Çanaqqala Zəfəri - 100

Tarix: 04.05.2015 / 03:52
Bölmə: Gündəm

Zəfərin mübarək, Türkiyəm, sənə zəfərlər yaraşır!

Bütün Türk dünyasının səbrsizliklə gözlədiyi 2015-ci ilin aprel ayı artıq tarixə qovuşdu. Ancaq bu ayda yaşadığımız sevinc və qürur hissləri, yəqin ki, hələ uzun müddət bizləri tərk etməyəcək. Türkün tarixinə yazılan Çanaqqala Zəfərinin böyük coşqu ilə keçən 100 illik yubileyini unutmaqmı olar? Axı bu günün sevincini məhz əfsanəvi Zəfərin əldə olunduğu torpaqlarda yaşamaq hər kəsə nəsib olan bir hadisə deyildi...
Ötən ilin sonlarında Azərbaycan Prezidenti İlham Əliyev Türkiyə Cumhuriyyətinə səfəri zamanı Cumhurbaşqanı Rəcəb Tayyib Ərdoğanla birgə çox gözəl bir təkliflə çıxış etdilər - Çanaqqala Zəfərinin 100-cü ildönümünü 2015-ci ilin 24 aprelində qeyd etmək. İki ölkə başçısı arasında əldə olunan bu razılaşma isə olduqca mühüm bir məqsədi hədəfləyirdi - Ermənistanın illərdən bəri hazırlaşdığı, tımsah göz yaşları ilə dünyaya sırımağa çalışdığı saxta "genosid"in 100 illiyi ilə bağlı planlarını suya düşürmək, dünya dövlətləri liderlərini seçim qarşısında qoymaqla Türk dünyasının dostunun və düşməninin kim olduğunu bir daha gözlər önünə sərmək. Nəticələr sübut etdi ki, bu doğru seçim idi. Çanaqqalada baş tutan möhtəşəm tədbir, dünya dövlətlərindən bu tədbirə qatılan rəsmilərin say tərkibi göstərdi ki, dövlətlərarası münasibətlərdə zaman-zaman ikili standartlar ortaya çıxsa da, sonda çoxluq yenə haqqın yanında bərqərar olur.
Çanaqqala Zəfərinin 100 illiyinin keçiriləcəyi tarix bəlli olduğu gündən Azərbaycanda bəlkə də hər beş nəfərdən biri bu törənin canlı şahidi olmaq, böyük qanlar və qurbanlar bahasına qazanılmış bu Zəfərin əldə olunduğu o torpaqlara ayaq basmaq, səmasında minlərlə şəhid ruhu dolaşan yerlərin havasını udmaq arzusunda idi. Türk İşbirligi və Koordinasion Ajansının (TİKA) dəstəyi, Türkiyə Cumhuriyyətinin Azərbaycandakı Böyükelçiliyinin təşkilatçılığı ilə təmsil olunduğum jurnalistlərdən ibarət kiçik bir qrup bu şansı əldə edənlər sırasında idi. Qrupumuz ən müxtəlif media orqanlarından olan jurnalistlərdən- Yevlax şəhərində çıxan "Kür" qəzetinin baş redaktoru Əminə Yusifqızı, Milli Məclis dərgisinin baş redaktoru Ülviyyə Abdullayeva, Жurnalist Qadınlar Assosiasiyasınin rəhbəri Sevil Yusifova, politoloq Elxan Şahinoğlu, araşdırmaçı-jurnalist Rəsmiyyə Qarayeva, axar.az saytının müxbiri Fərqanə Allahverdiqızı, İTV-nin xəbərlər departamentindən Sərvər Bayramov, kameraman Famil Acalov, Azad Azərbaycan Televiziyasından Əsmər Nəcməddinqızı və kameraman Ataş Vəliyevdən ibarət idi. Ayın 23-ü İstanbulda təyyarədən düşdüyümüzdə Azərbaycandan olan bir sıra millət vəkillərinin, media mənsubları və QHT nümayəndələrinin də təntənələrə qatılmaq üçün buraya gəldiyini gördük. Həm sevincli, həm də həyəcanlı idik. Zarafat deyildi - tarixi bir günə şahidlik edəcəkdik. Bəlkə də o gecə otel odalarında uyuyan hər kəs yuxusunda 100 il öncə necə canlar aparmış o dəhşətli döyüşün fraqmentlərini gördü. Elə o ovqatla da səhər saat 06:00 radələrində Çanaqqalaya doğru yola çıxdıq. Erkən olmasına baxmayaraq, heç kəsin gözündə yuxu yox idi. TİKA nümayəndələrinin rəhbərliyi ilə bizə ayrılmış mikroavtobusla 300 kilometrlik yol qət edib iskələyə (kiçik liman) yetişdik. Buradan feribotla (bərə) dənizi keçib qarşı sahilə yan alacaqdıq. Hava elə gözəl, dəniz elə mavi idi ki... Bu mavilikdə hər kəsin gözləri bir nöqtəyə dikilmişdi - xəyal bizi 100 il öncəyə aparmışdı. Təsəvvürümüzdə bu yerlərdə gedən döyüşləri canlandırmağa çalışırdıq. Bu əsnada sularda üzən "Aqamemnon", "İnfexible" gəmilərini görməyimiz əsl sürpriz oldu və özümüzü bir anlıq həqiqi döyüş bölgəsində hiss etdik. Sanki bu an bu gəmilər üzərindəki toplardan atəş açaraq düşmənin canına vəlvələ salacaqdı. Sən demə, bu gəmilər simvolik xarakter daşıyırmış və tədbirlərə əlavə çalar qatmaq üçün düşünülübmüş...
