Sıravi jurnalistlərin Avropa Oyunlarında missiyası...

Tarix: 29.04.2015 / 03:39
Bölmə: Gündəm

"Ədalət" qəzeti - Ədil Ədilzadə: "Biz bütün informasiyaları geniş ictimaiyyətə çatdırmağa çalışacağıq"

Samir Güləliyev: "Avropa Oyunlarının paytaxtda keçirilməsi ilə bağlı lazım olan hər bir dəstəyi verməyə hazıram"

Elnur Eltürk: "Hər bir kəs Avropa Yay Oyunlarının daha yaxşı keçirilməsi üçün öz səylərini göstərməlidir"

"Gün.az" - Araz Zeynalov: "Avropa Oyunları kimi genişmiqyaslı tədbirin, sadəcə, idmanla məhdudlaşmayacağı aydındır"

"Bakı-2015" Birinci Avropa Oyunlarının keçirilməsinə təxminən 40 gün qalıb. Artıq Olimpiya Oyunlarının simvolu sayılan məşəl alovlandırılıb. Məşəl estafeti paytaxt Bakıda start götürərək daha sonra Naxçıvana yola düşüb. Ölkəmizin digər bölgələrindən də məşəl estafetinin keçməsi nəzərdə tutulur.
Ölkəmizdə keçiriləcək Avropa Oyunlarının daha möhtəşəm olması üçün hər kəs əlindən gələni etməyə çalışır.
Məlum olduğu kimi, ötən həftə media kapitanları ilə QHT sədrlərinin təşkilatçılığı ilə "Bakı-2015 Birinci Avropa Oyunlarına dəstək" koalisiyası yaradıldı.
Qeyd edək ki, yarışı izləmək üçün bir qrup jurnalist akkreditasiyadan keçib. Akkreditasiyadan keçən jurnalistlər yarışları izləyərək materiallar hazırlayacaq.
Maraqlıdır, bəs akkreditasiyadan keçməyən jurnalistlər Avropa Oyunlarına necə dəstək verəcək?
Elə bu sualla həmkar yoldaşlarımıza müraciət etdik.
"Ədalət" qəzetinin İnformasiya şöbəsinin müdiri, jurnalist Ədil Ədilzadə bizimlə söhbətində bildirdi ki, "Adalet.az" saytının və "Ədalət" qəzetinin əməkdaşları akkreditasiyadan keçib: "Biz bütün informasiyaları geniş ictimaiyyətə çatdırmağa çalışacağıq. Bunun üçün gücləndirilmiş iş qrafikində işləyəcəyik. Gecə növbəsində olan əməkdaşlarımız informasiyaları anında sayta yükləyəcək".
Ə.Ədilzadənin sözlərinə görə, o bir media nümayəndəsi olaraq "Bakı 2015" Avropa Oyunlarının ölkəmizdə keçirilməsindən şaddır: "Olimpiya Oyunları sayəsində ölkəmizin nüfuzu daha da yüksələcək. Xarici mətbuat yalnız Azərbaycandan yazacaq".
Müstəqil jurnalist Samir Güləliyev bildirdi ki, o bir vətəndaş və media təmsilçisi kimi Avropa Oyunlarının paytaxtda keçirilməsi ilə bağlı lazım olan hər bir dəstəyi verməyə hazırdır: "İşlədiyim mətbu qurumda bu mövzu ilə bağlı mütəmadi məqalələr yazıram. Bu tədbirin ölkəmizdə keçirilməsini dəstəkləyirəm. Və imkanım daxilində əlimdən gələn dəstəyi verməyə hazıram".
Müstəqil jurnalist Elnur Eltürk qeyd etdi ki, bu gün hər bir kəs Avropa Yay Oyunlarının daha yaxşı keçirilməsi üçün öz səylərini göstərməlidir: "Hansı sahədə çalışmasından asılı olmayaraq, fəal olmalıyıq. Çünki uğurlar Azərbaycanın adına yazılır. Dünyanın diqqəti ölkəmizdə olacaq. Media işçisi olaraq Avropa Oyunları haqqında sosial şəbəkələrdə məlumatlar verirəm. Çünki sosial şəbəkələr bu kimi təbliğatın aparılması üçün yaxşı fürsətdir və bundan yararlanmaq lazımdır".
"Gün.az" informasiya portalının redaktoru Araz Zeynalov da media təmsilçisi kimi adıçəkilən yarışa dəstək verməyə hazır olduğunu dilə gətirdi: "İdmandan yazmadığım üçün bu məsələdə necə davranacağımı, ümumiyyətlə, redaksiyada Avropa Oyunlarının işıqlandırılmasında qeyri-idman jurnalistlərinin fəaliyyətinə nə dərəcədə ehtiyac olacağını indidən söyləmək çətindir. Amma Avropa Oyunları kimi genişmiqyaslı tədbirin, sadəcə, idmanla məhdudlaşmayacağı aydındır. Hər halda, Oyunlara qısa müddət qaldıqda bizim üçün bu məsələdə də müəyyənlik yaranacağını, hansı işimizlə faydalı olacağımızın dəqiqləşəcəyini gözləyirəm. Amma özüm müxtəlif idman yarışlarını azarkeş kimi izləmək niyyətindəyəm".

DİGƏR XƏBƏRLƏR

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

Tarix: 17.06.2026 / 22:11

Tramp İran məsələsində “günah keçisi”ni tapdı - Vens “gedəcək”…

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 20:53

Əliyev bütün dövlətin strategiyasını açdı - “...balansı mütləq dəyişdirməliyik”...

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Dövlət qulluğu statusu-dövlətçilikdə Azərbaycan brendi...