"Zərdabi Mətbuat Mərkəzi" İB İsmayıllıda Dəyirmi Masa keçirib

Tarix: 09.07.2015 / 02:10
Bölmə: Gündəm

İyulun 6-da İsmayıllı şəhərində "Milli Qəhrəmanların təbliği və media mütəşəkkilliyi: mövcud durum və perspektiv vəzifələr" mövzusunda Dəyirmi Masa keçirilib. "Zərdabi Mətbuat Mərkəzi" İctimai Birliyinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə reallaşdırdığı "Milli-mənəvi dəyərlərimizin qorunmasına dəstək olaraq Milli Qəhrəmanların döyüş yolunun təbliğ olunması" layihəsi çərçivəsində baş tutan tədbirdə rayonda fəaliyyət göstərən idarə, müəssisə və təşkilatların təmsilçiləri, Qarabağ müharibəsi veteranları, ictimaiyyət nümayəndələri iştirak edib.
Heydər Əliyev Mərkəzində baş tutmuş toplantını giriş sözü ilə İsmayıllı rayon İcra Hakimiyyəti başçısının müavini Sevil Əhmədova açaraq jurnalistikanın cəmiyyədəki rolundan danışıb və bildirib ki, bu peşə ona dəyər verən hər bir şəxs üçün cazibədardır. Medianın Milli Qəhrəmanların həyat yolunun təbliğindəki missiyasından danışan S.Əhmədova İsmayıllının da Azərbaycanın qəhrəmanlıq salnaməsində xüsusi önəm kəsb etdiyini vurğulayıb. O qeyd edib ki, rayonda Qarabağ uğrunda döyüşlərin iştirakçısı olmuş yüzlərlə şəxs var. İsmayıllının Milli Qəhrəmanlarının sayı isə ikidir. S.Əhmədova çıxışında, həmçinin, rayonda vətənpərvərlik təbliğatının artırılması ilə bağlı gerçəkləşdirilməkdə olan tədbirlər barədə də məlumat verib, şəhid ailələrinin sistemli qayğı ilə əhatə olunduğunu diqqətə çatdırıb.
"Zərdabi Mətbuat Mərkəzi" İB-nin sədri, "Milli-mənəvi dəyərlərimizin qorunmasına dəstək olaraq Milli Qəhrəmanların döyüş yolunun təbliğ olunması" layihəsinin koordinatoru Rəhim Hüseynzadə bildirib ki, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə gerçəkləşdirilməkdə olan layihə 2015-cü ilin aprel-iyul aylarını əhatə edir. "Bu, layihə çərçivəsindəki sayca üçüncü - sonuncu tədbirimizdir. May ayında Salyanda, iyunda isə Lənkəranda "Milli Qəhrəmanların təbliği və media mütəşəkkilliyi: mövcud durum və perspektiv vəzifələr" mövzusunda Dəyirmi Masalar təşkil etmişik. İsmayıllını növbəti toplantımızın ünvanı seçməyimiz heç də təsadüfi deyil. Bura həm tarixi qəhrəmanlığımızı yaşadan, həm də milli vətənpərvərlik duyğularının hakim kəsildiyi bölgədir. İsmayıllının iki Milli Qəhrəmanı var. Bunlar Mehdi Abbasov və Ərəstun Mahmudovdur. Eyni zamanda bu torpağın yetirməsi olan Bəhyəddin Mirzəyev Sovet İttifaqı Qəhrəmanı adına layiq görülüb. Onların hər biri fəxrimizdir. Media bu adamların təbliğində necə rol oynayır? İstərdim ki, sizlər məsələ ilə bağlı fikirlərinizi, təklif və iradlarınızı bildirəsiniz. Azərbaycanın gələcəkdə də müstəqil dövlət kimi öz varlığını qoruması son dərəcə önəmlidir. Layihəmiz də bu məqsədlə cəmiyyətdə vətənpərvərlik hissinin gücləndirilməsini, Milli Qəhrəmanlarımızın rəşadətli həyat yolunun cəmiyyətə yaxından çatdırılmasını nəzərdə tutan təşəbbüsdür", - deyə R.Hüseynzadə əlavə edib. O, həmçinin, iştirakçıları yenicə çapdan çıxmış "Heydər Əliyev və Azərbaycanın Milli Qəhrəmanları. Müqəddəs amal" kitabı ilə tanış edib.
