«Polisə Dəstək» Birliyinin insan alveri ilə mübarizənin təhlilində gəldiyi nəticələr...

Tarix: 02.06.2015 / 01:45
Bölmə: Gündəm

İŞİD və Talibana qoşulanlar asan idarə olunur, qurbanlar arasında qadınlar çoxalır...

«Polisə Dəstək» İctimai Birliyi «İnsan alveri ilə mübarizə» mövzusuna dair maarifləndirmə tədbirlərini bölgələrdə davam etdirir. 8 may 2015-ci ildə Lənkəran Dövlət Universitetində, 20 may 2015-ci ildə Azərbaycan Müəllimlər İnstitutunun Şamaxı filialında, 22 may 2015-ci ildə Gəncə Dövlət Universitetində, 29 may 2015-ci ildə isə Azərbaycan Müəllimlər İnstitutunun akt zalında belə tədbirlər keçirilib.

Sonuncu tədbir zamanı İnstitutun rektoru, professor və millət vəkili Aqiyə xanım Naxçıvanlı yığıncağı açaraq, «Polisə Dəstək» İctimai Birliyinin insan alverinə qarşı mübarizə üzrə maarifləndirmə tədbirlərini yüksək dəyərləndirib.

İnstitutun rektoru seminar-mühazirənin tələbələr üçün faydalı olacağını və bu cinayətin qurbanlarının sayının azalması məqsədilə həyata keçirilən maarifləndirmənin səmərəsini qeyd edib: «Azərbaycan Respublikasında İnsan Alveri ilə Mübarizə üzrə Milli Fəaliyyət Proqramı var və bu cinayətlərin qarşısının alınmasında Nazirlər Kabinetinə daxil olan qurumların, QHT-lərin, hətta beynəlxalq təşkilatların və adi vətəndaşların da - sizin kimi gənc tələbələrin də rolu var. Sevindirici haldır ki, «Polisə Dəstək» İctimai Birliyi fəaliyyətini bilavasitə tələbə auditoriyalarında, polis əməkdaşlarının və KİV-in iştirakını təmin etməklə qurur. Qarşılıqlı əlaqənin olması insan alverinə qarşı daxil olan məlumatların realizə olunmasına imkan verir.

Sonra təşkilatın sədri Şəmsəddin Əliyev DİN-nin İnsan Alverinə Qarşı Mübarizə Baş İdarəsinin statistik rəqəmlərini iştirakçıların diqqətinə çatdırıb: «Qurbanların sırasında qadınların sayının artımla müşahidə edilməsi narahatlıq doğursa da, onların cəmiyyətə qaytarılması üçün dövlət tərəfindən reabilitasiya xarakterli addımlar atılır. Bütövlükdə, bu cinayətlərlə mübarizə güclənib, əvvəlki illərlə müqayisədə faktların aşkar edilməsi dinamikada öz əksini tapıb. Qənaətimə görə, Əfqanıstan talibanları və Pakistandakı savadsız destruktiv qüvvələr, İŞİD məhz səviyyələrinə görə asan idarə olunur, ələ alınır və törədilən transmilli cinayətlər beynəlxalq aləmdə sülh üçün təhlükə yaradır. Bu baxımdan maarifləndirmə işi təhsil səviyyəsi ilə sıx bağlı olduğundan, tədris proqramlarında hüquqi mövzulara diqqət artırılmalıdır».

İnsan alverində qırmızı xətt kimi keçən qul əməyindən istifadə əsasən ağır bədən xəsarətləri yetirmə, döymə, azadlığın məhdudlaşdırılması, hədələr, rişxənd, lağa qoyma və təhqirlə müşayiət edilir.

İnsan alverinə təsir edən səbəblərdən biri də işsizlikdir. Gənclərin təxminən 65%-i yüksək əməkhaqqı olan işlərə getməyə üstünlük verir. Bu mənada yeniyetmələrin əksər qrupu təklif edilən «yüksək əməkhaqqı» vədini fikirləşmədən qəbul edir və belə şəxslərin qeyri-nikbin ovqatla yaşaması, gələcəyə və özünə inanmaması köləliyə məruz qalmağa imkan yaradır.

