Anna Qoloveşkinanın mülkiyyətinə sahiblənmək istəyən 7-lərin Rizvan Vahabova qarşı yeni şantaj taktikası...

Tarix: 01.07.2015 / 03:37
Bölmə: Gündəm

Bakının Yasamal rayonunda, Murtuza Muxtarov küçəsi 145 ünvandakı binanın qeyri-yaşayış sahəsinin illərdən bəri 7 vətəndaşla Anna Qoloveşkina adlı həmin mülkiyyətin əsl sahibi olan qadın arasında mübahisə və məhkəmə çəkişməsinin obyekti olduğu barədə çox yazılıb.
Həmin 7 nəfər şəxs əslində Anna Qolovaşkinanın hələ 2007-ci ildə qanuni müqavilə ilə tikinti şirkətindən aldığı qeyri-yaşayış sahəsini qoparmaq və sahiblənmək istəyirlər və bu məqsədlə ən sonuncu, 4-cü məhkəmə prosesi olan Ali Məhkəmənin baxışına qədər mövzunu mətbuatın gündəmindən düşməyə qoymurlar. Sevinc Rəcəbova, Təranə Hüseynova, Anar Əsədov, Vüsalə Xamiyeva, Zamiq Əhmədov, Əhliman Alıyev, Adil Kazımovdan ibarət 7 nəfər vətəndaş hər dəfə ora-burası azacıq texniki dəyişdirilmiş yazılarla mətbuata çıxır və sanki gözlənilən məhkəməni də, mülkiyyətin əsl sahibi Anna Qoloveşkinanı da təzyiq altında saxlamağa çalışırlar. Ən əsası isə odur ki, onlar Anna Qoloveşkinanın adını tək-tək hallarda çəkməklə əsas vurğunu onun kürəkəni, respublikada az-çox tanınan, Neft Kəmərləri İdarəsinin sabiq rəisi, YAP Siyasi Şura üzvü Rizvan Vahabovun adını yeri gəldi-gəlmədi hallandırır, Anna Qoloveşkina ilə mübahisə Murtuza Muxtarov 145 ünvandakı qeyri-yaşayış sahəsinin üstündə olduğu halda, Rizvan Vahabovu başqa-başqa yerlərdə guya saysız obyektlərə, maşınlara, dükan-bazarlara sahib olmaqda, hətta gah Əli Kərimli, gah Cəmil Həsənli ilə guya hansısa əlaqələrə malik olması kimi ağlasığmaz şeylərdə suçlayır, aşkar görüntüdə onu nəyin bahasına olursa-olsun ləkələməyə, gözdən salmağa çalışırlar. Adamlardan, yəqin ki, bir gün kimsə soruşacaq və ya soruşub ki, sizin mübahisəniz mülkiyyətin qanuni sahibi Anna Qoloveşkina ilə olduğu halda Rizvan Vahabovun adını niyə bu qədər hallandırırsınız? Əgər niyyətiniz həmin mülkiyyəti Anna Qoloveşkinanın - qaynanasının adına Rizvan Vahabovun özünün aldığını sübut etməkdirsə, onda biz də soruşa bilərik ki, bu 7 nəfər şəxs öz adlarına çıxmaq istədikləri həmin mübahisəli obyekti hansı pərdəarxası şəxslər üçün alıblar, Rizvan Vahabovu korrupsiyada suçlayanlar və bunu onun Neft Kəmərləri İdarəsində 8 il əvvələdək işləməsi ilə əsaslandırmaq istəyənlər, yəni bu 7 şəxs izah verə bilərmi ki, qiyməti necə yüz min manatlarla ölçülən bu mübahisəli qeyri-yaşayış sahəsinə saydıqları pulları hansı yollarla qazanıblar? Fərz edək ki, Rizvan Vahabovun gəlir mənbəyi işlədiyi neft sahəsi olub, bəs siz bu mübahisəli obyektə saydığınız pulları haradan qazanmısınız? Bəlkə elə sizlər də hələ pərdənin arxasında görünməz qalmaq istəyən kim(lər)insə adından danışaraq ortaya düşmüsünüz?
Göründüyü kimi, obyekti Anna Qoloveşkinanın, yəni Rizvan Vahabovun qaynanasının əlindən çıxarmaq istəyənlərin özlərinə kəskin məntiqli suallar var.
Mətbuatdan bəllidir ki, indiyədək həmin mövzu üzrə keçirilmiş 4 məhkəmənin üçünü Anna Qoloveşkina udub, yəni məhkəmələr sübut ediblər ki, 7 şəxsin Anna Qoloveşkinaya və Rizvan Vahabova qarşı iddiaları əsassız və qanunsuzdur. 5-ci və Ali Məhkəmənin məsələyə son baxışı isə iyunun 19-a təyin olunsa da, qeyri-müəyyən vaxta təxirə salınıb.
