Əbu-Dabi əmirliyində yerləşən ən böyük qaz emalı zavoduna hücumolub. BƏƏ-nin hava hücumundan müdafiə sistemi tərəfindən müdaxilə edilən hava hücumundan sonra Habshan təbii qaz emalı kompleksində yanğın baş verib.
Əbu-Dabi Hökumətinin Mətbuat Ofisinin rəsmi açıqlamasına görə, qaz emalı kompleksi birbaşa hədəfə alınıb.
BƏƏ-nin hava hücumundan müdafiə sistemləri dərhal müdaxilə edərək təhlükəni havada məhv edib. Lakin məhv edilmiş sursatlardan çıxan qəlpələr müəssisəyə dəyərək böyük yanğına səbəb olub.
Təhlükəsizlik protokollarına uyğun olaraq yanğın nəzarət altına alınana qədər nəhəng müəssisədəki bütün əməliyyatlar müvəqqəti olaraq dayandırılıb.
Hücumun təsirləri yalnız müəssisə ilə məhdudlaşmayıb. Məhv edilmiş sursatlardan çıxan qəlpələrin Əbu-Dabi Əmirliyinin sərhədləri daxilində yerləşən Əcban bölgəsinə də düşdüyü bildirilir.
Habshan kompleksinin bağlanması bölgəyə qaz nəqlində qısamüddətli fasiləyə səbəb olub. BƏƏ hakimiyyəti yanğının söndürülməsindən sonra texniki yoxlamaların aparılacağını və qurğunun mümkün qədər tez tam fəaliyyətə başlayacağını açıqlayıb.
Tahir TAĞIYEV