"Milli-mənəvi dəyərlərimizin qorunmasına dəstək olaraq Milli Qəhrəmanların döyüş yolunun təbliğ olunması" layihəsinin eksperti, Жurnalist Araşdırmaları Mərkəzinin sədri Seymur Verdizadə çıxışında cəmiyyətdə mənəvi dəyərlərin qorunmasının vacibliyini əsaslandırıb. Medianın milli vətənpərvərlik hisslərinin təbliğindəki önəminə dair misallar çəkən ekspert onu da bildirib ki, gənclərin mənəvi tərbiyəsi baxımından onların Milli Qəhrəmanların həyat yolu haqqında ətraflı məlumata malik olmaları vacib şərtdir. "Milli Qəhrəmanların hər biri örnək həyat yolu keçib. Medianın bu yolu tam şəkildə cəmiyyətə çatdırması son dərəcə əhəmiyyətlidir. Hər kəs Mübariz İbrahimovun qəhrəmanlığından xəbərdardır. Təkbaşına düşmənin bir bölük əsgərinə qarşı mübarizə apardı. Onun şücaətindən fəxr duyuruq. Həmin vaxt Mübarizin etdikləri cəmiyyəti silkələmişdi. İnsanlarımız müharibə ovqatına köklənmişdilər. Milli Qəhrəman adı daşıyan övladlarımızın hər birinin döyüş yolu bizdə böyük ruh yüksəkliyi yaradır. Bunu müasir gəncliyin bilməsi son dərəcə vacibdir", - deyən S.Verdizadə Azərbaycan dövlətinin qəhrəman övladlarımızın media müstəvisindəki təbliğinə yönələn layihəyə dəstək verməsini yüksək qiymətləndirib.
Çıxış edənlərdən İsmayıllı Rayon Veteranlar Şurasının sədri Abduləli Əliyev, "İsmayıllı xəbərləri" qəzetinin baş redaktoru Şahməmməd Soltanov, I qrup Qarabağ müharibəsi əlili Əlisahab Əliyev, İsmayıllı Rayon Şəhid Ailələri və Müharibə Veteranları Cəmiyyətinin sədr müavini Kamil Dadaşov, Babadağ Xeyriyyə Cəmiyyətinin sədri Eldar Əliyev, şair-jurnalist İldırım Dəmirli, İsmayıllı İnnovasiya Mərkəzinin əməkdaşı Toğrul Qasımov və başqaları layihənin əhəmiyyətindən söz açaraq cəmiyyətdə vətənpərvərlik hisslərinin təbliğinə hər zaman böyük ehtiyac duyulduğunu bildiriblər. Onlar İsmayıllının Azərbaycanın qəhrəmanlıq tarixindəki rolunu xususi vurğulayıblar. Bildiriblər ki, Böyük Vətən Müharibəsi illərində rayonun 6500 sakini cəbhəyə yollanıb. Rayon Qarabağ döyüşlərində 142 şəhid verib. 131 ismayıllılı müharibə əlili olub. Şəhidlərin xatirəsinə hər zaman böyük ehtiram var. Rayonun Talıstan qəsəbəsindəki bütün küçələr şəhidlərin adını daşıyır. Çıxış edənlər, həmçinin, internetin geniş vüsət aldığı hazırkı şəraitdə texnoloji yeniliklərin mediaya verdiyi imkanların milli vətənpərvərlik təbliğatına cəlb edilməsinin vacibliyini əsaslandırıblar.
Xəbər xidməti

DİGƏR XƏBƏRLƏR

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 20:53

Əliyev bütün dövlətin strategiyasını açdı - “...balansı mütləq dəyişdirməliyik”...

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Prezidentin aqrar müşavirəsi liberal iqtisadiyyat yolunda yeni mərhələ açır...