Əli Həsənov BDU-nun media konfransında beynəlxalq korporasiyaların planları barədə jurnalistlərə xəbərdarlıq etdi

Tarix: 30.06.2015 / 03:49
Bölmə: Gündəm

Böyük dövlətlər Azərbaycanı idarə etmək istəyirlər

Jurnalistlərimiz müstəqil şəkildə qərəzli yazılara tutarlı cavab verə bilir

Dünən Bakı Dövlət Universitetində (BDU) Azərbaycan Milli Mətbuatının 140 illik yubileyinə həsr olunan Azərbaycan Milli Mətbuatı-140: Əkinçi ənənələri və müasir jurnalistika mövzusunda elmi-praktik konfrans keçirilib.
Trendin məlumatına görə, konfransı açan BDU-nun rektoru, akademik Abel Məhərrəmov ilk olaraq I Avropa Oyunlarının çox uğurla baş tutduğunu xatırladıb: 17 gün ərzində baş verən yüksək nailiyyətlərin mediada düzgün işıqlandırılması Əkinçi qəzetindən bu günə qədər davam edən uğur idi. İştirak edən dövlətləri bir tərəfə qoyub, digərlərinə bütün baş verənləri nümayiş etdirmək düşünülən qədər asan deyil. I Avropa Oyunları da bu baxımdan gözəl şərait idi. Odur ki, dövlətçilik fikirlərini dünyaya düzgün şəkildə çatdırmaq lazım idi. Sevindirici haldır ki, bunun da öhdəsindən layiqincə gələ bildik. Bir sözlə, Azərbaycan bu gün Avropa müstəvisində özünü çox gözəl nümayiş etdirə bildi.
Rektor, həmçinin, Azərbaycanın yenidən müstəqilliyinə qovuşduqdan sonra demokratik, hüquqi, dünyəvi dövlət quruculuğunu özünün inkişaf modeli kimi qəbul edən ölkədə söz və mətbuat azadlığının təmin edilməsindən, KİV-in sərbəst fəaliyyətinə yaradılan şəraitdən danışıb.
O deyib ki, ümummilli lider Heydər Əliyevin fərman və sərəncamları ilə mətbuatın maddi-texniki bazası, iqtisadi müstəqilliyi daha da gücləndirilib, jurnalistlərin azad fəaliyyəti üçün əlverişli şərait yaradılıb: Azərbaycan mətbuatının kadr hazırlığı, elmi müstəvidə mətbuatın formalaşdırılması əsas məsələlərdəndir ki, bizim universitetdə bu istiqamət hər zaman əsas götürülüb.
Əksər KİV nümayəndələrinin BDU-nun yetirmələri olduğunu deyən A.Məhərrəmov çıxışının sonunda mətbuat işçilərini təbrik edib.
Azərbaycan Prezidentinin İctimai-siyasi məsələlər üzrə köməkçisi Əli Həsənov ölkə başçısı İlham Əliyevin milli mətbuatımızın 140 illik yubileyi ilə bağlı imzaladığı sərəncamın əhəmiyyətindən danışıb.
Bu tədbirin BDU-da keçirilməsini təsadüfi saymayan Ə.Həsənov bildirib ki, universitet hər zaman mətbuat sahəsində öz töhfələri ilə seçilib, mətbuat tarixinin araşdırılmasında, jurnalist kadrların yetişdirilməsində danılmaz xidmətlər göstərib.
Ə.Həsənov onu da qeyd edib ki, Prezident İlham Əliyevin müvafiq sərəncamına uyğun olaraq, yubiley mərasimləri iyun-iyul və avqust aylarını əhatə edəcək: 3 ay müddətində paytaxt və rayonlarda milli mətbuatın 140 illik yubileyi qeyd olunacaq. Bu zaman kəsiyində mətbuatımızın inkişafı yada salınacaq, mətbuat tarixi təkrar şərh olunacaq. Tanınmış ziyalılar və mətbuatın inkişafında mühüm rolu olan ayrı-ayrı şəxslər yada salınacaq. Eyni zamanda, milli strategiya və platformamızı formlaşadıracağıq. Mətbuatın inkişafında mühüm nailiyyətlər əldə olunmalı və buna müvafiq olaraq jurnalistkanın bugünkü durumunu özündə əks etdirən strategiya hazırlanmalıdır. Elit təbəqə müasir geosiyasətdə yerimizi bilməli, kimlərlə qonşuyuq, xarici və daxili təzyiqlərin nədən qaynaqlandığını bilməlidir.
