Messenger-in təsisçisi Pavel Durov bildirib ki, Telegram bloklanmaya uyğunlaşmağa davam edəcək.
Onun sözlərinə görə, gündəlik olaraq 65 milyon rus VPN vasitəsilə Telegram-dan istifadə edir və 50 milyondan çox insan mesaj göndərir.
Fevralın sonlarında RBC mənbələrə istinadən bildirib ki, hakimiyyət orqanları Telegram-ın, aprelin əvvəlində bloklanmasına qərar verib.
Texnologiya və Media
FSB direktoru Aleksandr Bortnikov Rusiya hakimiyyətinin əvvəllər Durovla danışdığını, lakin danışıqların "yaxşı nəticə vermədiyini" və hazırda onunla heç bir əlaqə olmadığını bildirib.
FSB-nin məlumatına görə, Telegram hərbçilərin həyatına təhlükə yarada bilər, çünki Ukrayna Silahlı Qüvvələri messencerdən məlumatları tez bir zamanda əldə edə bilər.
Qeyd edək ki, Rəqəmsal İnkişaf, Rabitə və Kütləvi Media naziri Maksut Şadayev xarici kəşfiyyat orqanlarının Telegram yazışmalarına çıxışı olduğunu iddia edib. Lakin Messencerin nümayəndələri xarici kəşfiyyat orqanları tərəfindən şifrələnmiş yazışmaların pozulmasını aşkar etmədiklərini bildiriblər və bu məlumatları "uydurma" adlandırıblar.
Roskomnadzor isə Telegram-ı "internet kəşfiyyatı" xidmətlərinə Rusiya vətəndaşlarının şəxsi məlumatlarını, o cümlədən "şəxsi dosyelər" şəklində qanunsuz olaraq yaymağa imkan verən bir infrastruktur yaratmaqda ittiham edib.
Prezidentin mətbuat katibi Dmitri Peskov mart ayında bildirib ki, bloklanmamaq üçün Telegram Rusiya qanunlarına uyğun və hakimiyyət orqanlarına qarşı "çevik" olmalıdır.
RBC-yə verdiyi müsahibədə Federasiya Şurasının Konstitusiya Qanunvericiliyi və Dövlət Quruculuğu Komitəsinin rəhbəri Andrey Klişas isə deyib ki, "bütün transmilli şirkətlər xidmət göstərmək istədikləri və müştəri bazası yaratmaq istədikləri ölkənin qanunlarına uyğun fəaliyyət göstərməlidirlər".
SAMİRƏ
