Azərbaycan tədricən İslam və Avropa oyunlarını birləşdirən dünyəvi mərkəzə çevrilir

Tarix: 28.01.2015 / 01:16
Bölmə: Gündəm

Səmayə Məmmədova: "Bununla bizim ölkənin həm Avropanı, həm də Asiyanı birləşdirən bir mərkəz olduğu bir daha təsdiqini tapır"

"Bu siyasət bizim müxtəlif dinlərə, müxtəlif mədəniyyətlərə açıq ölkə olduğumuzu bir daha təsdiq edir"

Məlum olduğu kimi, bu il Azərbaycanda Yay Olimpiya Oyunları keçiriləcək. Dövlət səviyyəsində bu tədbirlə bağlı yüksək hazırlıq işləri aparılır. Diqqətçəkən vacib məqamlardan biri budur ki, iki il sonra Azərbaycan başqa bir mötəbər idman yarışına ev sahibliyi edəcək. Söhbət "Bakı 2017" İslam Həmrəyliyi Oyunlarının təşkilindən gedir.
Bu qərara ötən ilin sonlarında Səudiyyə Ərəbistanının Ciddə şəhərində İslam Həmrəyliyi İdman Federasiyasının (İHİF) növbədənkənar Baş Assambleyası və İcraiyyə Komitəsinin iclasında gəlinib. Həmin iclasda Azərbaycanı MOK-un vitse-prezidenti, İHİF-in vitse-prezidenti Çingiz Hüseynzadə, MOK-un Beynəlxalq Əlaqələr İdarəsinin rəisi və İHİF-in İcraiyyə Komitəsinin üzvü Könül Nurullayeva, "Bakı 2017" İslam Həmrəyliyi Oyunlarının Təşkilat Komitəsinin nümayəndəsi Mehman Kərimov və digər nümayəndələr təmsil ediblər. İclas zamanı Azərbaycanda keçiriləcək 4-cü İslam Həmrəyliyi Oyunları ilə bağlı görülən işlərin hesabatı MOK-un Beynəlxalq Əlaqələr İdarəsinin rəisi K.Nurullayeva tərəfindən verilib. Azərbaycan Milli Taekvando Federasiyasının vitse-prezidenti Nağı Səfərov və bu ilin aprel ayında İslam ölkələrinin taekvando çempionatının Bakı şəhərində keçirilməsi ilə bağlı təqdimatla çıxış edib. K.Nurullayeva və "Bakı 2017" Təşkilat Komitəsinin nümayəndəsi M.Kərimov Azərbaycanda keçiriləcək "Bakı 2017" İslam Həmrəyliyi Oyunları ilə bağlı təqdimat ediblər.
Eyni zamanda, tədbir çərçivəsində Azərbaycan Milli Cüdo Federasiyasının vitse-prezidenti Asif Əsgərov cüdo idman növünün 2017-ci ildə ölkəmizdə keçiriləcək İslam Həmrəyliyi Oyunlarının idman proqramına salınması və bu idman növü üzrə 2015-ci ildə sınaq yarışının keçirilməsi ilə bağlı müzakirələr aparıb.
Göründüyü kimi, Azərbaycan Şərq və Qərb sivilizasiyasının qovuşduğu bir məkan olaraq bu məsələdə avanqard rolunu oynayır. Hətta ən mötəbər idman oyunlarına ev sahibliyi etməkdə belə balansı qoruyur.
Azərbaycanın həyata keçirdiyi və müxtəlif qütbləri əhatə edən idman siyasətindən hansı nəticələri hasil etmək mümkündür?
Gənclər və İdman Nazirliyi Mətbuat Xidmətinin rəisi Səmayə Məmmədova "Bakı-Xəbər"ə açıqlamasında bunun olduqca vacib bir məqam olduğunu vurğuladı. Müsahibimizin sözlərinə görə, ölkə başçısı Davos Forumunda iştirak edərkən bu məsələyə xüsusi olaraq toxundu: "Prezident bildirdi ki, 2015-ci ildə Bakının ev sahibliyi edəcəyə mötəbər idman tədbirlərinə son qoyulmur. 2017-ci ildə biz fərqli coğrafiyanı və mədəniyyəti əhatə edən ölkələr arasında keçiriləcək idman tədbirinə ev sahibliyi edəcəyik. Bununla bizim ölkənin həm Avropanı, həm də Asiyanı birləşdirən bir mərkəz olduğu bir daha təsdiqini tapır. Eyni zamanda, oyunların keçiriləcəyi paytaxtımız həm müasirliyi, hə də qədimliyi özündə cəmləşdirən şəhərdir. Bu siyasət bizim müxtəlif dinlərə, müxtəlif mədəniyyətlərə açıq ölkə olduğumuzu bir daha təsdiq edir. Sübut edirik ki, balans qorumağı bacaran bir ölkəyik. Bizim üçün insanların dininin, irqinin heç bir fərqi yoxdur. İdman elə bir sahədir ki, sülhü sevir. Olimpiya Oyunları zamanı bütün müharibələr dayanmalıdır. Bu fikri cənab Prezident də qeyd etdi. Demək biz həm də sülhpərvər olduğumuzu dünyaya nümayiş etdirə bilirik. Bir sözlə, idman sülhdür, idman mehribançılıqdır. İdman insanları, ölkələri, dinləri birləşdirən bir vasitədir. Ölkəmizin idman sahəsində də yürtdüyü uğurlu siyasət bizi sevindirməyə bilməz".

DİGƏR XƏBƏRLƏR

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...