Rusiyadan Azərbaycana əməkçi miqrantlar köçü...

Tarix: 28.01.2015 / 01:50
Bölmə: Gündəm

Son vəziyyətin təhlili şimal qonşumuzun iqtisadiyyatının getdikcə daha acınacaqlı vəziyyətə düşməkdə olduğunu göstərir. Bu hal Rusiyada çalışan miqrantları daha çətin duruma salır. Onlar sırasında isə Rusiyada işləyən soydaşlarımız da yer alır. Azərbaycanlılar və digər miqrantlar Rusiyada vəziyyətin düzələcəyinə ümid etsələr də, vəziyyət durmadan ağırlaşır. Bu vəziyyət Rusiyada qalan miqrantların buranı tərk etməsi ilə müşayiət olunur.
Belə bir vaxtda yayılan xəbərlər Rusiyada iqtisadi vəziyyətin daha da kəskinləşəcəyini istisna etmir. Söhbət ondan gedir ki, Rusiyanın kredit reytinqi kəskin aşağı düşüb. "Standard & Poor’s" beynəlxalq agentliyi Rusiyanın kredit reytinqini "BB+" səviyyəsində göstərib ki, bu səviyyəyə "zibil" deyirlər. Bu o deməkdir ki, sərmayə fondları Rusiyanın dövlət istiqrazlarından xilas olmağa başlayacaq. Sonuncu dəfə 2004-cü ildə Rusiyanın reytinqi bu səviyyədə olub. Onu da qeyd edək ki, son 1 ildə ölkədən 151 milyard dollar kapital çıxarılıb. Lakin Moskvanın problemləri bununla yekunlaşmır və ölkəni daha çətin günlər gözləməsi barədə fikirlər səslənir. Rusiyalı iqtisadçı-ekspert Sergey Quriyev bildirir ki, Moskvanın Mariupola hücumu yeni sanksiyaların tətbiqinə səbəb olacaq. Yeni sanksiyaların bankları təlaşa salacağını deyən Quriyev ilk addımın Dünya Bankından gələcəyini bildirib. Quriyev Dünya Bankının Rusiya banklarına tətbiq etdiyi sanksiyalardan sonra oliqarxları və vəzifəli şəxsləri də hədəfə alacağını qeyd edib. Sanksiyaların Rusiya banklarına ciddi şəkildə təsir göstərəcəyini vurğulayan rusiyalı ekspert bankların yeni yaranacaq problemlərdən yaxa qurtarmalarının son dərəcə çətin olacağını deyib.
Bütün bunlar fonunda Rusiya prezidenti Vladimir Putin hökumətə bir həftə ərzində antiböhran planının parametrlərinin müzakirəsi üçün deputatlarla görüşməyi tapşırıb. Putinin sözlərinə görə, hökumət iqtisadi blokadadan çıxmaq üçün ilk növbədə sosial sabitliyi təmin etməlidir. Bundan əlavə, prezident hökumətə büdcənin optimallaşdırılması barədə düşünməyi təklif edib. O bildirib ki, 2008-2009-cu illərdə analoji addım atılmışdı və iqtisadiyyatın inkişafına təsir etmişdi. Lakin bu dəfə vəziyyətin daha çətin olduğu vurğulanır. Yuxarıda qeyd olunduğu kimi, bu hal miqrantlara da təsirsiz ötüşmür. Vəziyyətin getdikcə daha da ağırlaşması ilə əlaqədar olaraq əmək miqrantları Rusiyanı kütləvi şəkildə tərk edir. Buna səbəb həm də rublun dəyərdən düşməsi və miqrantları rus dilindən ödənişli imtahan verməyə məcbur edən qanundur. Bu gedişlə cari ildə miqrantların 25 faizi Rusiyanı tərk etməyi planlaşdırır. Əsas səbəb ölkədəki iqtisadi vəziyyət və bu ildən miqrasiya qanunvericiliyinin sərtləşdirilməsidir. Ən əsası isə, rublun sürətlə ucuzlaşması keçmiş sovet respublikalarından olan miqrantların da Rusiyadan kütləvi şəkildə çıxmasına səbəb olub. Belə vəziyyət Rusiya üçün əlavə problemlərə yol açır. Çünki Rusiya şəhərlərinin küçələrini zibildən təmizləyən, binaların damına yığılan qar təpələrini yığan və digər ağır işləri görənlər məhz miqrantlar idi. Lakin onların gedişi Rusiya şəhərlərində kommunal sahələri iflic vəziyyətinə salmağa başlayır. Məlumatlara görə, son 1 ayda Rusiyanı 1 milyondan çox əmək miqrantı tərk edib, qalanları isə buranı tərk etməyə hazırlaşır. Belə fikirlər də səslənir ki, miqrantların qaçması tikintilərin dayanmasına, mağazaların, restoranların, kiçik sexlərin bağlanmasına və nəticədə iqtisadiyyatın daha çox zərər görməsinə səbəb olacaq. Moskvadakı miqrant assosiasiyalarının təmsilçiləri deyir ki, yaxın vaxtlarda rublun kursu yüksəlməsə, Rusiyada əmək miqrantlarının sayı kəskin azalacaq. Ekspertlər də deyir ki, 1998-ci ildə yaşanan defoltdan sonra ən dramatik iqtisadi böhranın yaşandığı indiki günlərdə işçi miqrantlar üçün qazanc dalınca Rusiyaya getmək artıq sərfəli deyil. Onların qazandığı pullar sürətlə dəyərdən düşür. Ticarətlə məşğul olanlar isə rublun kursunun kəskin dəyişməsindən ciddi ziyana düşür. Rusiyada 600 minə qədər soydaşımızın çalışdığını nəzərə alsaq, baş verənlərin onlara da müəyyən dərəcədə təsir göstərməsi qaçılmazdır. Əslində, son aylarda Rusiyadan xeyli sayda azərbaycanlı vətənə dönüb. Qeyd edək ki, Rusiyada əmək fəaliyyətilə məşğul olan insanlarımızın sayı son illərdə azalıb. Vaxtilə orada işləyən soydaşlarımızın sayı 1,5 milyon idisə, hazırda təxminən 600 min insanın orada əmək fəaliyyətilə məşğul olduğu bildirilir. Bunun da bir qismi son aylarda Rusiyanı tərk edib. Nəticədə miqrantların göndərdiyi vəsait də sürətlə azalır və bu il həmin vəsaitin heç 800 milyon dolları da keçməyəcəyi proqnozlaşdırılır.
Rusiyadan ölkəmizə pul köçürmələrinin azalmasının Azərbaycana nə vəd edəcəyinə gəlincə, ekspertlər bildirir ki, burada iqtisadiyyatımız üçün təşvişə düşməyə heç bir əsas yoxdur. Yalnız əməkçi miqrantların Azərbaycandakı ailə üzvlərinin gəlirlərinin azalması baxımından proses öz təsirini nümayiş etdirə bilir. Bu fonda Rusiyada vəsait qazanan miqrantların yeni iş üçün Bakıya üz tutmaları istisna olunmur.

DİGƏR XƏBƏRLƏR

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

Tarix: 18.06.2026 / 14:23

Kılıçdaroğlu öz oğlunun da dəstəyini ala bilmir...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...