Azərbaycanın Qırğızıstandakı Səfirliyi Heydər Əliyevin ad günü ilə bağlı silsilə tədbirlər keçirib

Tarix: 13.05.2015 / 01:42
Bölmə: Gündəm

Azərbaycanın Qırğızıstandakı Səfirliyi ulu öndər Heydər Əliyevin ad günü ilə bağlı silsilə tədbirlər həyata keçirib. Bu ilin may ayının 10-da Azərbaycanın Qırğızstandakı Səfirliyinin və "Azəri" İctimai Birliyinin birgə təşəbbüsü ilə Qırğızıstanın Kant şəhərində Heydər Əliyevin adını daşıyan küçədə iməcilik təşkil olunub.
Ulu öndər Heydər Əliyevin iki qardaş Azərbaycan və Qırğız xalqlarının dostluq əlaqələrinin möhkəmləndirilməsində misilsiz xidmətləri və Qırğız Xalqı Assambleyasına daxil olan "Azəri" İctimai Birliyinin müraciəti nəzərə alınaraq, 2014-cü ilin may ayının 16-da Kant şəhərinin Keneşinin (Parlamentinin) 15-ci növbədənkənar sessiyasının Qərarı ilə Kant şəhərinin Miçurin küçəsinin adı dəyişilərək burada Heydər Əliyev adı verilib.
İməcilikdə Azərbaycan Respublikasının Qırğız Respublikasında fövqəladə və səlahiyyətli səfiri Hidayət Orucov, Kant şəhərinin rəhbərləri, ictimai-siyasi xadimlər, bu ölkədəki Azərbaycan diasporunun üzvləri, Qırğızıstanın kütləvi informasiya vasitələrinin təmsilçiləri və bu küçədə yaşayan sakinlər iştirak edib.
İməcilik başlamazdan öncə ulu öndərin anadan olmasının 92-ci illiyinə həsr olunmuş mitinq keçirib. Mitinqi "Azəri" İctimai Birliyinin sədri Əzizağa Əliyev açıb.
Sonra çıxış edən səfir Hidayət Orucov ümummilli lider Heydər Əliyevin şərəfli ömür yolu, Azərbaycanın tarixindəki müstəsna rolu haqqında məlumat verərək, ulu öndərin həm keçmiş SSRİ dövründə, həm də müstəqillik illərində respublikamıza rəhbərlik etdiyi illərdə əldə olunan uğurlardan danışıb. Ümummilli lider Heydər Əliyevin keçmiş SSRİ-nin rəhbərlərindən biri olduğunu diqqətə çatdıran səfir ulu öndəri dünya şöhrətli siyasi xadim, böyük nüfuza malik olan dövlət xadimi kimi xarakterizə edib.
Bildirib ki, ulu öndər Heydər Əliyevin müstəqil Azərbaycan dövlətinin və dövlətçiliyinin möhkəmləndirilməsi istiqamətində müstəsna xidmətləri olub.
Səfir böyük dövlət xadimi Heydər Əliyevin qırğız xalqına da xüsusi diqqət və məhəbbət ilə yanaşdığını dilə gətirib.
Açılışda çıxış edənlər Kant şəhər Keneşinin (Parlamentinin) sədrinin müavini Gülbayram İbrahimovna, Kant şəhərinin vitse-meri Uran Mirbekov, "Azəri" İctimai birliyinin sədri Əzizağa Əliyev və Azərbaycan Respublikası nəqliyyat nazirinin müşaviri Çingiz Baxşıyev dahi rəhbər Heydər Əliyevin fenomen bir şəxsiyyət olmasından, onun təkcə Azərbaycan xalqı deyil, bütövlükdə türk dünyası qarşısındakı xidmətlərindən söhbət açıblar.
Sonda çıxış edən Heydər Əliyev adına küçənin sakini Raisa İbraimova Azərbaycan səfirinə bütün sakinlər adından göstərilən diqqət və qayğıya görə təşəkkürü bildirib və gül dəstələri hədiyyə edib.
