Prezident icarə torpaqlarını «əsirlikdə» saxlayanlara qarşı milli əhəmiyyətli çağırış etdi

Tarix: 03.02.2015 / 01:30
Bölmə: Gündəm

Məhərrəm Zülfüqarlı: «Prezidentin səsləndirdiyi fikirlər reallığı əks etdirir»

«Ola bilər ki, özəlləşmə həyata keçiriləndə hansısa ölkə vətəndaşı adi bir rəqəm verməklə böyük sahələri icarədə saxlayır»

Məlum olduğu kimi, Prezident İlham Əliyev «Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı»nın icrasının birinci ilinin yekunlarına həsr olunan konfransda, bir çox məsələlərlə yanaşı, icarəyə götürülən, amma istifadəsiz qalan torpaqlara da toxunub.

Dövlət başçısı bununla bağlı qeyd edib ki, belə torpaqlar kifayət qədər çoxdur: «Hesab edirəm ki, biz istifadəsiz torpaqların taleyi ilə bağlı tədbir görməliyik. Kim torpağı icarəyə götürüb istifadə etmirsə, gərək o icarə müqavilələri ləğv edilsin. O müqavilələr verilsin o torpaqda işləyənə. Yoxsa torpağı götürürlər, ondan sonra təyinatı dəyişdirirlər, daha sonra o torpaqlarda müxtəlif obyektlər tikilir və s. Bu yolverilməzdir. Yerli icra orqanlarının nümayəndələri nəzarət etməlidirlər. Onların rayonlarında kimsə bu işlə məşğul olursa, buna qarşı tədbir görülməlidir.

Mərkəzi orqanlar da burada yeni təkliflərlə çıxış etməlidirlər ki, istifadəsiz torpaqlar olmasın. Onsuz da bizim o qədər də çox torpağımız yoxdur. İcazə verə bilmərik ki, istifadəsiz qalsın, yaxud da ki, torpaqdan səmərəli şəkildə istifadə edilməsin».

Bu gün elə şəxslər var ki, 100-200 hətta bundan da çox torpaq sahəsini uzun müddətə icarəyə götürüb, ancaq bundan hansısa məqsəd üçün istifadə edilmir. Nəticədə bu, kənd təsərrüfatı məhsullarının istehsalına mənfi təsir göstərir.

Məsələyə münasibət bildirən İctimai Problemlərin Tədqiqi Assosiasiyasının rəhbəri Məhərrəm Zülfüqarlı Prezidentin sözügedən məsələ ilə bağlı səsləndirdiyi fikirləri dəstəklədiyini bildirdi: «Prezidentin səsləndirdiyi fikirlər reallığı əks etdirir.

Yəni torpaq sahələrini bu formada istifadəsiz saxlamaq düzgün deyil. Lazım olan qədər kənd təsərrüfatı məhsulunu ölkə daxilində istehsal etmək fikrindəyiksə, hər bir torpaq qarışının qədrini bilməliyik. Torpağı alıb istifadəsiz saxlamaq, məhsulu isə xaricdən gətirmək qətiyyən düzgün deyil.

Hər bir regionun mövqeyindən asılı olaraq istifadəsiz torpaqların istifadəyə yararlı hala gətirilməsi yolunda addımlar atılmalıdır. Dediyimiz bu amillər nəzərə alınsa, istifadəsiz qalan torpaqlardan götürülən məhsul, təbii ki, ölkədə ümumi məhsulun həcminə də təsir edəcək, bazarda ucuzlaşmaya stimul verəcək.

Digər tərəfdən, ola bilər ki, özəlləşmə həyata keçiriləndə hansısa ölkə vətəndaşı adi bir rəqəm verməklə böyük sahələri icarədə saxlayır.

Yəni özəlləşdirə bilmədiyi üçün icarəyə götürdüyü torpağı icarədə saxlayır. Bu halda elə etmək lazımdır ki, torpağı icarəyə götürənin də hüquqları pozulmasın. Bax, belə hallar da var».

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...