Lakin belə vəziyyət bankların və onların əməkdaşlıq etdiyi sığorta şirkətlərinin gəlirlərinin əhəmiyyətli dərəcədə azalması ilə nəticələnəcək.
Mərkəzi Bank tərəfindən bank və sığorta şirkəti arasında sövdələşməni qadağan edən sənəd qüvvəyə mindikdən sonra kredit götürən müştərilər sığortanı yalnız bankın sığorta şirkətindən almaq məcburiyyətində olmayacaq. Bu vəziyyət, banklarla yanaşı, sığorta şirkətlərinə də təsirini göstərəcək.

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...