Müstəqil Azərbaycan mediasının faktiki olaraq təməlini qoyan şəxsiyyətin ulu öndər Heydər Əliyevin olduğunu diqqətə çatdıran Prezidentin köməkçisi Ə.Həsənov bildirib ki, senzuranın ləğvi də buna bariz nümunədir: Milli medianın banisi isə Həsən bəy Zərdabidir. Xalq Cumhuriyyətinin süqutundan sonra müstəqil ölkəmizin mediası yüksələn xətlə inkişaf edib. Müstəqillik illərinin başlanğıcında media sahəsində müəyyən böhran yaşandı. Bu zaman bəzi siyasi qüvvələr özlərinə müəyyən adda mətbuat yaradaq ayrı-ayrı siyasi qüvvələrin tərkibində dövlətimizə qarşı çıxış edirdilər. Lakin çox keçmədi ki, onlar da sıradan çıxdı.
Qanunvericilik sahəsində 1998-ci ildən bu günə qədər mühüm addımlar atılıb. 1995-ci ildə qəbul olunan konstitusiyada söz, fikir və mətbuat azadlığı müddəası yer aldı. 2000-ci ildə isə Mətbuat Şurası yaradıldı. Жurnalistika ilə bağlı normativ və hüquqi sənədləri məhz bu Şura qəbul edir. Nə qədər qərarlar qəbul edilsə də, mətbuatın maddi-texniki bazasının yaxşılaşdırılmasına geniş şəraitin yaradılması xüsusi qeyd edilməlidir. Mediaya güzəştli kreditlərin verilməsi, müəyyən vergilərdən azad edilməsi əsas amillərdən biri idi. 2008-ci ildən mediaya dövlət dəstəyi şəffaf şəkildə həyata keçirilməyə başladı. Çünki əvvəllər bu istiqamətdə müəyyən işlər görülsə də, işlər elə də şəffaf deyildi. Bu gün jurnalistikamız əhalinin informasiya almaq hüququnu tam ödəyir - deyə Ə.Həsənov məsələ ilə bağlı fikirlərinə əlavə edib.
Ə.Həsənov onu da vurğulayıb ki, medaimızın işi bir çox dövlətlərin qəzəbinə səbəb olursa, deməli hər şey düzgün istiqamətdə gedir: Жurnalistlərimiz müstəqil şəkildə Azərbaycan problemlərinin altına öz çiyinlərini verib qərəzli yazılara tutarlı cavab verə bilir. Müasir dünyada o qədər çox standartlar yaranıb ki, Qərb və digər sistemlər obyektiv gerçəkliklə çıxış edərək həqiqəti qəbul etmək istəmirlər. Qərbin təmsil etdiyi transmilli mediada bəlli mərkəzlərin sifarişi əsasında informasiyalar hazırlanır.
Hər bir jurnalist unutmamlıdır ki, o eyni zamanda xalqı, milləti, dövləti təmsil edir. Gündəlik jurnalist fəaliyyətində vətənə bağlılıq hissləri qətiyyən arxa plana keçməməlidir - deyə Əli Həsənov konfransda bildirib.
Ə.Həsənovun sözlərinə görə, müasir dünyada o qədər çox standartlar yaranıb ki, nə nümunəsini Azərbaycanda yaymağa çalışdığımız Qərb, nə də digər bizə nümunə ola biləcək sistemlər bu gün, təəssüf ki, obyektiv gerçəklikdən çıxış edərək vahid standartlar çərçivəsində siyasət formalaşdırır.
PA rəsmisi deyib ki, bu gün dünyada baş verən proseslər heç də Qərb və digər ölkələrin mətbuatında yazıldığı kimi cərəyan etmir: Xalqların çoxu heç də terrorist, vəhşi deyil. Lakin son 10 ildə həmin dövlətlərin başına görün nə oyun açıldı. Öz maraqları çərçivəsində müsəlman ölkələrini nə günə qoydular. Xalqları, millətləri və etnik azlıqları necə bir-birinə qarşı qaldırdılar.
