"Bakı-2015: Birinci Avropa Oyunlarına Dəstək" Vətəndaş Cəmiyyətləri Koalisiyası Beynəlxalq Mətbuat Mərkəzində "Antiazərbaycan qüvvələr: olduqları və göründükləri kimi" mövzusunda daha bir dinləmə keçirib. Tədbirdə millət vəkilləri, aparığı KİV rəhbərləri, QHT nümayəndələri, politoloqlar və digər qonaqlar iştirak edirlər iştirak ediblər.
Tədbiri giriş sözü ilə açan Koalisiyanın koordinatoru Rufiz Qonaqov Avropa Oyunları yaxınlaşdıqca artan qarayaxma kampaniyasına diqqət çəkib: "Dünən də bu mövzuda ABŞ-ın bəzi qurumları məkrli siyasətlərini davam etdirdilər. Biz qərara gəldik ki, onların adını açıqlamalıyıq və koalisiya üzvlərinin bu məsələdə fikirlərini öyrənməliyik”
"Qərb ölkələrində aparılan antiazərbaycan kampaniyasının səbəbləri və mahiyyəti mövzusunda" çıxış edən "Xalq Cəbhəsi" qəzetinin baş redaktoru və Beymedia İnformasiya Agentliyinin baş direktoru Elçin Mirzəbəyli bu hücumların əsas hədəfinin ciddi idman yarışı ərəfəsində əsas diqqəti hədəfdən yayındırmaq, ölkədə gərginlik yaratmaq olduğunu bildirib: O, bildirib ki, artıq xeyli vaxtdır bəzi xarici mətbu orqanlarda qarayaxma kampaniyası çərçivəsində yazılar dərc olunur: "İlk Avropa Oyunları Azərbaycanda keçirildiyinə görə onun standartları da burada məlum olacaq. Bu Oyunlar dünyanın müxtəlif ölkələrindən Azərbaycana səfər edənlərin ölkəmizi tanımasına, həmçinin ölkəmizin iqtisadi inkişafının təbliğinə imkan yaradacaq. Bununla yanaşı, erməni diasporunun ölkəmiz haqqında apardığı yalan məlumatları ifşa edəcək".
E.Mirzəbəyli qeyd edib ki, Ermənistan və onun dəstəkçiləri yaranmış vəziyyətdən istifadə edərək I Avropa Oyunlarının keçirilməsindən ölkəmizə qarşı qarayaxma kampaniyası kimi istifadə edirlər.
O deyib ki, bu hücumların daha bir səbəbi isə I Avropa Oyunları ərəfəsində ölkəmizi nüfuzdan salmağa çalışmaqdır: "Bu prosesin arxasında duranlar Ermənistan, erməni diasporu və onların dəstəkçiləridir”.
E.Mirzəbəyli, həmçinin ABŞ dövlət katibi Con Kerriyə ünvanlanmış məktuba imza atan şəxslərin kimliyi barədə də məlumatlar verib.
Hüquq müdafiəçisi Sahib Məmmədov isə çıxışında Avropadakı azadlıqlara nəzər salaraq, əslində bu azadlıqların Avropanın özündə də tam təmin olunmadığını konkret faktlarla tədbir iştirakçılarının diqqətinə çatdırıb: : "Avropada sərbəst toplaşmaq azadlığı qanunvericilikdə nəzərdə tutulmuş şəkildə tam təmin olunmayıb. Azərbaycanda isə söz və mətbuat azadlığı, insan hüquqları təmin olunur”.
"Olaylar” qəzetinin baş redaktoru Yunus Oğuz qeyd edib ki, beynəlxalq təşkilatların Azərbaycan qarşı kampaniya aparmasında məqsəd ölkənin müstəqil siyasətinə kölgə salmaqdır. O bildirib ki, bütün bunlar daha çox Qərbin ikili standartlarından irəli gəlir: "Məsələn, Dağlıq Qarabağla, Krıma yanaşma eyni deyil. Dağlıq Qarabağı illərdir, işğal edən Ermənistana qarşı heç bir sanksiya tətbiq olunmur, amma Rusiya ilə bağlı tədbirlər görülür. Azərbaycanın balanslaşdırılmış siyasət yeritdiyindən, Qərbin bu ikili standartları ilə barışmır”.
Sonra məruzə ətrafında çıxışlar edilib.
"Ekonomiks” Beynəlxalq İqtisadi Araşdırmalar Mərkəzinin sədri Fikrət Yusifov bildirib ki, Azərbaycana qarşı beynəlxalq təşkilatlar tərəfindən təzyiqlər Avropa Oyunlarından sonra da davam edəcək.
"İki Sahil” qəzetinin baş redaktoru Vüqar Rəhimzadə isə Azərbaycanın qısa müddət ərzində Avropa Oyunlarına hazırlıqla bağlı böyük işlər gördüyünü qeyd edib.
Sonda Koalisiyanın koordinatoru Aydın Quliyev yekun cıxış edib.
