İpoteka Fondu üçün 50 milyon hara, 200 milyon hara...

Tarix: 06.11.2014 / 06:37
Bölmə: İqtisadiyyat

Ramil Osmanlı: "Vətəndaşlara verilən ipoteka kreditlərinin həcmi bütövlükdə 200 milyon manatdan çox olmalıdır"

"Bununla bağlı mütləq yeni qaydalar müəyyənləşdirilməlidir"

Məlum olduğu kimi, İpoteka Fondu 2015-ci ildə sosial ipotekanın verilməsi üçün dövlət büdcəsindən 50 milyon manat məbləğində vəsait alacaq. Bu isə 2014-cü illə müqayisədə 25 faiz çoxdur. 2016-cı ilədək isə İF-ə dövlət büdcəsindən ayrılan vəsaitlərin ümumi həcmi 266 milyon manata çatacaq.
Qeyd edək ki, İF 2005-ci ilin dekabrında yaradılıb və 2006-cı ilin martında ipoteka kreditlərinin verilməsinə başlayıb. Azərbaycanda sosial ipotekanın verilməsinə isə 2007-ci ildən başlanıb və 6 ay davam edib. İF 2009-cu il iyunun 1-dən 28 agent bank vasitəsilə kommersiya şərtləri ilə ipoteka kreditlərinin verilməsi prosesini bərpa edib. Kommersiya şərtləri ilə ipoteka kreditləri dövlət büdcəsi vəsaitlərinin hesabına deyil, fondun öz istiqrazlarını buraxmasından cəlb etdiyi vəsaitlər hesabına verilir. Kommersiya şərtləri ilə ipoteka kreditləri manatla və yalnız Azərbaycan vətəndaşlarına verilir. Kreditlər 3 ildən 25 ilədək müddətə verilir və bu vəsaitin maksimum həcmi 50 min manatı keçməməlidir. Kredit illik 8 faizdən çox olmayan dərəcə ilə verilir. Dövlət büdcəsindən yalnız sosial ipoteka maliyyələşdirilir. Onun maksimal məbləği 50 min manat təşkil edir, illik faiz dərəcəsi 4 faizdən çox deyil.
Bəzi ekspertlərin fikrincə, insanların böyük bir qisminin mənzilə ehtiyacı var. Ona görə də mənzil probleminin ciddi şəkildə həll olunması üçün mənzil proqramı hazırlanmalı və qəbul olunmalıdır. Bu onunla əsaslandırılır ki, 50 milyon manat vəsaitlə 1000-1200 ailə mənzillə təmin oluna bilər. Təkliflərdən biri də ondan ibarətdir ki, bu məqsədlə ayrılan vəsaitin həcmi artırılmalıdır. Ancaq məsələyə fərqli yanaşanlar da var. Hesab olunur ki, vəsaitlərin artırılması inflyasiya yarada bilər.
Maraqlıdır, ekspertlərin gələn il sosial ipoteka üçün 50 milyon manat ayrılmasına münasibəti necədir?
Məsələyə münasibət bildirən əmlak məsələləri üzrə ekspert Ramil Osmanlının fikrincə, sosial ipotekanın həcminin artırılması bazarda ciddi dəyişikliyə səbəb olmayacaq. O bunu onunla əsaslandırır ki, daşınmaz əmlak bazarında əhəmiyyətli dəyişikliklərin olması üçün bu elə də böyük rəqəm deyil: "Vətəndaşlara verilən ipoteka kreditlərinin həcmi bütövlükdə 200 milyon manatdan çox olmalıdır. Eyni zamanda, mənzillərlə yanaşı, digər daşınmaz əmlak, qeyri-yaşayış sahələri, yəni torpaq sahələri də sosial ipotekaya daxil olmalıdır. Nəzərə alaq ki, ilkin bazarla bağlı problemlər hələ də qalmaqdadır. Məsələ ondadır ki, yeni tikililərdə sənəd problemi olduğundan, bu mənzilləri girov qoyaraq almaq mümkün deyil. Digər tərəfdən, xüsusilə paytaxt ərazisində həyata keçirilən iri söküntü işləri nəticəsində daşınmaz əmlak bazarında qiymətlər dəfələrlə artıb. İndi vətəndaşa təklif edilən 50 min manatla ev problemini həll etmək mümkün deyil. Çünki Bakının mənzil bazarında 50 min manata ev yoxdur. Bu baxımdan 2014-cü illə müqayisədə gələn il bu istiqamətə 10 milyon manat artıq vəsaitin nəzərdə tutulması hansısa müsbət dəyişikliyə səbəb olmayacaq.Bu baxımdan hökumət ipoteka proqramını daha da təkmilləşdirməlidir. Bununla bağlı mütləq yeni qaydalar müəyyənləşdirilməlidir".

DİGƏR XƏBƏRLƏR

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...