Buradakı insan selini isə sözlə təsvir eləmək mümkün deyil. Təkcə Malayziyadan törənlərə qatılmaq üçün 11 min ziyarətçi gəlmişdi ki, onların şəhid babalarının ruhuna dua oxumaqdan ötrü səhər erkəndən "şəfəq ayini" deyilən xüsusi ritual icra edəcəkləri bildirilirdi. Yerli sakinlərin sözlərinə görə, bu ayinin icrası üçün hər il çoxlu sayda anzak bu yerlərə üz tutur və bütün gecəni təbiətin qoynunda keçirir.
Qonaqlarla ünsiyyət zamanı onu da öyrəndik ki, o zaman Türk ordusuna qarşı vuruşaraq şəhid olanların da nəvə-nəticələri hər il Çanaqqala savaşının ildönümündə buraya gələrək babalarının xatirəsini anır. Yəni Türkiyə dövləti heç bir fərq qoymadan bütün Çanaqqala şəhidlərinin xatirəsinə sayğı nümayiş etdirir ki, bunun özü Türkün böyüklüyündən, dəyərlərə sayğılı davranışından xəbər verir. Bu yerdə böyük Atatürkün sözlərini xatırladım":Onlar bizim düşmənlərimiz idi, lakin şəhid oldularsa, artıq əmanətimizdirlər". Nə böyük insanlıq, nə bənzərsiz genişqəlblilik?! Bunu ancaq Türk Kişisi söyləyə bilərdi!
Tədbir sonrası təşkilatçıların dəvətilə nahar etmək üçün bir sahilyanı lokantaya gəldik. Eceabat ilçəsindəki bu məkan düz ləpədöyəndə yerləşir. Nahar edib, sahilboyu gəzişərək təəssüratlarımızı bölüşürdük ki, ətrafda canlanma hiss etdik. Yol kənarinda polisin, ləpədöyəndə bir neçə qayığın peyda olması sanki rəsmi törən iştirakçılarının buraya yaxınlaşmasından xəbər verirdi. Elə əsl sürprizi də bu anda yaşadıq. Uzaqdan maşın karvanının gəldiyini görüb, mərasimə gələn qonaqlar olduğunu düşündük və Azərbaycan və Türkiyə bayraqlarını dalğalandıraraq onları salamlamaq, "Azərbaycan - Türkiyə" sədaları ilə uğurlamaq istədik. Maşın karvanı bizə çathaçatda yavaşıdı. İlk avtobus dayandığında qarşımızda Cumhurbaşqanı Ərdoğanı gördük. Bir anlıq donumuzu isə elə onun bizə söylədiyi səmimiyyət dolu sözlər açdı":İlham kardeşimi (Prezident İlham Əliyevi) şimdi uğurladım, siz burda nə yapıyorsuz?" Bu sözlər o qədər doğma səsləndi ki, sanki həqiqi qardaşını yola salan birisi onun uşaqlarına "siz niyə atanızın yanında deyilsiz" deyirdi. Əslində elə bizim də gözümüz Prezidentimizi axtardı, axı Tayyib bəyin olduğu avtobusda Zəfər bayramına təşrif buyurmuş bir çox ölkələrin dövlət başçıları və rəsmilər əyləşmişdi... Cumhurbaşqanı onu da bildirdi ki, Prezidentimizin ertəsi gün önəmli görüşü olduğu üçün mərasim bitən kimi qonaqların şərəfinə verilən nahara qalmadan Bakıya dönüb. Bu anlarda yaşadığımız coşqunu sözlə ifadə eləmək çətindir. Sayın Ərdoğanın səmimiyyəti, maşından düşərək bizimlə atüstü söhbətə zaman ayırması, bizlərlə şəkil çəkdirməsi o qədər xoş idi ki, zamanı da, məkanı da unutmuşduq. Demə, qismətimizdə Zəfər bayramına qatılmaqla yanaşı, Türkiyə Prezidentı ilə yaxından ünsiyyətdə olmaq, bu görüşü fotolarda əbədiləşdirmək də varmış...
Az sonra Prezident karvanı yoluna davam etdi. Ardınca biz də yolu əlimizə alıb Eceabatı tərk etdik. Lakin yəqin ki, bu yerlərdə yaşadığımız xoş duyğular bizi heç zaman tərk etməyəcək. Axı elə bu gün iştirakçısı olduğumuz bir törənlə Türk dünyası öz qüdrətini bir daha dünyaya nümayiş elətdirmiş, ermənilərin çoxdan bəri xəyalını qurduğu utopik arzuların üzərindən qətiyyətlə xətt çəkmişdi. Tam bir əsr əvvəl bu torpaqlarda canını fəda edərək Vətən yolunda şəhid olanlar öz ölümlərilə dünyaya meydan oxumuş, Türkün torpağına göz dikənin gözü oyular - Türkün canını almaq olar, torpağını əsla - mesajını vermişdilər. 2015-ci ilin 24 aprelində isə elə bu torpaqlarda Türkiyə Cumhurbaşkanı Rəcəb Tayyib Ərdoğan dünyaya sülh və barış mesajı verdi. Və biz bu tarixi olayların canlı şahidləri olduq...
Bu gün Türk dünyasında yeni bir tarix yazıldı. Bu tarixi günü yaşadığımız üçün TİKA-ya və TC Bakı Böyükelçiliyinə sonsuz təşəkkürlər!

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...