Beynəlxalq rəsmi dairələrdən Avropa Oyunlarına maraqlı şərhlər başlayıb

Tarix: 01.05.2015 / 04:21
Bölmə: Gündəm

Belçika, Macarıstan, Yuqoslaviya, İsveçrə...

«İlk Avropa Oyunları turistləri Azərbaycana cəlb etmək üçün maqnit effekti verəcək»

Son iki il yarım ərzində I Birinci Avropa Oyunları üçün lazımi infrastruktur yaratmaqla Bakı qeyri-mümkün bir şeyə nail olub. Bunu «Trend»ə açıqlamasında Bakıdakı Azərbaycan-Belçika biznes forumuna qatılan Belçika Krallığının xarici ticarət məsələləri üzrə dövlət katibi Piter de Krem bildirib. Onun sözlərinə görə, I Avropa Oyunları kimi tədbirin keçirilməsi Azərbaycana müsbət təsir göstərəcək.

«Əvvəla, bu çox yaxşı bir idman çağırışıdır. İkincisi isə, bu tədbir Azərbaycana xeyli turist cəlb edəcək, ölkənizin Avropada populyarlığını daha da artıracaq», - deyə dövlət katibi bildirib.

Piter de Krem vurğulayıb ki, belə bir miqyasda olan tədbirin təşkilatçılığı böyük məsuliyyət tələb edir: «Bu çox ağır və məsuliyyətli vəzifədir. Lakin uğurlu olacağı halda - inanıram ki, belə də olacaq - Azərbaycanı istənilən miqyasda bir tədbir keçirməyə qadir ölkə kimi tanıyacaqlar. Mən Azərbaycan üçün bu cür tədbirlərin ancaq faydasını görürəm».

O, «Bakı-2015» I Avropa Oyunlarına Belçikada böyük marağın olduğunu əlavə edib.

«Mayın sonunda və ya iyunun əvvəlində bu tədbirlərin təşkilatçılıq işləri ilə tanış olmaq üçün Bakıya 120 nəfərdən ibarət nümayəndə heyəti gələcək. Biz Azərbaycanın bu sahədəki təcrübəsindən yararlanmaq istəyirik. İdmançılarımızın bu yarışlarda fəal iştirak edəcəyini və Belçikaya medallarla qayıdacağını gözləyirəm», - deyə belçikalı dövlət rəsmisi söyləyib.

Azərbaycan 2012-ci ildə «Eurovision» mahnı müsabiqəsini yüksək səviyyədə keçirib və bu yay Bakıda keçiriləcək Birinci Avropa Oyunları da böyük uğur qazanacaq. Bunu isə agentliyi açıqlamasında macar ekspert Levente Kozma bildirib.

Onun fikrincə, Birinci Avropa Oyunları iqtisadi baxımdan Azərbaycan üçün xüsusi əhəmiyyət daşıyır.

L.Kozma Azərbaycan və Macarıstan arasındakı əməkdaşlığın yüksək səviyyədə olmasını da qeyd edib.

O bildirib ki, 2002-ci ildə Peter Medgyessinin baş nazir olduğu zaman Macarıstan bir sıra ölkələrlə, o cümlədən Azərbaycanla münasibətləri inkişaf etdirmək üçün Asiya siyasətinə başlayıb: «Və bu münasibətlərin inkişafı sonrakı hökumətlərin dövründə də davam edib».

Ekspertin sözlərinə görə, Macarıstan energetika sektorunda əməkdaşlığa üstünlük verir, belə ki, bu ölkə Rusiyadan idxal olunan enerji daşıyıcılarından asılı vəziyyətdədir.

«Biz təchizat mənbələrini diversifikasiya etmək və energetika sahəsində Azərbaycanla daha sıx əməkdaşlıq etmək istəyirik», - deyə ekspert bildirib.

O qeyd edib ki, ölkələr arasında mədəniyyət və idman sahəsində əməkdaşlıq var: «Macar xalqı Azərbaycan dövləti və xalqı ilə daha yaxın olmaq istəyir».

Dövlət Gömrük Komitəsinin məlumatına görə, iki ölkə arasındakı ticarət dövriyyəsi 2015-ci ilin ilk rübündə 2,881 milyon dollar olub ki, bu, ötən ilin analoji dövründəki göstəricidən 1,8 dəfə azdır.

«Bakıda keçiriləcək Birinci Avropa Oyunları böyük tamaşaçı kütləsi toplayacaq və Azərbaycanın turizm mərkəzi kimi potensialını üzə çıxaracaq» - deyən Yuqoslaviya şahzadəsi Yelizaveta Karaqeorqiyeviçin sözlərinə görə, Azərbaycanın turizm sahələri hələ sona qədər üzə çıxarılmayıb.

«Azərbaycan inanılmaz dərəcədə gözəl ölkədir. Burada çox gözəl insanlar yaşayır. Azərbaycan mətbəxi isə dadına baxdıqlarım arasında ən yaxşısıdır. Azərbaycanın turizmi hələ geniş imkanlar əldə etməyib. Bir çoxları məzuniyyət üçün Avropaya getməyə üstünlük verir, lakin onlar Azərbaycana da baş çəkməlidirlər. Burada maraqlı şeylər çoxdur, ölkənin zəngin mədəniyyəti, tarixi var», - deyə Yuqoslaviya şahzadəsi qeyd edib.

«Azərbaycanda keçiriləcək İlk Avropa Oyunları ölkə iqtisadiyyatına həm yaxın, həm də uzaq perspektivdə böyük faydalar gətirəcək». Bu barədə isə isveçrəli ekspert Andrej Baster danışıb. A.Baster bildirib ki, məlum olduğu kimi, bu Oyunlar televiziya vasitəsilə dünyanın bir çox ölkələrində yayımlanacaq və 100 milyonlarla insan bu Oyunlara tamaşa edəcək: «O cümlədən, bu Oyunları izləmək üçün Azərbaycana on minlərlə turist gələcək. Təbii ki, bunlar Azərbaycan iqtisadiyyatına müsbət mənada mühüm təsir göstərəcək. Avropada, Amerikada, Asiyada, eləcə də dünyanın digər ərazilərində çox sayda insan Azərbaycan haqqında, onun turizm potensialı barədə geniş məlumat əldə edəcək ki, bu da turistləri cəlb etmək üçün bir maqnit effekti verəcək və ölkədə turizmin genişlənməsinə mühüm töhfə verəcək».

A.Baster vurğulayıb ki, İlk Avropa Oyunlarının Azərbaycanda keçirilməsi eyni zamanda ölkənin beynəlxalq imicinin də yüksəlməsinə səbəb olacaq:

«Azərbaycan onsuz da beynəlxalq aləmdə böyük nüfuza malikdir. Ancaq hesab edirəm ki, bu Oyunlar Azərbaycanın həm regionda, həm də dünyada daha möhkəm mövqe tutmasına şərait yaradacaq».

A.Baster İlk Avropa Oyunlarının dünyada və regionda idmanın inkişafına da mühüm təsir edəcəyini bildirib: «Adətən bu cür böyük beynəlxalq yarışlar Avropa, Amerika və Asiya regionunda keçirilirdi, lakin bu dəfə Azərbaycan belə bir möhtəşəm yarışmaya ev sahibliyi edir ki, bu da regionda idmanın inkişafına mühüm təsir göstərəcək».

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...