"Lider" TV-də özünü ingilis turisti kimi qələmə verən gəncin əməlində antimilli tərkiblər...

Tarix: 17.06.2015 / 03:37
Bölmə: Gündəm

Şəmsəddin Əliyev: "Bu gəncin televiziya müxbirini aldatması, yalan danışması Oyunlara müəyyən qədər xələl gətirməyə yönəlib"

Ölkəmizin ev sahibliyi ilə davam edən Bakı-2015 Birinci Avropa Oyunları yerli və xarici medianın diqqətindədir. Oyunları izləmək üçün müxtəlif xarici dövlətlərdən Bakı və Mingəçevir şəhərlərinə saysız turist gəldiyi məlumdur. Bilirik ki, mütəmadi olaraq telekanallarda turistlərin şəhərimiz haqqında təəssüratları təqdim edilir, onlar sahib olduğumuz dəyərlərdən ağızdolusu danışır, heyranlıqlarını bildirir.
İnsanların Avropa Oyunlarına marağı böyükdür və hər bir vətəndaş istəyir ki, Oyunların canlı tamaşaçısına çevrilsin. Bu təbii istəkdir.
Ancaq təəssüflər olsun ki, bəzən vətəndaşlarımız arasında xoşagəlməz addımlar atanlara da rast gəlirik, hətta özünü "ingilis turisti" kimi qələmə verərək bu adla müsahibə verən də var. Məlumat üçün bildirək ki, "Lider" televiziyasının efirində "ingilis turistin" müsahibəsi yayımlanıb. Sonradan məlum olub ki, özünü turist kimi təqdim edən şəxs Cəbrayıl rayonundan məcburi köçkün olan Seymur Səfərov adlı gəncdir. Sözügedən müsahibə sosial şəbəkələrdə geniş müzakirə mövzusuna çevrilib. Bəziləri tamaşaçılara yalan informasiya ötürməkdə və onları aldatmaqda "Lider" televiziyasını, bəziləri isə müsahibə verən şəxsi təqsirləndirir.
Qeyd edək ki, "Lider" televiziyası efirində gedən qalmaqallı məsələyə münasibət bildirib. Telekanalın əməkdaşı özünü xarici vətəndaş kimi təqdim edərək müsahibə verən şəxsi təxribatçı adlandırıb. "Lider" TV-nin Xəbər Departamentinin Sosial və mədəniyyət redaksiyasının rəhbəri Elnur Niftəliyev yerli mətbuata açıqlamasında əsl ad və soyadı Seymur Səfərov olan şəxsin jurnalisti bilərəkdən aldatdığını deyib: "Reportajdakı bu müsahibəyə görə müxbiri yox, məhz həmin bu addımla təxribat yaratmaq istəyən şəxsi qınamaq lazımdır. Жurnalistlər analoji beynəlxalq tədbirlərdə gərgin və sıx rejimdə çalışırlar. Bu qaça-qaçda hansısa vətəndaşın alçaqlıqla məşğul olacağı kimin ağlına gələr?! Qəsdən özünü əcnəbi kimi təqdim edir və sonra bunu məqsədli şəkildə video olaraq yayaraq öz aləmlərində nəyəsə nail olmaq istəyirlər".
Özünü "ingilis turisti" kimi qələmə verən və bununla da televiziya əməkdaşını, tamaşaçıları aldadan S.Səfərovun bu addımı onun vətəndaşlıq vəzifələrinə ziddir. Onun bu davranışını antimilli bir hərəkət, təxribat adlandırmaq olar.
"İngils turisti"nin davranışını pisləyən hüquqşünaslar bildirir ki, S.Səfərov mənəvi məsuliyyət daşıyır. Bilirik ki, Avropa Oyunlarının ölkəmizdə keçirilməsini gözü götürməyən qüvvələr var və sözügedən qüvvələr bu gəncin düşünülmüş, yaxud düşünülməmiş hərəkətindən sui-istifadə edə, "görürsünüzmü, Azərbaycana turist getmir, televiziyalar yerli vətəndaşları turist adı altında efirə çıxarırlar" deyə bilərlər. Burada haqsız olaraq hökumət və yerli media haqqında səhv düşünənlərin əlinə fürsət keçər və düşünülmüş təxribat kimi də qələmə verilə bilər. Ekspertlər bildirir ki, gəncin bu hərəkəti antimilli davranışdır və bununla bağlı tədbir görülməlidir.
Hüquqşünas Azər Allahverənov bizimlə söhbətində jurnalistə "ingilis turisti" adı ilə müsahibə verən gəncin hərəkətlərini qınadığını bildirdi. Onun sözlərinə görə, medianı aldatmaq yolu tutan gənc vicdanının səsinə qulaq asmalı idi. O bildirdi ki, bu sırf o gəncin vicdanı ilə bağlı məsələdir.
Hüquqşünas Şəmsəddin Əliyev də "Bakı-Xəbər"ə açıqlamasında "ingilis turistini" kəskin qınadığını bildirdi. Onun sözlərinə görə, bir azərbaycanlı gəncin, özü də erməni fitnəsi nəticəsində yurd-yuvasından köçkün düşən cavan bir oğlanın Avropa Oyunlarının keçirildiyi zaman belə bir səhvə yol verməsi narahatlıq doğurur: "Mənim bu məsələyə yanaşmam iki cürdür. Birincisi, "ingilis turist" kimi müsahibə verən oğlan məcburi köçkündür, torpağı ermənilər tərəfindən işğal edilib. Bu adamda gərək milli ruh yüksək olsun. Amma o özünü xarici turist kimi qələmə verir. Bu birmənalı olaraq milli ruha xələl gətirən addımdır. Bilirik ki, hazırda bütün dünyanın diqqəti Azərbaycandadır. Odur ki, hər bir vətəndaşımız özünü Azərbaycan dövlətinin mövqeyinə, siyasi xəttinə uyğun aparmalıdır. Bu Oyunların yüksək səviyyədə keçirildiyi məlumdur. Oyunları izləmək üçün şəhərimizə kifayət qədər turist də gəlib, biz onlarla tez-tez rastlaşırıq. Bu gün Azərbaycan dövləti özünün intibah dövrünü yaşayır. Bu gəncin televiziya müxbirini aldatması, yalan danışması bu Oyunlara müəyyən qədər xələl gətirməyə yönəlib. Mən onun bu hərəkəti hansı məqsədlə etdiyini bilmirəm. Bəlkə ingilis turistlərini imitasiya etmək istəyib, bəlkə başqa bir məqsəd güdüb? Amma o, ruhi xəstə deyil, ingilis dilini bilən, danışan, başqasının adından istifadə etməyi bacaran bir gəncdir. O, ciddi şəkildə ictimai qınağa çəkilməlidir. Valideynləri, müəllimləri, ətrafındakı adamlar bu gənci tənbeh etməlidir. Düşünürəm ki, bu gəncin davranışı bir közərtidir, onun qarşısı vaxtında alınmasa, o yanan ocağa çevrilə bilər. Bu gəncin addımı digər gənclər üçün də "örnək" olar. İctimai qınaq vacibdir".
Ş.Əliyev onu da qeyd etdi ki, gəncin məqsəd və niyyətlərini öyrənmək, aşkara çıxarmaq üçün təhqiqata, araşdırmaya ehtiyac var: "Onun niyyət və məqsədini öyrənmək lazımdır, bunun üçün onun hərəkətləri ilə bağlı araşdırma aparılmasına ehtiyac duyulur".

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...