Umud Mirzəyev Dəkkədə Beynəlxalq Yunus Mərkəzinin konfransına qatıldı

Tarix: 02.06.2015 / 02:40
Bölmə: Gündəm

Beynəlxalq Avrasiya Mətbuat Fondunun sədri Umud Mirzəyev 28 May 2015 tarixində Dəkkə şəhərində Nobel Sülh Mükafatı laureatı Məhəmməd Yunusun rəhbərlik etdiyi, Beynəlxalq Yunus Mərkəzinin düzənlədiyi Beynəlxalq Sosial Biznes tədbirinə qatılıb.

Tədbirdə sosial biznesin inkişaf perspektivləri, davamlı inkişafın təmin edilməsi məqsədilə vətəndaş cəmiyyəti təşkilatlarının potensialının artırılması, aztəminatlı insanların ailə gəlirlərinin artırılması yolları, dövlət-vətəndaş cəmiyyəti və icma əsaslı qrupların qarşılıqlı əməkdaşlığının uğur modelləri müzakirə olunub. Tədbiri « Biz iş axtaranlar deyilik, iş yaradanlarıq» devizi ilə açan Nobel Sülh mükafatı laureatı Məhəmməd Yunus iş yerinin yaradıldığı yerdə ilk öncə sosial şəraitin yaradılmasına əmin olmağı əhəmiyyətli hesab etdiyini bildirib. Daha sonra 3 sıfır nəzəriyyəsi haqda danışan M.Yunus «0-yoxsulluq, 0-işsizlik, 0- zərərli istehsal» tezisini bəşəriyyətin davamlı inkişafı üçün nəzəri aspekt hesab etdiyini vurğulayıb. Bunun üçün gənclərin, texnologiyanın, sosial biznesin və doğru idarəçiliyin vacibliyindən danışan Məhəmməd Yunus insanların sürətlə artdığı dünyamızda qlobal problemlərin qarşısının alınması üçün sosial biznesin paralel inkişafını xüsusi qeyd edib. Tədbirdə Nobel Sülh mükafatı laureatı Məhəmməd Yunusla görüşən BAMF-ın sədri Umud Mirzəyev Azərbaycanda sosial biznesin inkişafı istiqamətdə yeni innovativ proqramların tətbiq edilməsi, bu istiqamətdə BAMF-ın peşə təlimləri, icma inkişafı və mikromaliyyə modelinin digər ölkələrdə tətbiqinin uğurlu perspektivlərini qeyd edib. Bununla yanaşı, bu istiqamətdə Azərbaycan Respublikası Prezidentinin yerli sahibkarlara çağırışının əhəmiyyətini vurğulayan Umud Mirzəyev sosial biznesin, sosial missiyanın nailiyyətlər əldə etməsində hökumət, azad sahibkarlıq və vətəndaş cəmiyyəti təşkilatlarının rolunun əhəmiyyətindən danışıb. Görüşdə videomüraciətlə çıxış edən BMT Baş katibinin siyasi əlaqələr və agentliklərarası münasibətlər üzrə müşaviri Tomas Gass inkişaf etmiş və inkişaf etməkdə olan ölkələri gələcək inkişafın qurulmasında, davamlı inkişaf prioritetlərinin gücləndirilməsi üçün sosial biznesə xüsusi önəm verməyə çağırıb. «İqlimin 2 dərəcə dəyişməsi ilə tamamilə dəyişən dünyamızda səylərimizi birləşdirməklə iqtisadi imkanları, insan haqlarını, yaşıl iqtisadiyyatı, sosial həyatı qorumalıyıq» deyən T.Gass bu istiqamətdə dövlət və vətəndaş cəmiyyətinin əməkdaşlığının prioritet olduğunu bildirib. Daha sonra tədbir iştirakçılarına video çağırış edən ABŞ-ın keçmiş prezidenti Bill Klinton nəcib və xeyirxah əməllərə görə M.Yunusa təşəkkür edərək, yoxsulluğun aradan qaldırılması istiqamətində hər bir fərdin əlindən gələni etməli olduğunu vurğulayıb. Bundan sonra çıxış edən məşhur aktrisa Şeron Stoun yaxşıya doğru dəyişən hər şey üçün insanları birliyə və sülhə çağıraraq, bunun üçün risq etməkdən çəkinməməyə səsləyib. Amerikanın Beker Kollecinin rəhbəri Robert Conson dünyanın yeni inkişafında təhsilin, sosial fəaliyyətin və yaradıcı işlərin əhəmiyyətli olduğunu bildirərək, artıq dünyanın aparıcı universitet və kolleclərinin 90 fakültəsində sosial biznes və davamlı inkişaf istiqamətində araşdırmaların aparıldığını qeyd edib. Çıxış edən Malayziya baş nazirinin köməkçisi Tan Şri Şarifa Hafsah dəyişən dünyamızda mənfəətin deyil, davamlı inkişafa nail olmağın prioritetlərindən danışıb. Tədbir panel yığıncaqlarla davam etdirilib. Sosial İnkişaf panelində çıxış edən Yunus Mərkəzinin həmtəsisçisi Saskia Bruyşteyn və Almaniya Gramen yaradıcılıq mərkəzinin təsisçisi Hans Reitz «3 - tezisi» (profit, product, planet) ilə çıxış edib. Daha sonra Mikromaliyyə və sosial biznes panelində çıxış edən Umud Mirzəyev mikromaliyyənin dünyaya göz açdığı ölkədə olduğundan məmnunluğunu bildirib və mikromaliyyə təşkilatlarının fəaliyyətinin davamlı innovativ proseslərlə zənginləşdirilməsinin əhəmiyyətini, maliyyə imkanlarının artırılmasının, borclanmanın aradan qaldırılması üçün sosial biznesin inkişaf etdirilməsinin, təlim və peşə vərdişlərinin artırılmasının əhəmiyyətindən danışıb. Tədbir zamanı Sosial biznesin inkişafı istiqamətində Azərbaycan modeli diqqətlə qarşılanıb. Tədbirdə 27 ölkədən 500 nəfərdən yuxarı insan müxtəlif panellər üzrə müzakirələrə qoşulub. 6-cı Beynəlxalq Sosial Biznes Günü müxtəlif institutların, elmi-tədqiqat mərkəzlərinin, icmaların sosial biznes sərgisi ilə davam etdirilib.

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...