İməcilik çərçivəsində küçədə yerləşən bütün qapılar və bacalar boyanıb, təmizlik işləri aparılıb, uşaq istirahət yerləri bərpa edilib.
Silsilə tədbirlər çərçivəsində bu ilin may ayının 6-da Qırğızıstanın "Piramida" televiziya kanalınında ulu öndər Heydər Əliyevdən bəhs edən, Rusiyanın tanınmış rejissoru Andrey Konçalovskinin çəkdiyi "Hakimiyyətin yükü" adlı filmi nümayiş etdirilib.
May ayının 10-da filmin 1-ci hissəsi, 11-də isə 2-ci hissəsi Qırğız Respublikasının dövlət televiziya kanalı olan "KTRK"-da nümayiş olunub.
Məlum olduğu kimi, ikihissəli filmdə ulu öndər Heydər Əliyevin həyat və fəaliyyəti, milli təhlükəsizlik orqanlarında işlədiyi dövr haqqında söhbət açılır. Filmdə ulu öndərin 1969-cu ildən 1982-ci ilədək Azərbaycana rəhbərlik etdiyi, eləcə də Moskvada işlədiyi dövr də əhatə olunub.
Kino əsərində, həmçinin, dünya şöhrətli siyasi xadim Heydər Əliyevin müstəqil Azərbaycanda yenidən hakimiyyətə qayıtması, ölkəni böhrandan xilas etməsi, Azərbaycan həqiqətlərinin dünyaya çatdırılması, Ermənistan-Azərbaycan, Dağlıq Qarabağ münaqişəsində atəşkəs elan olunmasındakı xidmətləri və digər məsələlər sənədli təsvirlərin dili ilə şərh edilir.
Ulu öndər Heydər Əliyevin anadan olmasının 92-ci ilinə həsr olunmuş silsilə tədbirlər çərçivəsində Azərbaycan Respublikasının Qırğız Respublikasında fövqəladə və səlahiyyətli səfiri Hidayət Orucovun Qırğızıstanın rəsmi dövlət qəzeti olan "Kırqız Tuusu" qəzetinin 2015-ci ilin may ayının 5-də çap olunan 35-ci sayında "Dövlət başçısı olmaq - vəzifədir, liderlik isə - alın yazısıdır" adlı məqaləsi çap olunub.
May ayının 11-də çap olunan Qırğızıstanın ən çox oxucu kütləsinə sahib "Veçernıy Bişkek" qəzetinin növbəti sayında isə eyni adlı məqalə rus dilində dərc edilib.
Məqalədə bildirilir ki, müasir Azərbaycanın memarı olan Heydər Əliyev dövlət institutlarını təkmilləşdirdi, çox ehtiyac duyulan xarici əlaqələrimiz genişləndi, hərtərəfli enerji strategiyası reallaşdı və ölkənin uzunmüddətli inkişafının təməli qoyuldu. Ulu öndər Heydər Əliyevin Azərbaycan dövlətçiliyinin möhkəmləndirilməsinə yönəlmiş strategiyası onun layiqli davamçısı Prezident İlham Əliyev tərəfindən hazırda uğurla davam etdirilir.
Ermənistan-Azərbaycan, Dağlıq Qarabağ münaqişəsinin sülh yolu ilə həlli istiqamətində Heydər Əliyevin təşəbbüslərindən danışan səfir deyib ki, BMT Təhlükəsizlik Şurası Ermənistan hərbi qüvvələrinin işğal olunmuş Azərbaycan torpaqlarından qeyd-şərtsiz çıxarılması, məcburi köçkünlərin ev-eşiklərinə qaytarılması ilə əlaqədar dörd qətnamə qəbul edib. Lakin işğalçı Ermənistan dövləti hələ də bu sənədlərin tələblərini yerinə yetirmir və bununla da dünya ictimaiyyətinə meydan oxuyur.
Diplomat bildirib: "Ulu öndər Heydər Əliyev deyirdi: Manasın dili - bizim ümumi dilimizdir. Biz kökü bir, dili bir olan xalqlarıq".
Xəbər xidməti

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...