Azərbaycanın tanınmış simaları da Bakı Oyunlarına hazırlaşır

Tarix: 30.04.2015 / 03:22
Bölmə: Gündəm

Fərid Şahbazlı: «Azərbaycanı sevən hər bir kəs yarışı izləmək üçün bilet almalıdır»

Rufiz Qonaqov: «Azərbaycan vətəndaşı olaraq ölkəmizdə keçirilən Avropa Oyunlarını böyük zövqlə izləyəcəyəm»

Zahid Oruc: «Ailəmizlə birgə Avropa Oyunlarına qatılacağam və yarışları izləyəcəyəm»

Fərəc Quliyev: «Şübhəsiz, yarışmalarda iştirak edəcəyik və idmançılarımıza dəstək olacağıq»

Növbəti ay ölkəmiz üçün əlamətdar hadisə olacaq. İyun ayında uzun müddətdir hər kəsin səbrsizliklə gözlədiyi «Bakı- 2015» İlk Avropa Oyunlarına start veriləcək. Məlum olduğu kimi, Oyunlarda 50 ölkədən 30 idman növü üzrə 6000-dən çox idmançı yarışacaq. Yarışı izləmək üçün əcnəbi ölkələrdə yaşayanlar ölkəmizə gələcək.

Qeyd edək ki, iyunun 12-dən 28-dək Bakıda keçiriləcək Birinci Avropa Oyunları-2015-in biletləri artıq satışdadır.

Yaşlılar üçün biletlərin qiyməti 2-5 manatdır.

Qiymətlər yarışın mərhələsi, keçirilmə yeri və tamaşaçı yerinin kateqoriyasından asılıdır.

Uşaqlar və 16 yaşdan kiçik yeniyetmələr üçün giriş sərbəst olacaq. Lakin bu zaman onların yanında yaşı 18-dən çox, üzərində şəxsiyyət vəsiqəsi və bileti olan şəxsin olması lazımdır.

Yeganə istisna Heydər Əliyev adına İdman-konsert kompleksi və Milli Gimnastika Arenasındakı yarışlar olacaq - 16 yaşı tamam olmayanlar biletə görə 1 manat ödəyəcək.

Açılış mərasiminə biletlərin qiyməti 20 manat, bağlanış mərasiminə isə 10 manat təşkil edir.

Maraqlıdır, tanınmış ictimai-siyasi xadimlər yarışları izləmək üçün bilet alacaqlarmı?

Bu sualla millət vəkilləri, QHT təmsilçilərinə müraciət etdik.

Beynəlxalq Münasibətlərin Araşdırılması Mərkəzinin sədri Rufiz Qonaqov «Bakı-Xəbər»ə açıqlamasında qeyd etdi ki, o bir Azərbaycan vətəndaşı olaraq ölkəmizdə keçirilən Avropa Oyunlarını böyük zövqlə izləyəcək: «Qeyri-hökumət təşkilatlarının rəhbərləri və koalisiya üzvləri çox aktiv şəkildə Avropa Oyunlarını izləyəcək. Biz paytaxtda keçiriləcək möhtəşəm proseslə əlaqədar həm də ölkə daxilində silsilə tədbirlər keçirməyi planlaşdırırıq».

Millət vəkili Zahid Oruc qeyd etdi ki, ailəsi ilə birgə Avropa Oyunlarında tamaşaçı qismində iştirak edəcək: «Bu təkcə idman hadisəsi yox, həm də ölkəmizin əldə etdiyi diplomatik uğurdur. Avropa Oyunları dövlətimizin dünya miqyasında daha artıq tanınmasına, o cümlədən ölkəmizin turizm potensialının artmasına səbəb olacaq. Əlbəttə, ailəmizlə birgə Avropa Oyunlarına qatılacam və yarışları izləyəcəyik».

«İslahatçı Gənclər» İctimai Birliyinin (İGİB) sədri Fərid Şahbazlı bizimlə söhbətində qeyd etdi ki, Avropa Oyunlarının ölkəmizdə keçirilməsi Azərbaycanın qələbəsidir: «Gənclər təşkilatının sədri və sıravi vətəndaş olaraq bu Oyunların möhtəşəm səviyyədə keçirilməsi üçün hazırlıq mərhələsini izləyirəm».

F.Şahbazlı qeyd etdi ki, yaxın günlərdə yarışları izləmək üçün bilet alacaq: «Çalışacam ki, yarışların əksəriyyətini izləyim. Tamaşaçı kimi, Azərbaycan idmançılarının qələbə qazanmasına dəstək verəcəyik. Azərbaycanı sevən hər bir kəs yarışı izləmək üçün bilet almalıdır».

Həmsöhbətimiz onu da əlavə etdi ki, yarış başlamazdan öncə Türkiyədə mövcud olan ali təhsil ocaqlarında və bələdiyyələrdə «Bakı-2015» İlk Avropa Oyunlarının təqdimatını keçirəcək. Təqdimat bitdikdən sonra təşkilatın hər bir üzvü yarışı canlı şəkildə izləyəcək.

Millət vəkili Fərəc Quliyev də paytaxt Bakıda keçiriləcək yarışı canlı şəkildə izləyəcəyini dilə gətirdi: «Nəzərinizə çatdırım ki, mən idmanı çox sevirəm və böyük zövqlə həmin yarışları izləyəcəm. Dövlətini, vətənini, millətini sevən bütün vətəndaşlar kimi, biz də Avropa Oyunlarının başlamasını səbrsizliklə gözləyirik. Heç şübhəsiz, yarışmalarda iştirak edəcəyik. Azərbaycanımıza və onun idmançılarına dəstək olacağıq».

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...