Odessada dörd azərbaycanlı tələbənin güllələnməsi şübhələrə yol açıb

Tarix: 05.05.2015 / 02:28
Bölmə: Gündəm

Samir Adıgözəlli: "Odessa şəhərinin rəhbərliyinə və hüquq-mühafizə orqanlarına işin obyektiv araşdırılması ilə bağlı məktub da ünvanlamışıq"

"Diaspor nümayəndələrimizlə əlaqə saxlamışıq və onlara məsələni nəzarətdə saxlamaqla bağlı tapşırıq vermişik"

Mayın 1-nə keçən gecə Odessanın Lev Tolstoy meydanında İ.Meçnikov adına Odessa Milli Universitetinin sərxoş tələbələri arasında münaqişə baş verib və nəticədə dörd əcnəbi tələbə güllə yarası alıb. "Bakı-Xəbər"in məlumatına görə, bu xəbəri Ukrayna KİV-i yayıb.
Bildirilir ki, bu barədə hüquq-mühafizə orqanlarındakı mənbə məlumat verib.
Milisdən qeyd ediblər ki, atışma bolqar və azərbaycanlı gənclərin mübahisəsinin yekunu olub. Mübahisə zamanı bolqar tələbə qaçıb və həmyerlilərimiz onu təqib etməyə başlayıb. Daha sonra bolqar tələbə üzərində səsboğucu olan döyüş tapançası ilə arxasınca gələnlərə bir neçə dəfə atəş açıb.
Mənbənin məlumatına görə, insident nəticəsində 4 azərbaycanlı tələbə omba, qarın, çiyin və əl nahiyələrindən güllə yaraları alıblar.
İstintaq zamanı müəyyən edilib ki, bolqar tələbə silahı Ukrayna ərazisinə qanunsuz olaraq keçirib.
Qeyd edək ki, son vaxtlar xarici ölkələrdə azərbaycanlı tələbələrə yönəlik kriminal xarakterli hərəkətlərə tez-tez rast gəlinir. Bəzən bunları təsadüf kimi də qəbul edirik. Ancaq Odessada baş verən hadisə təsadüfdən çox bizi başqa versiyaların üzərində düşünməyə vadar edir. Birdən-birə 4 tələbənin güllələnməsinin arxasında başqa hansı motivlər dura bilər?
Beynəlxalq Diaspor Mərkəzinin aparat rəhbəri Samir Adıgözəlli qəzetimizə açıqlamasında bildirdi ki, Odessada baş verən hadisə onları bərk narahat edib: "Qeyd edim ki, BDM-in mətbuat xidməti KİV-i yaxından izləyir. Eyni zamanda, belə hadisələrlə bağlı bizim regional nümayəndəliklərimizdən mərkəzi aparata məlumat verilir. Biz beynəlxalq mətbuatda azərbaycanlıların təqib edilməsilə bağlı çıxan xəbərləri dərhal nəzarətə götürürük. Çox sağ olun ki, sizin qəzet də soydaşlarımızın probleminə ən böyük diqqəti ayırır. Hansısa ölkədə soydaşlarımızla bağlı yaşanan xoşagəlməzliklərin bizim mediada işıqlandırılması işin gedişinə müsbət təsir edir. Praktikadan bunu çox görmüşük. Odessada baş verən hadisə ilə bağlı oradakı diaspor nümayəndələrimizlə əlaqə saxlamışıq və onlara məsələni nəzarətdə saxlamaqla bağlı tapşırıq vermişik. Bilirsiniz ki, hazırda Ukraynada böyük geosiyasi maraqlar uğrunda savaş gedir. Ola bilər ki, bəzi dairələrə azərbaycanlıların Ukrayna ərazisindəki fəaliyyəti sərf etmir. Bu cür vasitələrlə soydaşlarımızı aktivlikdən çəkindirmək istəyirlər. Maraqlıdır ki, tələbələr arasında olan davada odlu silahdan istifadə olunub. Adətən belə güllələnmə hallarına kriminal "razborka"larda təsadüf olunur. Hazırda istintaq gedir. Qabaqcadan heç nə deyə bilmərik. Ancaq Odessa şəhərinin rəhbərliyinə və hüquq-mühafizə orqanlarına işin obyektiv araşdırılması ilə bağlı məktub da ünvanlamışıq".

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...