İndi həmin 7 iddiaçı, nəinki Anna Qoloveşkina və Rizvan Vahabovu, hətta Ali Məhkəməni də dolayı yolla qınayırlar ki, niyə məhkəməni təxirə salmısınız? halbuki, Ali Məhkəmənin buna hüququ var.
Rizvan Vahabov Ali Məhkəmə sədri deyil ki, prosesi təxirə saldırmaq kimi fantastik imkanlara malik olsun. Ancaq 7-ləri maraqlandıran əsas məsələ odur ki, təxirə salınmış məhkəmə prosesi bərpa olunan tarixədək Rizvan Vahabovun adını media izləyicilərinin gözünün qabağında saxlasınlar, nəyin bahasına olursa olsun, onun adı ətrafında dumanlı və şübhəli görüntü yaratsınlar və beləliklə, gözlənilən son məhkəmənin qərarına təsir göstərsinlər. Əks halda sual olunur ki, təzə bir şey deyə bilmirsinizsə, hər gün eyni şeyləri təkrar edə-edə mətbuata niyə çıxırsınız?
Ancaq 7-lərə sərf etməyən təzə nüanslar var. Daha öncə mətbuatda getmiş məlumatlara görə, Anna Qoloveşkina, yəni Rizvan Vahabovun qaynanası hələ xeyli əvvəl - 2007-ci ildə həmin obyektin müqavilə ilə sahibinə çevrilib.
Üstündən 4 il keçəndən sonra hansısa dələduz(lar) əslində Rizvan Vahabovun qaynanasının rəsmi müqavilə ilə sahibləndiyi obyekti səssiz-səmirsiz həmin 7 şəxsə müqavilə ilə təkrar satıb. Buna Rizvan Vahabov və qaynanası nə etsin? Əslində 7 nəfər şəxsin bu gün "qanuni sənədimiz var" kimi iddialarına baxmayaraq, həmin "qanuni sənəd" deyilən şeylərin özündə saxtakarlıq əlamətləri var. Çünki Anna Qoloveşkinanın qanuni müqavilə mülkiyyətini dörd ildən sonra hansısa yollarla öz adlarına yazdırıblar. Burada Anna Qoloveşkina və Rizvan Vahabova aid heç bir saxtakarlıq və qanunsuzlıq yoxdur, saxtakarlığı həmin 7 nəfər şəxs özləri edib ki, Anna xanıma məxsus müqavilə mülkiyyətini öz adlarına saldırıblar, özü də dörd ildən sonra. Nə yaxşı şey imiş, kiminsə mülkiyyətinin yalnız müqavilə əsasına malik olduğunu əvvəlcədən biləsən və gizli yollarla düzüb-qoşaraq öz adına dörd ildən sonra mülkiyyət sənədləri çıxarasan...
Aşkar görünür ki, məhz bu qaranlıq məqamları nəzərə alan indiyə qədərki üç məhkəmə Anna Qoloveşkinanın, yəni Rizvan Vahabovun qaynanasının xeyrinə ədalətli qətnamə çıxarıb. İddialar var ki, guya Baş Prokurorluğun Korrupsiya ilə mübarizə baş idarəsi Rizvan Vahabovun qaynanasının sənədlərində saxtakarlıq əlamətləri tapıb. Əgər bu doğrudan da belədirsə, onda niyə indiyədək Rizvan Vahabova qarşı hansısa sənədləri saxtalaşdırmaq ittihamı ilə cinayət işi açılmayıb?
Demək, Rizvan Vahabovun qaynanasının sənədlərində qanunsuzluq və saxtakarlıq yoxdu. Mətbuat məlumatlarının təhlili göstərir ki, əslində 7 iddialı tərəf özləri də bilməyə bilməzlər ki, mülkiyyət davasını Rizvan Vahabovun qaynanası ilə yox, Anna Qoloveşkinanın qanuni obyektini 4 ildən sonra ikinci dəfə bu 7 nəfərə satmış dələduzlarla aparmalıdırlar. Ancaq onlar məlum səbəbdən bunu etmirlər, çünki başqasının obyektini dələduzluqla başqalarına ikinci dəfə satmış şəxsin biri ölüb, digəri həbsdədir. Gedib ölüdən və məhbusdan mal-mülk tələb edəsi deyillər ki?!. Odur ki, düşüblər Rizvan Vahabovla qaynanasının üstünə...
Asan qazancın bundan da qısa yolu varmı?...
Sonda onu deyək ki, həmin 7 şəxsin mübahisəli obyektə saydıqları iddia olunan yüz minlərlə vəsaitin mənbəyi məsələsi yəqin çoxlarına maraqlıdır, bu barədə redaksiyamıza müəyyən məlumatlar daxil olub. Növbəti araşdırmalarımızdan biri buna həsr ediləcək.

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...