Ə.Həsənov bildirib ki, bu gün dünya ölkələrində siyasi məhbus axtarırlar: Təəssüf ki, bu gün dünyada çox standartlılığın hökm sürdüyü dövrdə Azərbaycan jurnalistikasının bəzi nümayəndələri də onlara dəstək olurlar. Azərbaycan xalqına, dövlətinə qarşı çevrilən əməllərə bu və ya digər yollarla yardım edirlər. Təəssüf edirəm ki, bu gün xarici ölkələrdə məskunlaşan bəzi azərbaycanlı adını, soyadını daşıyan jurnalistlər onların əsas hədəflərinə çevriliblər. Antiazərbaycan şəbəkələri formalaşıb ki, onların fəaliyyəti haqqında məlumatlıyıq.
PA rəsmisinin sözlərinə görə, Azərbaycan mediasının nümayəndələri bu gün kifayət qədər qüdrətə malikdirlər ki, onlara sinə gərsinlər və həmin qüvvələrə Azərbaycan xalqını çaşdırmağa imkan verməsinlər: Siz də bilirsiniz ki, onlar I Avropa Oyunları ərəfəsində bizim başımıza nə oyunlar açmağa çalışdılar?! Düzdür, onlar heç nəyə nail ola bilmədilər. Faktiki olaraq 3-5 adını hüquq müdafiəçisi qoyan təşkilat və şəxsdən başqa dünya ictimaiyyətini antiazərbaycan mövqeyinə qoşa bilmədilər. Onların kruqu maksimum 60-70 nəfəri əhatə edə bilir. Bu qədər şəxslə Qərb antiazərbaycan fəaliyyətini sistemli şəkildə həyata keçirmək istədi, ancaq istəyinə nail ola bilmədi. Sual ortaya çıxır ki, niyə onların dairəsi genişlənmədi? Çünki biz haqlı idik. Onlar haqqa qarşı mübarizə aparmaq istəyirdi.
Gözləri götürmədi ki, 20 illik müstəqillik tarixinə malik olan Azərbaycan bu gün dünyanın keçirə biləcəyi səviyyədə olimpiada keçirə bilir. Bir sözlə, Azərbaycanın cəlbedici obrazı çoxlarını qane etmir və yəqin ki, bundan sonra da etməyəcək. Ona görə də Azərbaycan xalqı, eləcə də aktiv təbəqə olan ziyalılar və jurnalistlər ayıq-sayıq olmalı və bəzi qüvvələrin əməllərini yerindəcə ifşa etməlidirlər.
Bilirik ki, bəzi böyük güclər bir sıra dövlətləri idarə etmək istəyir. Təbii ki, Azərbaycanda həmin dövlətlərin sırasındadır. Bu gün Azərbaycanın bəlli sərvətləri, siyasəti və özünəməxsus maraqları var. Bu maraqları reallaşdırmaq üçün kimlərinsə maraqları qarşısında sədd çəkməliyik. Kiminsə istəyinə yox deməliyik. Bu da onlara sərf etməyəndə Azərbaycanın üzərinə gəlirlər. Sadəcə olaraq böyük dövlətlər Azərbaycanı idarə etmək istəyirlər. Lakin bu gün Prezident İlham Əliyevin sözün həqiqi mənasında Azərbaycan xalqının iradəsinə söykənən müstəqil siyasəti onlara sərf etmir və buna qarşı çıxırlar.
Bundan sonra bizi mühüm qlobal tədbirlər gözləyir. Bu gün ölkəmiz özünün həqiqi ambisiyasını ortaya qoyub. Dünya dövlətlərinin hər biri ilə yarışmağa hazır olduğunu bildirir. Hesab edirəm ki, bu ambisiyaya da bizim əsasımız var. Bugünkü qonaq qarşılama qabiliyyəti və bacarığı ortadadır. Bunu heç kim inkar edə bilməz. Heç kim də bizi aparıb anarxiya, xaos yaratdığı dövlətlərlə eyniləşdirə bilməz. Azərbaycan artıq inkişaf yolundadır və belə də davam edəcək. Təbii ki, bu sahədə medianın rolu da olduqca önəmlidir.
Xəbər xidməti

DİGƏR XƏBƏRLƏR

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 20:53

Əliyev bütün dövlətin strategiyasını açdı - “...balansı mütləq dəyişdirməliyik”...

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Dövlət qulluğu statusu-dövlətçilikdə Azərbaycan brendi...