ƏSMN-nin Baş Məşğulluq İdarəsinin məlumatına görə, Azərbaycanda rəsmi qeydiyyatda 39.951 nəfər işsiz var və işsizliyə görə onlara müvafiq müavinət verilir. Qeyri-rəsmi məlumata görə isə, ölkədə 265 min nəfər işsiz kimi qeydiyyatdadır, onun 1479 nəfərinə işsiz statusu verilməklə müavinət təyin edilib. Əmək qabiliyyətinə malik olanların və əhalinin ümumi sayına nisbətdə çox kiçik bir zümrə işsizdir. Başqa ölkələrlə müqayisədə vəziyyət kritik deyil.

Müasir Avstriyada, Danimarkada, Almaniyada və Yaponiyada əmək qabiliyyəti olanların sırasında işsizlərin sayı 10%, Fransa, Afina, İtaliya, Polşa və İspaniyada 35% təşkil edir. İşsizlikdən əziyyət çəkənləri yaş həddinə görə bölsək, bunlar daha çox 25 yaşınadək olan gənclərdir.

Azərbaycanda isə işsizlərin sayı 5% təşkil edir. Regionların sosial-iqtisadi inkişafı üzrə dövlət proqramının uğurla həyata keçirilməsi nəticəsində işsizliyin səviyyəsi hər il aşağı düşür. 100 mindən çox iş yerləri açılıb, onun 80 mini daimi iş yerləridir və s.

Bütün bunlar Azərbaycanda insan alveri ilə bağlı risqli formaların aradan qaldırılmasına imkan verir.

DİN-in İnsan Alverinə Qarşı Mübarizə Baş İdarəsinin 2014-cü il ərzində həyata keçirdiyi preventiv tədbirlər nəticəsində 97 cinayət faktı aşkar edilib. Bu, 2013-cü illə müqayisədə 21% çoxdur. Ötən il ərzində 18 cinayət işi üzrə 26 nəfər cinayət məsuliyyətinə cəlb edilib. 9 cinayət qrupundan ibarət bir mütəşəkkil dəstə ifşa edilərək zərərsizləşdirilib.

Beynəlxalq aləmdə insan alveri qurbanları arasında qadınların çoxluğu işsizlik probleminin həllində səthi yanaşmalar, ailə çətinlikləri, gender bərabərsizliyi, savadsızlıq və yaxud təhsilin, peşənin olmaması və s. ilə əlaqələndirilir. İnkişaf etmiş ölkələrdə kişilərə nisbətən qadın işsizlərin sayı 10-12% çoxdur. Bu, Şimali Avropa ölkələrində, İtaliya, İspaniya, Yunanıstan, Portuqaliya və s. ölkələrdə mövcuddur.

Dünyada miqrasiya dairəsinin genişlənməsi də insan alverinə aparan qısa və asan bir yoldur.

İnsan alverinə qarşı mübarizənin əsas məqsədi müəyyən qisim insanların köləliyə xas tərzdə yaşamalarının qarşısını almaq, cəmiyyəti təhlükəsiz, ədalətli və vahid vətəndaş cəmiyyətinə çevirmək, sosial ədalətin yeganə təminatçısı olan məhkəmə hakimiyyətinin nüfuzunu və etibarını təsdiqləmək, belə cinayətlərlə mübarizədə ictimai fəallığın artırılmasına nail olmaq, cəzanın labüdlüyünü və məqsədini prinsipiallıqla reallaşdırmaqdan ibarətdir.

Sonda İnstitutun rektoru Aqiyə xanım seminar-mühazirəni yekunlaşdıraraq bildirib ki, cəmiyyət də, qurbanlar da insan alverinin təhlükəsi barədə məlumatları yalnız KİV-dən alır, onu nəzəri cəhətdən formal bir həcmdə qəbul edir: «Ona görə də bu barədə müfəssəl anlayışları olmur. Şəmsəddin Əliyevin mühazirə xarakterli məlumatı geniş və əhatəli olduğundan, düşünürəm ki, gənclərimiz bundan faydalanacaq».

Təşkilatın sədri: Şəmsəddin Əliyev

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...