"LUKoil" ağır maliyyə böhranı ərəfəsində...

Tarix: 06.11.2014 / 08:06
Bölmə: İqtisadiyyat

Həmyerlimiz Vahid Ələkbərovun rəhbərlik etdiyi "LUKoil" neft şirkəti getdikcə daha böyük problemlərlə üzləşməkdədir. Bu isə şirkətin Xəzərdə, həmçinin Azərbaycanda həyata keçirmək istədiyi layihələrin də taleyini sual altına alır. Şirkətin maliyyə ilə bağlı problemləri getdikcə artır. Yeri gəlmişkən qeyd edək ki, Asiya İnkişaf Bankının (AİB) da Azərbaycanın "Şahdəniz" qaz-kondensat yatağının işlənməsinin ikinci mərhələsi çərçivəsində "LUKoil Overseas Shah Deniz" şirkətinə kreditin ayrılması məsələsində müəyyən tərəddüdlərinin olduğu üzə çıxıb.
Bankın prezidenti Takehiko Nakao bununla bağlı bildirib: "İndiki mərhələyədək "LUKoil" a sanksiyalar tətbiq edilməyb. Sözsüz ki, sanksiya məsələlərini yaxından monitorinq etməliyik. Avropa Yenidənqurma və İnkişaf Bankı ilə birlikdə vəziyyəti nəzarətdə saxlamalıyıq". Takehiko Nakao bildirib ki, Asiya İnkişaf Bankı "Şahdəniz -2" layihəsinə böyük əhəmiyyət verir: "Çünki onun Azərbaycan iqtisadiyyatına verəcəyi töhfə çox böyükdür".
Qeyd edək ki, bir müddət əvvəl Asiya İnkişaf Bankı "Şahdəniz-2" layihəsinin əlavə maliyyələşdirilməsi üçün "LUKoil Overseas Shah Deniz" şirkətinə 450 milyon dollar ayırmağa hazır olduğunu açıqlamışdı. Həmin layihə çərçivəsində 20-dən artıq quyunun qazılması, iki özülün tikintisi, sualtı infrastrukturun yaradılması, Səngəçal neft terminalının və Cənubi Qafqaz qaz kəmərinin genişləndirilməsi nəzərdə tutulur. Nəzərdə tutulan vəsaitin ümumi həcmindən 250 milyon dollar Libor dərəcəsi üzrə, yerdə qalan 200 milyon dollar isə əlavə maliyyələşdirmə sxemi üzrə təqdim olunmalı idi. Lakin artıq bu kreditin ayrılması sual altına düşür.
Bundan başqa, Avropa Yenidənqurma və İnkişaf Bankı "LUKoil Overseas Shah Deniz" şirkətinə "Şahdəniz-2" layihəsinin həyata keçirilməsi üçün 380 milyon dollar kredit ayırıb. Lakin bu kreditin də "LUKoil"a çatdırılması ləngiyə bilər. "LUKoil" ətrafında yaranmış vəziyyətə yaxından bələd olan işgüzar dairələrdən "Bloomberg" agentliyinə bildiriblər ki, "LUKoil" neft şirkəti xaricdən təxminən 1 milyard dollar həcmində kredit almaq planlarından imtina etməyə məcbur olub. Səbəb Qərbin Rusiyaya tətbiq etdiyi sanksiyalardır. Mənbə deyib ki, Rusiya neft nəhənginin Qərb banklarından kredit cəlb etməyə göstərdiyi ilk cəhd uğursuzluqla nəticələndiyindən şirkətin prezidenti Vahid Ələkbərov növbəti iri investisiya layihələrini təxirə salmağa məcbur olub. "Bloomberg" bu məlumatı agentliyə verən mənbələrinin adını açıqlamayıb. Agentlik bunu həmin qaynaqların rəsmi informasiyanı açıqlamaq səlahiyyətinə malik olmaması ilə izah edib.
Bundan əvvəl isə "Reuters" agentliyi "LUKoil" şirkətinin beynəlxalq dollar bazarından iri həcmdə kredit cəlb etməyi planlaşdırdığını bildirmişdi. Bu, Rusiya neft nəhənginin sanksiyaların tətbiqindən sonra Qərbdən kredit almağa göstərdiyi ilk cəhd idi. Bankların birindəki mənbə oktyabrın əvvəllərində belə bir məlumat vermişdi ki, sövdələşmə hələ ilkin mərhələdədir və yalnız ilkin müzakirələr gedir. Amma bu müzakirələr yarımçıq və nəticəsiz qaldı. Xatırladaq ki, neft maqnatı Vahid Ələkbərovun sahibi olduğu bu şirkətə geoloji kəşfiyyat və dənizdə neft hasilatı üçün gərək olan Qərb texnologiyalarını almaq qadağası da qoyulub. Bununla belə, Vahid Ələkbərov bildirib ki, "LUKoil" Xəzər dənizi istiqamətində çalışmalarını azaltmayacaq. O, 2015-ci ilin sonundan etibarən Xəzər dənizində çalışmalarını artıracaqlarını bildirib. Lakin şirkətin maliyyə problemləri tam fərqli vəziyyət yarada bilər. Bu durumla üzləşən isə təkcə "LUKoil" deyil. Rusiyanın ən böyük neft şirkəti "Rosneft"in də maliyyə problemləri böyüyür. Şirkətin cari ilin 3-cü rübündə təmiz mənfəəti keçən ilin eyni dövrü ilə müqayisədə 280 dəfə azalaraq 1 milyard rubl təşkil edib. Analitiklər isə şirkətdən 4 milyard rubl xalis zərər gözləyirdilər. 2013-cü ilin 3-cü rübündə "Rosneft" şirkətinin xalis mənfəəti 280 milyard rubl təşkil etmişdi. "Rosneft" mənfətin azalmasını 95 milyard rubl məbləğində məzənnə fərqi ilə izah edib. Şirkətlərin bu durumu Rusiyada yanacaq hasilatına da təsirsiz ötüşmür. Artıq 2014-cü ilin 10 ayı ərzində Rusiyada avtomobil benzini istehsalı keçən ilin analoji dövrü ilə müqayisədə 2% azalaraq 31.4 milyon ton təşkil edib. Oktyabrda benzinin istehsalı 9,2% azalaraq 2.947 milyon ton olub. Rublun dəyərdən düşməsi isə vəziyyəti daha da pisləşdirir. Bu səbəbdən Rusiyanın Mərkəzi Bankı neftin qiymətinin aşağı düşməsi, Qərbin tətbiq etdiyi sanksiyalar səbəbilə hər gün dəyərdən düşən rublu qorumaq üçün faiz artımına gedib. Bank rəhbərliyi faiz nisbətlərini 1,5 bal artıraraq 9,5 faizə yüksəldib. Halbuki, proqnozlar 0,5 faizlik artım ətrafında idi. Qeyd edək ki, rubl ilin ortasından bəri ağırlaşan sanksiyalar və aşağı neft qiymətləri səbəbilə dollar qarşısında 20 faiz dəyər itirib. Mərkəzi Bank rublun dəyər itkisini önləmək üçün son bir ayda bazara 27 milyard dollar təqdim edib. Faiz artımı qərarına baxmayaraq, rublun dəyər itkisi davam edir.

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...